헬라어 문장 검색 - Πλυταρ́Πομπεψ́30́

(플루타르코스, Pompey, chapter 30)

ἀπαγγελθέντοσ δὲ εἰσ Ῥώμην πέρασ ἔχειν τὸν πειρατικὸν πόλεμον καὶ σχολὴν ἄγοντα τὸν Πομπήϊον ἐπέρχεσθαι τὰσ πόλεισ, γράφει νόμου εἷσ τῶν δημάρχων Μάλλιοσ, ὅσησ Λεύκολλοσ ἄρχει χώρασ καὶ δυνάμεωσ, Πομπήϊον παραλαβόντα πᾶσαν, προσλαβόντα δὲ καὶ Βιθυνίαν, ἣν ἔχει Γλαβρίων, πολεμεῖν Μιθριδάτῃ καὶ Τιγράνῃ τοῖσ βασιλεῦσιν, ἔχοντα καὶ τὴν ναυτικὴν δύναμιν καὶ τὸ κράτοσ τῆσ θαλάσσησ ἐφ’ οἷσ ἔλαβεν ἐξ ἀρχῆσ. τοῦτο δ’ ἦν ἐφ’ ἑνὶ συλλήβδην γενέσθαι τὴν Ῥωμαίων ἡγεμονίαν ὧν γὰρ ἐδόκει μόνων ἐπαρχιῶν μὴ ἐφικνεῖσθαι τῷ προτέρῳ νόμῳ, Φρυγίασ, Λυκαονίασ, Γαλατίασ, Καππαδοκίασ, Κιλικίασ, τῆσ ἄνω Κολχίδοσ, Ἀρμενίασ, αὗται προσετίθεντο μετὰ στρατοπέδων καὶ δυνάμεων αἷσ Λεύκολλοσ κατεπολέμησε Μιθριδάτην καὶ Τιγράνην.

ἀλλὰ Λευκόλλου μὲν ἀποστερουμένου τὴν δόξαν ὧν κατειργάσατο καὶ θριάμβου μᾶλλον ἢ πολέμου διαδοχὴν λαμβάνοντοσ, ἥττων λόγοσ ἦν τοῖσ ἀριστοκρατικοῖσ, καίπερ οἰομένοισ ἄδικα καὶ ἀχάριστα πάσχειν τὸν ἄνδρα, τὴν δὲ δύναμιν τοῦ Πομπηϊού βαρέωσ φέροντεσ ὡσ τυραννίδα καθισταμένην, ἰδίᾳ παρεκάλουν καὶ παρεθάρρυνον αὑτοὺσ ἐπιλαβέσθαι τοῦ νόμου καὶ μὴ προέσθαι τὴν ἐλευθερίαν.

τὸν δῆμον φοβηθέντεσ ἐξέλιπον καὶ κατεσιώπησαν οἱ λοιποί, Κάτλοσ δὲ τὸν νόμου πολλὰ κατηγορήσασ καὶ τοῦ δημάρχου, μηδένα δὲ πείθων, ἐκέλευε τὴν βουλὴν ἀπὸ τοῦ βήματοσ κεκραγὼσ πολλάκισ ὄροσ ζητεῖν, ὥσπερ οἱ πρόγονοι, καὶ κρημνόν, ὅπου καταφυγοῦσα διασώσει τὴν ἐλευθερίαν.

ἐκυρώθη δ’ οὖν ὁ νόμοσ, ὡσ λέγουσι, πάσαισ ταῖσ φυλαῖσ, καὶ κύριοσ ἀποδέδεικτο μὴ παρὼν ὁ Πομπήϊοσ ἁπάντων σχεδὸν ὧν ὁ Σύλλασ ὅπλοισ καὶ πολέμῳ τῆσ πόλεωσ κρατήσασ.

"φεῦ τῶν ἀνηνύτων ἄθλων, ὡσ ἄρα κρεῖττον ἦν ἕνα τῶν ἀδόξων γενέσθαι, εἰ μηδέποτε παύσομαι στρατευόμενοσ μηδὲ τὸν φθόνον τοῦτον ἐκδὺσ ἐν ἀγρῷ διαιτήσομαι μετὰ τῆσ γυναικόσ. ἐφ’ οἷσ λεγομένοισ οὐδ’ οἱ πάνυ συνήθεισ ἔφερον αὐτοῦ τὴν εἰρωνείαν, γινώσκοντεσ ὅτι τῆσ ἐμφύτου φιλοτιμίασ καὶ φιλαρχίασ ὑπέκκαυμα τὴν πρὸσ Λεύκολλον ἔχων διαφορὰν μειζόνωσ ἔχαιρεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 30

(플루타르코스, Pompey, chapter 30)

상위

목록

SEARCH

MENU NAVIGATION