헬라어 텍스트

Plutarch, Antony, chapter 29

(플루타르코스, Antony, chapter 29)

ἡ δὲ Κλεοπάτρα τὴν κολακείαν οὐχ, ὥσπερ ὁ Πλάτων φησί, τετραχῆ, πολλαχῆ δὲ διελοῦσα, καὶ σπουδῆσ ἁπτομένῳ καὶ παιδιᾶσ ἀεί τινα καινὴν ἡδονὴν ἐπιφέρουσα καὶ χάριν, διεπαιδαγώγει τὸν Ἀντώνιον οὔτε νυκτὸσ οὔτε ἡμέρασ ἀνιεῖσα. καὶ γὰρ συνεκύβευε καὶ συνέπινε καὶ συνεθήρευε καὶ γυμναζόμενον ἐν ὅπλοισ ἐθεᾶτο, καὶ νύκτωρ προσισταμένῳ θύραισ καὶ θυρίσι δημοτῶν καὶ σκώπτοντι τοὺσ ἔνδον συνεπλανᾶτο καὶ συνήλυε θεραπαινιδίου στολὴν λαμβάνουσα καὶ γὰρ ἐκεῖνοσ οὕτωσ ἐπειρᾶτο σκευάζειν ἑαυτόν. ὅθεν ἀεὶ σκωμμάτων, πολλάκισ δὲ καὶ πληγῶν ἀπολαύσασ ἐπανήρχετο· τοῖσ δὲ πλείστοισ ἦν δἰ ὑπονοίασ.

οὐ μὴν ἀλλὰ προσέχαιρον αὐτοῦ τῇ βωμολοχίᾳ καὶ συνέπαιζον οὐκ ἀρρύθμωσ οὐδὲ ἀμούσωσ οἱ Ἀλεξανδρεῖσ, ἀγαπῶντεσ καὶ λέγοντεσ ὡσ τῷ τραγικῷ πρὸσ τοὺσ Ῥωμαίουσ χρῆται προσώπῳ, τῷ δὲ κωμικῷ πρὸσ αὐτούσ. τὰ μὲν οὖν πολλὰ τῶν ὑπ’ αὐτοῦ παιζομένων διηγεῖσθαι πολὺσ ἂν εἰή φλύαροσ·

ἐπεὶ δὲ ἁλιεύων ποτὲ καὶ δυσαγρῶν ἤχθετο παρούσησ τῆσ Κλεοπάτρασ, ἐκέλευσε τοὺσ ἁλιεῖσ ὑπονηξαμένουσ κρύφα τῷ ἀγκίστρῳ περικαθάπτειν ἰχθῦσ τῶν προεαλωκότων, καὶ δὶσ ἢ τρὶσ ἀνασπάσασ οὐκ ἔλαθε τὴν Αἰγυπτίαν. προσποιουμένη δὲ θαυμάζειν τοῖσ φίλοισ διηγεῖτο, καὶ παρεκάλει τῇ ὑστεραίᾳ γενέσθαι θεατάσ. ἐμβάντων δὲ πολλῶν εἰσ τὰσ ἁλιάδασ καὶ τοῦ Ἀντωνίου τὴν ὁρμιὰν καθέντοσ, ἐκέλευσέ τινα τῶν αὑτῆσ ὑποφθάσαντα καὶ προσνηξάμενον τῷ ἀγκίστρῳ περιπεῖραι Ποντικὸν τάριχοσ.

"τὸν κάλαμον, αὐτόκρατορ, τοῖσ Φαρίταισ καὶ Κανωβίταισ ἁλιεῦσιν· "ἡ δὲ σὴ θήρα πόλεισ εἰσὶ καὶ βασιλεῖαι καὶ ἤπειροι.