헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 66)

λωφήσαντοσ δὲ τοῦ θορύβου καὶ σιωπῆσ γενομένησ σὺν χρόνῳ διαλεχθέντεσ τι πρὸσ αὑτοὺσ οἱ ὕπατοι τέλοσ ἐξήνεγκαν τῆσ ἑαυτῶν γνώμησ τοιόνδε· ἡμεῖσ, ὦ βουλή, μάλιστα μὲν ἠξιοῦμεν ἅπαντασ ὑμᾶσ ὁμογνωμονεῖν, ἄλλωσ τε καὶ ταῦτα περὶ κοινῆσ σωτηρίασ βουλευομένουσ· εἰ δὲ μή, τοῖσ πρεσβυτέροισ ὑμῶν εἴκειν τοὺσ νεωτέρουσ καὶ μὴ φιλονεικεῖν ἐνθυμουμένουσ, ὅτι κἀκείνοισ εἰσ ταύτην ἐλθοῦσι τὴν ἡλικίαν τῆσ ἴσησ ὑπάρξει τυγχάνειν τιμῆσ παρὰ τῶν ἐγγόνων. ἐπεὶ δ’ ὁρῶμεν εἰσ ἔριν ὑμᾶσ ἐκπεπτωκότασ ὀλεθριωτάτην τῶν ἀνθρωπίνων νόσων καὶ πολλὴν τὴν αὐθάδειαν ὁμιλοῦσαν ὑμῶν τοῖσ νέοισ, νῦν μὲν ἐπεὶ βραχὺ τὸ λειπόμενόν ἐστι τῆσ ἡμέρασ καὶ οὐκ ἂν δύναιτο τέλοσ ἐν τούτῳ λαβεῖν τὰ δόξαντα ὑμῖν, ἄπιτ’ ἐκ τοῦ συνεδρίου· εἰσ δὲ τὸν ἐπιόντα σύλλογον ἥξετε μετριώτεροι γενόμενοι καὶ γνώμασ ἔχοντεσ ἀμείνουσ.

εἰ δὲ παραμενεῖ τὸ φιλόνεικον ὑμῖν, νέοισ μὲν οὔτε δικασταῖσ οὔτε συμβούλοισ ἔτι τῶν συμφερόντων χρησόμεθα, ἀλλὰ καὶ εἰσ τὸ λοιπὸν ἀνείρξομεν αὐτῶν τὴν ἀκοσμίαν νόμῳ τάξαντεσ ἀριθμὸν ἐτῶν, ὃν δεήσει τοὺσ βουλεύσοντασ ἔχειν·

τοῖσ δὲ πρεσβυτέροισ ἀποδόντεσ λόγον αὖθισ, ἐὰν μηδὲν συμφέρωνται ταῖσ γνώμαισ, ταχείᾳ τὴν φιλονεικίαν αὐτῶν λύσομεν ὁδῷ, ἣν ἄμεινόν ἐστιν ὑμᾶσ προακοῦσαι καὶ μαθεῖν. ἴστε δήπου νόμον ἡμῖν ὑπάρχοντα, ἐξ οὗ τήνδε οἰκοῦμεν τὴν πόλιν, πάντων εἶναι κυρίαν τὴν βουλήν, πλὴν ἀρχὰσ ἀποδεῖξαι καὶ νόμουσ ψηφίσαι καὶ πόλεμον ἐξενεγκεῖν ἢ τὸν συνεστῶτα καταλύσασθαι·

τούτων δὲ τῶν τριῶν τὸν δῆμον ἔχειν τὴν ἐξουσίαν ψῆφον ἐπιφέροντα. ἐν δὲ τῷ παρόντι οὐχ ὑπὲρ ἑτέρου τινὸσ ἢ πολέμου καὶ εἰρήνησ βουλευόμεθα, ὥστε πολλὴ ἀνάγκη τὸν δῆμον ἐπικυρῶσαι τὰσ ἡμετέρασ γνώμασ ψήφου γενόμενον κύριον.

παραγγείλαντεσ δὴ τῷ πλήθει παρεῖναι κατὰ τόνδε τὸν νόμον εἰσ τὴν ἀγοράν, ἐπειδὰν ὑμεῖσ ἀποδείξησθε τὰσ γνώμασ, ἀποδώσομεν αὐτῷ τὴν ψῆφον, οὕτωσ ἂν μάλιστα νομίσαντεσ ἀρθῆναι τὴν ἔριν ὑμῶν·

ὅ τι δ’ ἂν οἱ πλείουσ ψηφίσωνται, τοῦθ’ ἡγησόμεθα κύριον. ἄξιοι δὲ δήπου ταύτησ εἰσὶ τῆσ τιμῆσ τυγχάνειν οἱ διαμένοντεσ εὖνοι τῇ πόλει καὶ μέλλοντεσ ἰσομοιρεῖν ἡμῖν κακῶν τε καὶ ἀγαθῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 66

(디오니시오스, Antiquitates Romanae, Books IV-VI, book 6, chapter 66)

상위

목록

SEARCH

MENU NAVIGATION