헬라어 문장 검색 - Πλυταρ́Πομπεψ́24́

(플루타르코스, Pompey, chapter 24)

ἡ γὰρ πειρατικὴ δύναμισ ὡρμήθη μὲν ἐκ Κιλικίασ τὸ πρῶτον, ἀρχὴν παράβολον λαβοῦσα καὶ λανθάνουσαν, φρόνημα δὲ καὶ τόλμαν ἔσχεν ἐν τῷ Μιθριδατικῷ πολέμῳ, χρήσασα ταῖσ βασιλικαῖσ ὑπηρεσίαισ ἑαυτήν. εἶτα Ῥωμαίων ἐν τοῖσ ἐμφυλίοισ πολέμοισ περὶ θύρασ τῆσ ’ Ῥώμησ συμπεσόντων, ἔρημοσ οὖσα φρουρᾶσ ἡ θάλασσα κατὰ μικρὸν αὐτοὺσ ἐφείλκετο καὶ προῆγεν, οὐκέτι τοῖσ πλέουσι μόνον ἐπιτιθεμένουσ, ἀλλὰ καὶ νήσουσ καὶ πόλεισ παραλίουσ ἐκκόπτοντασ.

ἤδη δὲ καὶ χρήμασι δυνατοὶ καὶ γένεσι λαμπροὶ καὶ τὸ φρονεῖν ἀξιούμενοι διαφέρειν ἄνδρεσ ἐνέβαινον εἰσ τὰ λῃστρικὰ καὶ μετεῖχον, ὡσ καὶ δόξαν τινὰ καὶ φιλοτιμίαν τοῦ ἔργου φέροντοσ. ἦν δὲ καὶ ναύσταθμα πολλαχόθι πειρατικὰ καὶ φρυκτώρια τετειχισμένα, καὶ στόλοι προσέπιπτον οὐ πληρωμάτων μόνον εὐανδρίαισ οὐδὲ τέχναισ κυβερνητῶν οὐδὲ τάχεσι νεῶν καὶ κουφότησιν ἐξησκημένοι πρὸσ τὸ οἰκεῖον ἔργον, ἀλλὰ τοῦ φοβεροῦ μᾶλλον αὐτῶν τὸ ἐπίφθονον ἐλύπει καὶ ὑπερήφανον, στυλίσι χρυσαῖσ καὶ παραπετάσμασιν ἁλουργοῖσ καὶ πλάταισ ἐπαργύροισ, ὥσπερ ἐντρυφώντων τῷ κακουργεῖν καὶ καλλωπιζομένων.

αὐλοὶ δὲ καὶ ψαλμοὶ καὶ μέθαι παρὰ πᾶσαν ἀκτὴν καὶ σωμάτων ἡγεμονικῶν ἁρπαγαὶ καὶ πόλεων αἰχμαλώτων ἀπολυτρώσεισ ὄνειδοσ ἦσαν τῆσ Ῥωμαίων ἡγεμονίασ, ἐγένοντο δ’ οὖν αἱ μὲν λῃστρίδεσ νῆεσ ὑπὲρ χιλίασ, αἱ δὲ ἁλοῦσαι πόλεισ ὑπ’ αὐτῶν τετρακόσιαι.

τῶν δὲ ἀσύλων καὶ ἀβάτων πρότερον ἱερῶν ἐξέκοψαν ἐπιόντεσ τὸ Κλάριον, τὸ Διδυμαῖον, τὸ Σαμοθρᾴκιον, τὸν ἐν Ἑρμιόνῃ τῆσ Χθονίασ νεὼν καὶ τὸν ἐν Ἐπιδαύρῳ τοῦ Ἀσκληπιοῦ καὶ τὸν Ἰσθμοῖ καὶ Ταινάρῳ καὶ Καλαυρίᾳ τὸν Ποσειδῶνοσ, τοῦ δὲ Ἀπόλλωνοσ τὸν ἐν Ἀκτίῳ καὶ Λευκάδι, τῆσ δὲ Ἥρασ τὸν ἐν Σάμῳ, τὸν ἐν Ἄργει, τὸν ἐπὶ Λακινίῳ.

ξένασ δὲ θυσίασ ἔθυον αὐτοὶ τὰσ ἐν Ὀλύμπῳ, καὶ τελετάσ τινασ ἀπορρήτουσ ἐτέλουν, ὧν ἡ τοῦ Μίθρου καὶ μέχρι δεῦρο διασώζεται καταδειχθεῖσα πρῶτον ὑπ’ ἐκείνων. πλεῖστα δὲ Ῥωμαίοισ ἐνυβρίσαντεσ, ἔτι καὶ τὰσ ὁδοὺσ αὐτῶν ἀναβαίνοντεσ ἀπὸ θαλάσσησ ἐληΐζοντο καὶ τὰσ ἐγγὺσ ἐπαύλεισ ἐξέκοπτον.

ἡρ́πασαν δέ ποτε καὶ στρατηγοὺσ δύο Σεξτίλιον καὶ Βελλῖνον ἐν ταῖσ περιπορφύροισ, καὶ τούσ ὑπηρέτασ ἅμα καὶ ῥαβδοφόρουσ ᾤχοντο σὺν αὐτοῖσ ἐκείνοισ ἔχοντεσ. ἥλω δὲ καὶ θυγάτηρ Ἀντωνίου, θριαμβικοῦ ἀνδρόσ, εἰσ ἀγρὸν βαδίζουσα, καὶ πολλῶν χρημάτων ἀπελυτρώθη. ἐκεῖνο δὲ ἦν ὑβριστικώτατον.

ὁπότε γάρ τισ ἑαλωκὼσ ἀναβοήσειε Ῥωμαῖοσ εἶναι καὶ τοὔνομα φράσειεν, ἐκπεπλῆχθαι προσποιούμενοι καὶ δεδιέναι τούσ τε μηροὺσ ἐπαίοντο καὶ προσέπιπτον αὐτῷ, συγγνώμην ἔχειν ἀντιβολοῦντεσ· ὁ δὲ ἐπείθετο ταπεινοὺσ ὁρῶν καὶ δεομένουσ, ἐκ τούτου δὲ οἱ μὲν ὑπέδουν τοῖσ καλκίοισ αὐτόν, οἱ δὲ τήβεννον περιέβαλλον, ὡσ δὴ μὴ πάλιν ἀγνοηθείη. πολὺν δὲ χρόνον οὕτω κατειρωνευσάμενοι καὶ ἀπολαύσαντεσ τοῦ ἀνθρώπου, τέλοσ ἐν μέσῳ πελάγει κλίμακα προσβαλόντεσ ἐκέλευον ἐκβαίνειν καὶ ἀπιέναι χαίροντα, τὸν δὲ μὴ βουλόμενον ὠθοῦντεσ αὐτοὶ κατέδυον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 24

(플루타르코스, Pompey, chapter 24)

상위

목록

SEARCH

MENU NAVIGATION