헬라어 문장 검색 - Πλυταρ́Πομπεψ́73́

(플루타르코스, Pompey, chapter 73)

ὁ πρὸ μικροῦ τοσούτοισ ὅπλοισ καὶ ἵπποισ καὶ στόλοισ δορυφορούμενοσ ἀπέρχεται μικρὸσ οὕτω γεγονὼσ καὶ συνεσταλμένοσ ὥστε λανθάνειν ζητοῦντασ τοὺσ πολεμίουσ, παραμειψάμενοσ δὲ Λάρισσαν, ὡσ ἦλθεν ἐπὶ τὰ Τέμπη, καταβαλὼν ἑαυτὸν ἐπὶ στόμα δεδιψηκὼσ ἔπινε τοῦ ποταμοῦ, καὶ πάλιν ἀναστὰσ ἐβάδιζε διὰ τῶν Τεμπῶν, ἄχρι οὗ κατῆλθεν ἐπὶ θάλατταν. ἐκεῖ δὲ τῆσ νυκτὸσ τὸ λοιπὸν ἀναπαυσάμενοσ ἐν καλυβίῳ τινὶ σαγηνέων, καὶ περὶ τὸν ὄρθρον ἐπιβὰσ ποταμίου πλοίου, καὶ τῶν ἑπομένων τοὺσ ἐλευθέρουσ ἀναλαβὼν, τοὺσ δὲ θεράποντασ ἀπιέναι πρὸσ Καίσαρα κελεύσασ καὶ μὴ δεδιέναι, παρὰ γῆν κομιζόμενοσ εἶδεν εὐμεγέθη φορτηγὸν ἀνάγεσθαι μέλλουσαν, ἧσ ἐναυκλήρει Ῥωμαῖοσ ἀνὴρ οὐ πάνυ Πομπηϊῴ συνήθησ, γινώσκων δὲ τὴν ὄψιν αὐτοῦ·

Πετίκιοσ ἐπεκαλεῖτο. τούτῳ συνεβεβήκει τῆσ παρῳχημένησ νυκτὸσ ἰδεῖν κατὰ τοὺσ ὕπνουσ Πομπήϊον, οὐχ ὃν ἑωράκει πολλάκισ, ἀλλὰ ταπεινὸν καὶ κατηφῆ, προσδιαλεγόμενον αὐτῷ.

καὶ ταῦτα τοῖσ συμπλέουσιν ἐτύγχανε διηγούμενοσ, ὡσ δὴ φιλεῖ περὶ πραγμάτων τηλικούτων λόγον ἔχειν ἀνθρώπουσ σχολὴν ἄγοντασ. ἐξαίφνησ δέ τισ τῶν ναυτῶν ἔφρασε κατιδὼν ὅτι πλοῖον ποτάμιον ἀπὸ τῆσ γῆσ ἐρέσσεται καὶ κατασείουσί τινεσ ἄνθρωποι τὰ ἱμάτια καὶ τὰσ χεῖρασ ὀρέγουσι πρὸσ αὐτούσ, ἐπιστήσασ οὖν ὁ Πετίκιοσ εὐθὺσ ἔγνω τὸν Πομπήϊον, οἱο͂ν ὄναρ εἶδε·

καὶ πληξάμενοσ τὴν κεφαλὴν ἐκέλευσε τοὺσ ναύτασ τὸ ἐφόλκιον παραβαλεῖν, καὶ τὴν δεξιὰν ἐξέτεινε καὶ προσεκάλει τὸν Πομπήϊον, ἤδη συμφρονῶν τῷ σχήματι τὴν τύχην καὶ μεταβολὴν τοῦ ἀνδρόσ. ὅθεν οὔτε παράκλησιν ἀναμείνασ οὔτε λόγον, ἀλλ’ ἀναλαβὼν ὅσουσ ἐκέλευσε μετ’ αὐτοῦ Λέντουλοι δὲ ἦσαν ἀμφότεροι καὶ Φαώνιοσ ἀνήχθη·

καὶ μικρὸν ὕστερον ἰδόντεσ ἀπὸ γῆσ ἁμιλλώμενον Δηϊόταρον τὸν βασιλέα προσαναλαμβάνουσιν. ἐπεὶ δὲ καιρὸσ ἦν δείπνου καὶ παρεσκεύασεν ὁ ναύκληροσ ἐκ τῶν παρόντων, ἰδὼν ὁ Φαώνιοσ οἰκετῶν ἀπορίᾳ τὸν Πομπήϊον ἀρχόμενον αὑτὸν ὑπολύειν προσέδραμε καὶ ὑπέλυσε καὶ συνήλειψε. καὶ τὸ λοιπὸν ἐκ τούτου περιέπων καὶ θεραπεύων ὅσα δεσπότασ δοῦλοι, μέχρι νίψεωσ ποδῶν καὶ δείπνου παρασκευῆσ, διετέλεσεν, ὥστε τὴν ἐλευθεριότητα τῆσ ὑπουργίασ ἐκείνησ θεασάμενον ἄν τινα καὶ τὸ ἀφελὲσ καὶ ἄπλαστον εἰπεῖν·

φεῦ τοῖσι γενναίοισιν ὡσ ἅπαν καλόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 73

(플루타르코스, Pompey, chapter 73)

상위

목록

SEARCH

MENU NAVIGATION