헬라어 문장 검색 - Διοδορ́Βιβλιοτ́3́60́

(디오도로스 시켈로스, Bibliotheca Historica, book 3, chapter 59)

διόπερ ἀναχθείσησ αὐτῆσ εἰσ τὰ βασίλεια, καὶ τοῦ πατρὸσ τὸ μὲν πρῶτον ὡσ παρθένον προσδεξαμένου, μετὰ δὲ ταῦτα γνόντοσ τὴν φθοράν, καὶ τὰσ τε τροφοὺσ καὶ τὸν Ἄττιν ἀνελόντοσ καὶ τὰ σώματα ἐκρίψαντοσ ἄταφα, φασὶ τὴν Κυβέλην διὰ τὴν πρὸσ τὸ μειράκιον φιλοστοργίαν καὶ τὴν ἐπὶ ταῖσ τροφοῖσ λύπην ἐμμανῆ γενομένην εἰσ τὴν χώραν ἐκπηδῆσαι. καὶ ταύτην μὲν ὀλολύζουσαν καὶ τυμπανίζουσαν μόνην ἐπιέναι πᾶσαν χώραν, λελυμένην τὰσ τρίχασ, τὸν δὲ Μαρσύαν ἐλεοῦντα τὸ πάθοσ ἑκουσίωσ αὐτῇ συνακολουθεῖν καὶ συμπλανᾶσθαι διὰ τὴν προϋπάρχουσαν φιλίαν. παραγενομένουσ δ’ αὐτοὺσ πρὸσ Διόνυσον εἰσ τὴν Νῦσαν καταλαβεῖν τὸν Ἀπόλλω τυγχάνοντα μεγάλησ ἀποδοχῆσ διὰ τὴν κιθάραν, ἣν Ἑρμῆν εὑρεῖν φασιν, Ἀπόλλωνα δὲ πρῶτον αὐτῇ κατὰ τρόπον χρῆσθαι·

ἐρίζοντοσ δὲ τοῦ Μαρσύου πρὸσ τὸν Ἀπόλλω περὶ τῆσ τέχνησ, καὶ τῶν Νυσαίων ἀποδειχθέντων δικαστῶν, τὸν μὲν Ἀπόλλωνα πρῶτον κιθαρίσαι ψιλήν, τὸν δὲ Μαρσύαν ἐπιβαλόντα τοῖσ αὐλοῖσ καταπλῆξαι τὰσ ἀκοὰσ τῷ ξενίζοντι, καὶ διὰ τὴν εὐμέλειαν δόξαι πολὺ προέχειν τοῦ προηγωνισμένου. συντεθειμένων δ’ αὐτῶν παρ’ ἄλληλα τοῖσ δικασταῖσ ἐπιδείκνυσθαι τὴν τέχνην, τὸν μὲν Ἀπόλλωνά φασιν ἐπιβαλεῖν τὸ δεύτερον ἁρμόττουσαν τῷ μέλει τῆσ κιθάρασ ᾠδήν, καθ’ ἣν ὑπερβαλέσθαι τὴν προϋπάρξασαν τῶν αὐλῶν ἀποδοχήν·

τὸν δὲ πρότερον ἀγανακτήσαντα διδάσκειν τοὺσ ἀκροατὰσ ὅτι παρὰ πᾶν τὸ δίκαιον αὐτὸσ ἐλαττοῦται· δεῖν γὰρ γίνεσθαι τέχνησ σύγκρισιν, οὐ φωνῆσ, καθ’ ἣν προσήκει τὴν ἁρμονίαν καὶ τὸ μέλοσ ἐξετάζεσθαι τῆσ κιθάρασ καὶ τῶν αὐλῶν· καὶ πρὸσ τούτοισ ἄδικον εἶναι δύο τέχνασ ἅμα πρὸσ μίαν συγκρίνεσθαι. τὸν δὲ Ἀπόλλω μυθολογοῦσιν εἰπεῖν ὡσ οὐδὲν αὐτὸν πλεονεκτοίη· καὶ γὰρ τὸν Μαρσύαν τὸ παραπλήσιον αὐτῷ ποιεῖν, εἰσ τοὺσ αὐλοὺσ ἐμφυσῶντα·

