헬라어 텍스트

Plutarch, Pompey, chapter 38

(플루타르코스, Pompey, chapter 38)

ἐντεῦθεν εἰσ Ἀμισὸν ἐλθὼν ὁ Πομπήϊοσ πάθοσ νεμεσητὸν ὑπὸ φιλοτιμίασ ἔπαθε. πολλὰ γὰρ τὸν Λεύκολλον ἐπικερτομήσασ, ὅτι τοῦ πολεμίου ζῶντοσ ἔγραφε διατάξεισ καὶ δωρεὰσ ἔνεμε καὶ τιμάσ, ἃ συνῃρημένου πολέμου καὶ πέρασ ἔχοντοσ εἰώθασι ποιεῖν οἱ νενικηκότεσ, αὐτὸσ ἐν Βοσπόρῳ Μιθριδάτου κρατοῦντοσ καὶ συνειλοχότοσ ἀξιόμαχον δύναμιν, ὡσ δὴ συντετελεσμένων ἁπάντων, ἔπραττε ταὐτά, διακοσμῶν τὰσ ἐπαρχίασ καὶ διανέμων δωρεάσ, πολλῶν μὲν ἡγεμόνων καὶ δυναστῶν, βασιλέων δὲ δώδεκα βαρβάρων ἀφιγμένων πρὸσ αὐτόν, ὅθεν οὐδὲ ἠξίωσε τὸν Πάρθον ἀντιγράφων, ὥσπερ οἱ λοιποί, βασιλέα βασιλέων προσαγορεῦσαι, τοῖσ ἄλλοισ χαριζόμενοσ. αὐτὸν δέ τισ ἔρωσ καὶ ζῆλοσ εἶχε Συρίαν ἀναλαβεῖν καὶ διὰ τῆσ ’ Ἀραβίασ ἐπὶ τὴν ἐρυθρὰν ἐλάσαι θάλασσαν, ὡσ τῷ περιϊόντι τὴν οἰκουμένην πανταχόθεν Ὠκεανῷ προσμίξειε νικῶν καὶ γὰρ ἐν Λιβύῃ πρῶτοσ ἄχρι τῆσ ἐκτὸσ θαλάσσησ κρατῶν προῆλθε, καὶ τὴν ἐν Ἰβηρίᾳ, πάλιν ἀρχὴν ὡρίσατο Ῥωμαίοισ τῷ Ἀτλαντικῷ πελάγει, καὶ τρίτον ἔναγχοσ Ἀλβανοὺσ διώκων ὀλίγον ἐδέησεν ἐμβαλεῖν εἰσ τὴν Ὑρκανίαν θάλασσαν, ὡσ οὖν συνάψων τῇ ἐρυθρᾷ τὴν περίοδον τῆσ στρατείασ ἀνίστατο.

καὶ γὰρ ἄλλωσ τὸν Μιθριδάτην ἑώρα δυσθήρατον ὄντα τοῖσ ὅπλοισ καὶ φεύγοντα χαλεπώτερον ἢ μαχόμενον.