헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 45)

ταῦτ’ εἰπὼν τὸ μὲν δημοτικὸν ἅπαν εἰσ συμπάθειαν ὑπηγάγετο, καὶ προὔπεμψαν αὐτὸν ἐκ τῆσ ἀγορᾶσ ἀπιόντα· τὴν δὲ βουλὴν ἔτι χαλεπωτέραν αὐτῷ γενέσθαι παρεσκεύασεν. εὐθὺσ δὲ μετὰ τοῦτο τάδε ἐγίνετο· οἱ μὲν πένητεσ οὐκέτι κρύφα οὐδὲ νύκτωρ ὡσ πρότερον, ἀλλ’ ἀναφανδὸν ἤδη συνιόντεσ ἐβούλευον ἀπόστασιν ἐκ τῶν πατρικίων· ἡ δὲ βουλὴ κωλύειν διανοουμένη τοῖσ ὑπάτοισ ἐπέταξε μήπω λύειν τὰ στρατεύματα. τῶν γὰρ τριῶν ταγμάτων ἑκάτεροσ ἔτι κύριοσ ἦν τοῖσ στρατιωτικοῖσ ὁρ́κοισ κατειργομένων καὶ οὐδεὶσ ἀπολείπεσθαι τῶν σημείων ἠξίου· τοσοῦτον ἴσχυσεν ὁ τῶν ὁρ́κων ἐν ἑκάστῳ φόβοσ.

πρόφασισ δὲ κατεσκευάσθη τῆσ στρατείασ, ὡσ Αἰκανῶν καὶ Σαβίνων συνεληλυθότων εἰσ ἓν ἐπὶ τῷ κατὰ Ῥωμαίων πολέμῳ. ὡσ δὲ προῆλθον ἔξω τῆσ πόλεωσ οἱ ὕπατοι τὰσ δυνάμεισ ἔχοντεσ καὶ τὰσ παρεμβολὰσ οὐ πρόσω ἀπ’ ἀλλήλων ἔθεντο, συνελθόντεσ οἱ στρατιῶται εἰσ ἓν ἅπαντεσ, ὅπλων τε καὶ σημείων ὄντεσ κύριοι, Σικιννίου τινὸσ Βελλούτου παροξύναντοσ αὐτοὺσ ἀφίστανται τῶν ὑπάτων ἁρπάσαντεσ τὰ σημεῖα·

τιμιώτατα γὰρ Ῥωμαίοισ ταῦτ’ ἐπὶ στρατείασ καὶ ὥσπερ ἱδρύματα θεῶν ἱερὰ νομίζονται· λοχαγούσ τε ἑτέρουσ καὶ περὶ πάντων ἄρχοντα τὸν Σικίννιον ἀποδείξαντεσ, ὄροσ τι καταλαμβάνονται πλησίον Ἀνίητοσ ποταμοῦ κείμενον, οὐ πρόσω τῆσ Ῥώμησ, ὃ νῦν ἐξ ἐκείνου Ιἑρὸν ὄροσ καλεῖται. τῶν δ’ ὑπάτων καὶ λοχαγῶν μετακαλούντων αὐτοὺσ ἅμα δεήσει καὶ οἰμωγῇ καὶ πολλὰ ὑπισχνουμένων ἀπεκρίνατο ὁ Σικίννιοσ·

τίνα γνώμην ἔχοντεσ, ὦ πατρίκιοι, οὓσ ἀπηλάσατε ἐκ τῆσ πατρίδοσ καὶ ἀντ’ ἐλευθέρων δούλουσ ἐποιήσατε, νῦν μετακαλεῖτε;

ποίᾳ δὲ πίστει τὰσ ὑποσχέσεισ ἡμῖν ἐμπεδώσετε, ἃσ πολλάκισ ἤδη ψευσάμενοι ἐλέγχεσθε; ἀλλ’ ἐπειδὴ μόνοι τὴν πόλιν ἀξιοῦτε κατέχειν, ἄπιτε μηδὲν ὑπὸ τῶν πενήτων καὶ ταπεινῶν ἐνοχλούμενοι· ἡμῖν δ’ ἀρκέσει πᾶσα γῆ, ἐν ᾗ ἂν τὸ ἐλεύθερον ἔχωμεν, ὁποία ποτ’ ἂν ᾖ, νομίζεσθαι πατρίσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 45

(디오니시오스, Antiquitates Romanae, Books IV-VI, book 6, chapter 45)

상위

목록

SEARCH

MENU NAVIGATION