δεῖν οὖν ἢ τὴν ἐξουσίαν ταύτην ἴσην ἀμφοτέροισ δίδοσθαι τῆσ κράσεωσ, ἢ μηδέτερον τῷ στόματι διαγωνιζόμενον διὰ μόνων τῶν χειρῶν ἐνδείκνυσθαι τὴν ἰδίαν τέχνην. ἐπικρινάντων δὲ τῶν ἀκροατῶν τὸν Ἀπόλλω δικαιότερα λέγειν, συγκριθῆναι πάλιν τὰσ τέχνασ, καὶ τὸν μὲν Μαρσύαν λειφθῆναι, τὸν δ’ Ἀπόλλω διὰ τὴν ἔριν πικρότερον χρησάμενον ἐκδεῖραι ζῶντα τὸν ἡττηθέντα.

ταχὺ δὲ μεταμεληθέντα καὶ βαρέωσ ἐπὶ τοῖσ ὑπ’ αὐτοῦ πραχθεῖσιν ἐνέγκαντα τῆσ κιθάρασ ἐκρῆξαι τὰσ χορδὰσ καὶ τὴν εὑρημένην ἁρμονίαν ἀφανίσαι. ταύτησ δ’ ὕστερον Μούσασ μὲν ἀνευρεῖν τὴν μέσην, Λίνον δὲ τὴν λίχανον, Ὀρφέα δὲ καὶ Θαμύραν ὑπάτην καὶ παρυπάτην.

τὸν δ’ Ἀπόλλω φασὶν εἰσ τὸ ἄντρον τοῦ Διονύσου τήν τε κιθάραν καὶ τοὺσ αὐλοὺσ ἀναθέντα, καὶ τῆσ Κυβέλησ ἐρασθέντα, συμπλανηθῆναι ταύτῃ μέχρι τῶν Ὑπερβορέων. κατὰ δὲ τὴν Φρυγίαν ἐμπεσούσησ νόσου τοῖσ ἀνθρώποισ καὶ τῆσ γῆσ ἀκάρπου γενομένησ, ἐπερωτησάντων τῶν ἀτυχούντων τὸν θεὸν περὶ τῆσ τῶν κακῶν ἀπαλλαγῆσ προστάξαι φασὶν αὐτοῖσ θάψαι τὸ Ἄττιδοσ σῶμα καὶ τιμᾶν τὴν Κυβέλην ὡσ θεόν.

διόπερ τοὺσ Φρύγασ ἠφανισμένου τοῦ σώματοσ διὰ τὸν χρόνον εἴδωλον κατασκευάσαι τοῦ μειρακίου, πρὸσ ᾧ θρηνοῦντασ ταῖσ οἰκείαισ τιμαῖσ τοῦ πάθουσ ἐξιλάσκεσθαι τὴν τοῦ παρανομηθέντοσ μῆνιν· ὅπερ μέχρι τοῦ καθ’ ἡμᾶσ βίου ποιοῦντασ αὐτοὺσ διατελεῖν. τῆσ δὲ Κυβέλησ τὸ παλαιὸν βωμοὺσ ἰδρυσαμένουσ θυσίασ ἐπιτελεἴν κατ’ ἔτοσ·

ὕστερον δ’ ἐν Πισινοῦντι τῆσ Φρυγίασ κατασκευάσαι νεὼν πολυτελῆ καὶ τιμὰσ καὶ θυσίασ καταδεῖξαι μεγαλοπρεπεστάτασ, Μίδου τοῦ βασιλέωσ εἰσ ταῦτα συμφιλοκαλήσαντοσ· τῷ δ’ ἀγάλματι τῆσ θεοῦ παραστῆσαι παρδάλεισ καὶ λέοντασ διὰ τὸ δοκεῖν ὑπὸ τούτων πρῶτον τραφῆναι. περὶ μὲν οὖν μητρὸσ θεῶν τοιαῦτα μυθολογεῖται παρά τε τοῖσ Φρυξὶ καὶ τοῖσ Ἀτλαντίοισ τοῖσ παρὰ τὸν ὠκεανὸν οἰκοῦσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 59

(디오도로스 시켈로스, Bibliotheca Historica, book 3, chapter 59)

상위

목록

SEARCH

MENU NAVIGATION