헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 27

(디오니시오스, Antiquitates Romanae, Books IV-VI, book 6, chapter 27)

τότε μὲν οὖν ᾤχοντο ἐκ τῆσ ἀγορᾶσ, τῇ δ’ ἑξῆσ ἡμέρᾳ παρῆν οὐ μόνον ὁ κατὰ πόλιν ὄχλοσ, ἀλλὰ καὶ ἐκ τῶν σύνεγγυσ ἀγρῶν τὸ δημοτικὸν πλῆθοσ καὶ ἦν ἐξ ἑωθινοῦ πλήρησ ἡ ἀγορά. τῆσ δὲ βουλῆσ συναχθείσησ, ἵνα περὶ τούτων βουλεύσειεν, ὅ τι χρὴ πράττειν, ὁ μὲν Ἄππιοσ δημοκόπον ἐκάλει τὸν συνάρχοντα καὶ τῆσ ἀπονοίασ τῶν ἀπόρων ἡγεμόνα, ὁ δὲ Σερουίλιοσ ἐκεῖνον αὐστηρὸν καὶ αὐθάδη καὶ τῶν παρόντων τῇ πόλει κακῶν αἴτιον· τέλοσ δ’ οὐδὲν ἐγίνετο τῶν λόγων.

ἐν δὲ τούτῳ Λατίνων ἱππεῖσ κατὰ σπουδὴν ἐλαύνοντεσ τοὺσ ἵππουσ παρῆσαν εἰσ τὴν ἀγορὰν ἐξεληλυθότασ ἀγγέλλοντεσ τοὺσ πολεμίουσ μεγάλῃ στρατιᾷ καὶ ὄντασ ἐπὶ τοῖσ ἑαυτῶν ὁρίοισ ἤδη.

καὶ οἱ μὲν ταῦτα, οἱ δὲ πατρίκιοι καὶ τὸ τῶν ἱππέων πλῆθοσ τῶν τ’ ἄλλων, ὅσοι πλούτουσ ἢ δόξασ προγονικὰσ εἶχον, οἱᾶ δὴ περὶ μεγάλων κινδυνεύοντεσ ὡπλίζοντο διὰ τάχουσ· ὅσοι δ’ ἦσαν αὐτῶν ἄποροι, μάλιστα δ’ οἱ τοῖσ δανείοισ πιεζόμενοι, οὔθ’ ὅπλων ἥπτοντο οὔτ’ ἄλλωσ παρείχοντο τοῖσ κοινοῖσ πράγμασιν ἐπικουρίαν οὐδεμίαν, ἡδόμενοι δὲ καὶ κατ’ εὐχὴν δεχόμενοι τὸν ἔξωθεν πόλεμον, ὡσ τῶν παρόντων σφᾶσ κακῶν ἐλευθερώσοντα, τοῖσ δὲ δεομένοισ ἀμύνειν ἐπιδεικνύντεσ τὰσ ἁλύσεισ καὶ τὰσ πέδασ, ἐπικερτομοῦντεσ ἠρώτων, εἰ τούτων φυλακῆσ ἕνεκα τῶν ἀγαθῶν ἄξιον εἰή σφίσι πολεμεῖν·

πολλοὶ δὲ καὶ λέγειν ἐτόλμων, ὡσ ἄμεινον εἰή Οὐολούσκοισ δουλεύειν μᾶλλον ἢ τὰσ ὕβρεισ τῶν πατρικίων ὑπομένειν·

ἥ τε πόλισ οἰμωγῆσ καὶ θορύβου καὶ παντοίων γυναικείων ὀδυρμῶν ἐνεπίμπλατο.