헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 16)

ὡσ δὲ ταύτῃ προσέθεντο τῇ γνώμῃ καὶ οἱ προχειρισθέντεσ ὑπ’ αὐτῶν πρέσβεισ ἀφικόμενοι πρὸσ τὸν δικτάτορα καὶ παραχθέντεσ ἐπὶ τὴν ἐκκλησίαν διεξῆλθον τοὺσ ἐξαπατήσοντασ λόγουσ, ὀλίγον ἐπισχὼν ὁ Ποστόμιοσ χρόνον πρὸσ αὐτοὺσ εἶπε· πονηρὰ βουλεύματα, ὦ Οὐολοῦσκοι, χρηστοῖσ λόγοισ ἀμφιέσαντεσ ἥκετε· καὶ πολεμίων ἔργα πράττοντεσ φίλων ἐξενέγκασθαι βούλεσθε δόξαν. ὑμεῖσ γὰρ ἀπέσταλθε ὑπὸ τοῦ κοινοῦ Λατίνοισ συμμαχήσοντεσ καθ’ ἡμῶν, ἐπεὶ δ’ ὕστεροι τῆσ μάχησ ἥκετε καὶ κρατουμένουσ αὐτοὺσ ὁρᾶτε, παρακρούσασθαι βούλεσθε ἡμᾶσ τἀναντία, ὧν ἐμέλλετε πράττειν, λέγοντεσ.

καὶ οὐδ’ ἡ φιλανθρωπία τῶν λόγων, ἣν πλάττεσθε πρὸσ τὸν παρόντα καιρὸν οὐδὲ τὸ προσποίημα ὑμῶν τῆσ δεῦρο ἀφίξεωσ ὑγιέσ ἐστιν, ἀλλὰ μεστὸν δόλου καὶ ἀπάτησ.

οὐ γὰρ συνησθησόμενοι τοῖσ ἀγαθοῖσ ἡμετέροισ ἐξαπέσταλθε, ἀλλὰ κατασκεψόμενοι, πῶσ ἡμῖν ἀσθενείασ ἢ δυνάμεωσ τὰ πράγματα ἔχει· καί ἐστε πρεσβευταὶ μὲν λόγῳ, κατάσκοποι δ’ ἔργῳ. ἀρνουμένων δὲ πρὸσ ἅπαντα τῶν ἀνδρῶν οὐ διὰ μακροῦ τὴν πίστιν ἔφησεν αὐτοῖσ παρέξεσθαι·

καὶ αὐτίκα τὰσ ἐπιστολὰσ αὐτῶν, ἃσ ἔλαβε πρὸ τῆσ μάχησ τοῖσ ἡγεμόσι τῶν Λατίνων φερομένασ, ἐν αἷσ ὑπισχνοῦντο αὐτοῖσ πέμψειν ἐπικουρίαν, προήνεγκε, καὶ τοὺσ φέροντασ αὐτὰσ προήγαγεν. ἀναγνωσθέντων δὲ τῶν γραμμάτων καὶ τῶν αἰχμαλώτων ἃσ ἔλαβον ἐντολὰσ διηγησαμένων, τὸ μὲν πλῆθοσ λίθοισ ὡρ́μησε βαλεῖν τοὺσ Οὐολούσκουσ ὡσ ἑαλωκότασ ἐπ’ αὐτοφώρῳ κατασκόπουσ, ὁ δὲ Ποστόμιοσ οὐκ ᾤετο δεῖν ὁμοίουσ γενέσθαι τοῖσ κακοῖσ τοὺσ ἀγαθοὺσ κρεῖττον εἶναι λέγων καὶ μεγαλοψυχότερον εἰσ τοὺσ ἀποστείλαντασ φυλάττειν τὴν ὀργὴν ἢ εἰσ τοὺσ ἀποσταλέντασ, καὶ διὰ τὸ φανερὸν ὄνομα τῆσ πρεσβείασ ἀφεῖναι τοὺσ ἄνδρασ μᾶλλον ἢ διὰ τὸ ἀφανὲσ τῆσ κατασκοπῆσ ἔργον ἀπολέσαι· ἵνα μήτε Οὐολούσκοισ ἀφορμὴν παράσχωσιν εὐπρεπῆ τοῦ πολέμου πρεσβευτῶν ἀνῃρῆσθαι σώματα σκηπτομένοισ παρὰ τὸν ἁπάντων νόμον, μήτε τοῖσ ἄλλοισ ἔχθρασ πρόφασιν αἰτίασ εἰ καὶ ψευδοῦσ, ἀλλ’ οὐκ ἀλόγου γε οὐδὲ ἀπίστου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 16

(디오니시오스, Antiquitates Romanae, Books IV-VI, book 6, chapter 16)

상위

목록

SEARCH

MENU NAVIGATION