헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 5)

μαθόντεσ δ’ οἱ στρατηγοὶ τῶν πολεμίων καταλαμβανόμενα καὶ τὰ κατὰ νώτου σφῶν ἐρυμνὰ καὶ οὐδὲ περὶ τῆσ οἴκοθεν ἀγορᾶσ χρηστὰσ ἔτι ἐλπίδασ ἔχοντεσ ὡσ ἀσφαλῶσ σφίσι παρακομισθησομένησ, ἀπαράξαι τοὺσ Ῥωμαίουσ ἔγνωσαν ἀπὸ τοῦ λόφου, πρὶν ἢ χάρακι καὶ τάφρῳ κρατύνασθαι. ἀναλαβὼν δὲ τὴν ἵππον ἅτεροσ αὐτῶν Σέξτοσ ἤλαυνεν ἀνὰ κράτοσ ὡσ οὐ δεξομένησ αὐτὸν τῆσ Ῥωμαϊκῆσ ἵππου.

γενναίωσ δὲ τῶν Ῥωμαίων ἱππέων τοὺσ ἐπιόντασ ὑπομεινάντων μέχρι μέν τινοσ ἀντεῖχεν ὑποστρέφων τε καὶ αὖθισ ἐπάγων·

ἐπεὶ δ’ ἥ τε φύσισ τοῦ χωρίου τοῖσ μὲν ἤδη κρατοῦσι τῶν ἄκρων μεγάλα πλεονεκτήματα παρεῖχε, τοῖσ δὲ κάτωθεν ἐπιοῦσιν οὐδὲν ὅ τι μὴ πολλὰσ πάνυ πληγὰσ καὶ πόνουσ ἀνηνύτουσ ἔφερε, καὶ αὖθισ ἑτέρα παρῆν δύναμισ τοῖσ Ῥωμαίοισ ἐπιλέκτων ἀνδρῶν ἐκ τῆσ πεζικῆσ φάλαγγοσ ἐπίκουροσ, ἣν ὁ Ποστόμιοσ κατὰ πόδασ ἀπέστειλεν, οὐδὲν ἔτι πράττειν δυνάμενοσ ἀπῆγε τὴν ἵππον ἐπὶ τὸν χάρακα· καὶ οἱ Ῥωμαῖοι βεβαίωσ κρατοῦντεσ τὸ χωρίον προφανῶσ κρατύνονται τὴν φυλακήν. μετὰ τοῦτο τὸ ἔργον τοῖσ περὶ Μαμίλιον καὶ Σέξτον ἐδόκει μὴ πολὺν διὰ μέσου ποιεῖν τὸν χρόνον, ἀλλ’ ὀξείᾳ κρῖναι τὰ πράγματα μάχῃ.

τῷ δὲ δικτάτορι τῶν Ῥωμαίων καταρχὰσ οὕτωσ ἔχοντι προαιρέσεωσ ἀμαχητὶ καταλύσεσθαι τὸν πόλεμον καὶ παντὸσ μάλιστα διὰ τὴν ἀπειρίαν τῶν ἀντιστρατήγων τοῦτο ποιήσειν ἐλπίσαντι, τότ’ ἐφάνη χωρεῖν ἐπὶ τὸν ἀγῶνα. ἑάλωσαν γάρ τινεσ ὑπὸ τῶν φρουρούντων τὰσ ὁδοὺσ ἱππέων ἄγγελοι γράμματα φέροντεσ παρ’ Οὐολούσκων πρὸσ τοὺσ στρατηγοὺσ τῶν Λατίνων δηλοῦντα, ὅτι πολλαὶ δυνάμεισ αὐτοῖσ ἐπὶ συμμαχίαν ἥξουσιν εἰσ ἡμέραν τρίτην μάλιστα καὶ αὖθισ ἕτεραι παρ’ Ἑρνίκων.

τὰ μὲν δὴ παρασχόντα τοῖσ ἡγεμόσιν αὐτῶν ταχεῖαν παρατάξεωσ ἀνάγκην τέωσ οὐ προαιρουμένοισ ταῦτ’ ἦν.

ἐπειδὴ δὲ τὰ σημεῖα ἤρθη παρ’ ἑκατέρων τῆσ μάχησ, προῄεσαν εἰσ τὸ μεταξὺ χωρίον ἀμφότεροι καὶ ἐξέτασσον τὰσ δυνάμεισ κατὰ τάδε· Σέξτοσ μὲν Ταρκύνιοσ ἐπὶ τοῦ λαιοῦ τῶν Λατίνων ἐτάχθη κέρατοσ, Ὀκταούιοσ δὲ Μαμίλιοσ ἐπὶ τοῦ δεξιοῦ, τὴν δὲ κατὰ μέσον στάσιν εἶχεν ὁ ἕτεροσ τῶν Ταρκυνίου παίδων Τῖτοσ, ἔνθα καὶ Ῥωμαίων οἵ τε αὐτόμολοι καὶ οἱ φυγάδεσ ἐτάχθησαν. ἡ δ’ ἵπποσ ἅπασα τριχῇ διαιρεθεῖσα τοῖσ κέρασιν ἀμφοτέροισ προσενεμήθη καὶ τοῖσ κατὰ μέσην τεταγμένοισ τὴν φάλαγγα. τῆσ δὲ Ῥωμαίων στρατιᾶσ τὸ μὲν ἀριστερὸν κέρασ εἶχεν ὁ ἱππάρχησ Τῖτοσ Αἰβούτιοσ ἐναντίοσ Ὀκταουϊῴ Μαμιλίῳ, τὸ δὲ δεξιὸν Τῖτοσ Οὐεργίνιοσ ὁ ὕπατοσ Σέξτῳ Ταρκυνίῳ στάσιν ἐναντίαν ἐπέχων·

τὰ δὲ μέσα τῆσ φάλαγγοσ αὐτὸσ ὁ δικτάτωρ Ποστόμιοσ ἐξεπλήρου Τίτῳ Ταρκυνίῳ καὶ τοῖσ περὶ αὐτὸν φυγάσι χωρήσων ὁμόσε· πλῆθοσ δὲ τῆσ συνελθούσησ δυνάμεωσ εἰσ τὴν παράταξιν ἀφ’ ἑκατέρου στρατεύματοσ ἦν Ῥωμαίων μὲν ἐπὶ δισμυρίοισ τε καὶ τετρακισχιλίοισ πεζοὶ τριακοσίων δέοντεσ, χίλιοι δ’ ἱππεῖσ· Λατίνων δὲ σὺν τοῖσ συμμάχοισ τετρακισμύριοι μάλιστα πεζοὶ καὶ τρισχίλιοι ἱππεῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 5

(디오니시오스, Antiquitates Romanae, Books IV-VI, book 6, chapter 5)

상위

목록

SEARCH

MENU NAVIGATION