헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 30

(디오니시오스, Antiquitates Romanae, Books IV-VI, book 6, chapter 30)

αὐχένασ αὐτῶν ἐκέλευσεν ἀποκόψαι. ἀφικομένου τε ἀπὸ τῆσ στρατείασ οὐ πολλαῖσ ὕστερον ἡμέραισ τοῦ συνυπάτου καὶ τὸν εἰωθότα δίδοσθαι θρίαμβον ἀπὸ τῆσ βουλῆσ τοῖσ ἀγῶνα λαμπρὸν ἀγωνισαμένοισ στρατηγοῖσ ἀξιοῦντοσ λαβεῖν, ἐμποδὼν ἐγένετο στασιαστὴν ἀποκαλῶν καὶ πολιτείασ πονηρᾶσ ἐραστήν, μάλιστα δ’ αὐτοῦ κατηγορῶν, ὅτι ἐκ τῶν τοῦ πολέμου λαφύρων οὐδεμίαν μοῖραν εἰσ τὸ δημόσιον ἀνήνεγκεν, ἀλλ’ οἷσ αὐτὸσ ἐβούλετο κατεχαρίσατο·

καὶ ἔπεισε τὴν βουλὴν μὴ δοῦναι τῷ ἀνδρὶ τὸν θρίαμβον. ὁ δὲ Σερουίλιοσ ὑβρίσθαι δοκῶν ὑπὸ τοῦ συνεδρίου εἰσ αὐθάδειαν οὐκ εἰωθυῖαν Ῥωμαίοισ ἐτράπετο· καλέσασ γὰρ εἰσ ἐκκλησίαν τὸν δῆμον ἐν τῷ πρὸ τῆσ πόλεωσ πεδίῳ καὶ διεξελθὼν τὰ πραχθέντα κατὰ τὸν πόλεμον καὶ τοῦ συνάρχοντοσ τὸν φθόνον καὶ τῆσ βουλῆσ τὸν προπηλακισμὸν διηγησάμενοσ, ἔφη παρὰ τῶν ἑαυτοῦ πράξεων καὶ τοῦ συναγωνισαμένου στρατεύματοσ ἔχειν τὴν τοῦ πομπεύειν ἐπὶ καλοῖσ τε καὶ εὐτυχέσιν ἔργοισ ἐξουσίαν. ταῦτ’ εἰπὼν στεφανῶσαι τὰσ ῥάβδουσ ἐκέλευσε καὶ αὐτὸσ στεφανωσάμενοσ ἔχων τὴν θριαμβικὴν ἐσθῆτα προῆγεν εἰσ τὴν πόλιν ὑπὸ τοῦ δήμου παντὸσ προπεμπόμενοσ, ἑώσ εἰσ τὸ Καπιτώλιον ἀνέβη καὶ τὰσ εὐχὰσ ἀπέδωκε καὶ τὰ σκῦλα ἀνέθηκεν.

ἐκ δὲ τούτου φθόνον μὲν ἔτι μείζονα παρὰ τῶν πατρικίων ἐπεσπάσατο, οἰκεῖον δ’ ἑαυτῷ παρεσκευάσατο τὸ δημοτικόν.