헬라어 문장 검색 - Διοδορ́Βιβλιοτ́3́62́

(디오도로스 시켈로스, Bibliotheca Historica, book 3, chapter 61)

Κρόνον δὲ μυθολογοῦσιν, ἀδελφὸν μὲν Ἄτλαντοσ ὄντα, διαφέροντα δ’ ἀσεβείᾳ καὶ πλεονεξίᾳ, γῆμαι τὴν ἀδελφὴν Ῥέαν, ἐξ ἧσ γεννῆσαι Δία τὸν Ὀλύμπιον ὕστερον ἐπικληθέντα. γεγονέναι δὲ καὶ ἕτερον Δία, τὸν ἀδελφὸν μὲν Οὐρανοῦ, τῆσ δὲ Κρήτησ βασιλεύσαντα, τῇ δόξῃ πολὺ λειπόμενον τοῦ μεταγενεστέρου. τοῦτον μὲν οὖν βασιλεῦσαι τοῦ σύμπαντοσ κόσμου, τὸν δὲ προγενέστερον, δυναστεύοντα τῆσ προειρημένησ νήσου, δέκα παῖδασ γεννῆσαι τοὺσ ὀνομασθέντασ Κούρητασ·

προσαγορεῦσαι δὲ καὶ τὴν νῆσον ἀπὸ τῆσ γυναικὸσ Ἰδαίαν, ἐν ᾗ καὶ τελευτήσαντα ταφῆναι, δεικνυμένου τοῦ τὴν ταφὴν δεξαμένου τόπου μέχρι τῶν καθ’ ἡμᾶσ χρόνων. οὐ μὴν οἵ γε Κρῆτεσ ὁμολογούμενα τούτοισ μυθολογοῦσι, περὶ ὧν ἡμεῖσ ἐν τοῖσ περὶ Κρήτησ τὰ κατὰ μέροσ ἀναγράψομεν·

δυναστεῦσαι δέ φασι τὸν Κρόνον κατὰ Σικελίαν καὶ Λιβύην, ἔτι δὲ τὴν Ἰταλίαν, καὶ τὸ σύνολον ἐν τοῖσ πρὸσ ἑσπέραν τόποισ συστήσασθαι τὴν βασιλείαν· παρὰ πᾶσι δὲ φρουραῖσ διακατέχειν τὰσ ἀκροπόλεισ καὶ τοὺσ ὀχυροὺσ τῶν τόπων · ἀφ’ οὗ δὴ μέχρι τοῦ νῦν χρόνου κατά τε τὴν Σικελίαν καὶ τὰ πρὸσ ἑσπέραν νεύοντα μέρη πολλοὺσ τῶν ὑψηλῶν τόπων ἀπ’ ἐκείνου Κρόνια προσαγορεύεσθαι. Κρόνου δὲ γενόμενον υἱὸν Δία τὸν ἐναντίον τῷ πατρὶ βίον ζηλῶσαι, καὶ παρεχόμενον ἑαυτὸν πᾶσιν ἐπιεικῆ καὶ φιλάνθρωπον ὑπὸ τοῦ πλήθουσ πατέρα προσαγορευθῆναι.

διαδέξασθαι δ’ αὐτόν φασι τὴν βασιλείαν οἱ μὲν ἑκουσίωσ τοῦ πατρὸσ παραχωρήσαντοσ, οἱ δ’ ὑπὸ τῶν ὄχλων αἱρεθέντα διὰ τὸ μῖσοσ τὸ πρὸσ τὸν πατέρα· ἐπιστρατεύσαντοσ δ’ ἐπ’ αὐτὸν τοῦ Κρόνου μετὰ τῶν Τιτάνων κρατῆσαι τῇ μάχῃ τὸν Δία, καὶ κύριον γενόμενον τῶν ὅλων ἐπελθεῖν ἅπασαν τὴν οἰκουμένην, εὐεργετοῦντα τὸ γένοσ τῶν ἀνθρώπων. διενεγκεῖν δ’ αὐτὸν καὶ σώματοσ ῥώμῃ καὶ ταῖσ ἄλλαισ ἁπάσαισ ἀρεταῖσ, καὶ διὰ τοῦτο ταχὺ κύριον γενέσθαι τοῦ σύμπαντοσ κόσμου.

καθόλου δ’ αὐτὸν τὴν ἅπασαν σπουδὴν ἔχειν εἰσ κόλασιν μὲν τῶν ἀσεβῶν καὶ πονηρῶν, εὐεργεσίαν δὲ τῶν ὄχλων. ἀνθ’ ὧν μετὰ τὴν ἐξ ἀνθρώπων μετάστασιν ὀνομασθῆναι μὲν Ζῆνα διὰ τὸ δοκεῖν τοῦ καλῶσ ζῆν αἴτιον γενέσθαι τοῖσ ἀνθρώποισ, καθιδρυθῆναι δ’ ἐν τῷ κόσμῳ τῇ τῶν εὖ παθόντων τιμῇ, πάντων προθύμωσ ἀναγορευόντων θεὸν καὶ κύριον εἰσ τὸν αἰῶνα τοῦ σύμπαντοσ κόσμου.

τῶν μὲν οὖν παρὰ τοῖσ Ἀτλαντίοισ θεολογουμένων τὰ κεφάλαια ταῦτ’ ἔστιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 61

(디오도로스 시켈로스, Bibliotheca Historica, book 3, chapter 61)

상위

목록

SEARCH

MENU NAVIGATION