헬라어 문장 검색 - Διοδορ́Βιβλιοτ́3́46́

(디오도로스 시켈로스, Bibliotheca Historica, book 3, chapter 45)

παραπλεύσαντι δὲ τοὺσ τόπουσ τούτουσ ὄρη πέντε διεστηκότα ἀλλήλων εἰσ ὕψοσ ἀνατείνει, συναγομένασ ἔχοντα τὰσ κορυφὰσ εἰσ πετρώδη μαστόν, παραπλήσιον φαντασίαν ἀποτελοῦντα ταῖσ κατ’ Αἴγυπτον πυραμίσιν. ἑξῆσ δ’ ἐστὶ κόλποσ κυκλοτερὴσ μεγάλοισ ἀκρωτηρίοισ περιεχόμενοσ, οὗ κατὰ μέσην τὴν διάμετρον ἀνέστηκε λόφοσ τραπεζοειδήσ, ἐφ’ οὗ τρεῖσ ναοὶ θαυμαστοὶ τοῖσ ὕψεσιν ᾠκοδόμηνται θεῶν, ἀγνοουμένων μὲν ὑπὸ τῶν Ἑλλήνων, τιμωμένων δ’ ὑπὸ τῶν ἐγχωρίων διαφερόντωσ.

μετὰ δὲ ταῦτα αἰγιαλὸσ παρήκει κάθυγροσ, ναματιαίοισ καὶ γλυκέσι ῥείθροισ διειλημμένοσ·

καθ’ ὅν ἐστιν ὄροσ ὀνομαζόμενον μὲν Χαβῖνον, δρυμοῖσ δὲ παντοδαποῖσ πεπυκνωμένον. τὴν δὲ χέρσον τὴν ἐχομένην τῆσ ὀρεινῆσ νέμονται τῶν Ἀράβων οἱ καλούμενοι Δέβαι. οὗτοι δὲ καμηλοτροφοῦντεσ πρὸσ ἅπαντα χρῶνται τὰ μέγιστα τῶν κατὰ τὸν βίον τῇ τοῦ ζῴου τούτου χρείᾳ·

πρὸσ μὲν γὰρ τοὺσ πολεμίουσ ἀπὸ τούτων μάχονται, τὰσ δὲ κομιδὰσ τῶν φορτίων ἐπὶ τούτων νωτοφοροῦντεσ ῥᾳδίωσ ἅπαντα συντελοῦσι, τὸ δὲ γάλα πίνοντεσ ἀπὸ τούτων διατρέφονται, καὶ τὴν ὅλην χώραν περιπολοῦσιν ἐπὶ τῶν δρομάδων καμήλων. κατὰ δὲ μέσην τὴν χώραν αὐτῶν φέρεται ποταμὸσ τοσοῦτο χρυσοῦ καταφέρων ψῆγμα φαινόμενον ὥστε κατὰ τὰσ ἐκβολὰσ τὴν ἰλὺν ἀποφέρεσθαι περιστίλβουσαν.

οἱ δ’ ἐγχώριοι τῆσ μὲν ἐργασίασ τῆσ τοῦ χρυσοῦ παντελῶσ εἰσιν ἄπειροι, φιλόξενοι δ’ ὑπάρχουσιν, οὐ πρὸσ πάντασ τοὺσ ἀφικνουμένουσ, ἀλλὰ πρὸσ μόνουσ τοὺσ ἀπὸ Βοιωτίασ καὶ Πελοποννήσου διά τινα παλαιὰν ἀφ’ Ἡρακλέουσ οἰκειότητα πρὸσ τὸ ἔθνοσ, ἣν μυθικῶσ ἑαυτοὺσ παρειληφέναι παρὰ τῶν προγόνων ἱστοροῦσιν. ἡ δ’ ἑξῆσ χώρα κατοικεῖται μὲν ὑπὸ Ἀράβων Ἀλιλαίων καὶ Γασανδῶν, οὐκ ἔμπυροσ οὖσα καθάπερ αἱ πλησίον, ἀλλὰ μαλακαῖσ καὶ δασείαισ νεφέλαισ πολλάκισ κατεχομένη·

ἐκ δὲ τούτων ὑετοὶ γίνονται καὶ χειμῶνεσ εὔκαιροι καὶ ποιοῦντεσ τὴν θερινὴν ὡρ́αν εὔκρατον. ἥ τε χώρα πάμφορόσ ἐστι καὶ διάφοροσ κατὰ τὴν ἀρετήν, οὐ μέντοι τυγχάνει τῆσ ἐνδεχομένησ ἐπιμελείασ διὰ τὴν τῶν λαῶν ἀπειρίαν. τὸν δὲ χρυσὸν εὑρίσκοντεσ ἐν τοῖσ φυσικοῖσ ὑπονόμοισ τῆσ γῆσ συνάγουσι πολύν, οὐ τὸν ἐκ τοῦ ψήγματοσ συντηκόμενον, ἀλλὰ τὸν αὐτοφυῆ καὶ καλούμενον ἀπὸ τοῦ συμβεβηκότοσ ἄπυρον.

κατὰ δὲ τὸ μέγεθοσ ἐλάχιστοσ μὲν εὑρίσκεται παραπλήσιοσ πυρῆνι, μέγιστοσ δὲ οὐ πολὺ λειπόμενοσ βασιλικοῦ καρύου. φοροῦσι δ’ αὐτὸν περί τε τοὺσ καρποὺσ τῶν χειρῶν καὶ περὶ τοὺσ τραχήλουσ, τετρημένον ἐναλλὰξ λίθοισ διαφανέσι.

καὶ τούτου μὲν τοῦ γένουσ ἐπιπολάζοντοσ παρ’ αὐτοῖσ, χαλκοῦ δὲ καὶ σιδήρου σπανίζοντοσ, ἐπ’ ἴσησ ἀλλάττονται ταῦτα τὰ φορτία πρὸσ τοὺσ ἐμπόρουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 45

(디오도로스 시켈로스, Bibliotheca Historica, book 3, chapter 45)

상위

목록

SEARCH

MENU NAVIGATION