헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 78)

ἐφ’ οἷσ δὲ πρεσβεύετε καὶ τίνων δεόμενοι ἥκετε, τί οὐ λέγετε φανερῶσ; ἐπὶ ποίαισ ἐλπίσι κατελθεῖν ἡμᾶσ εἰσ τὴν πόλιν ἀξιοῦτε; ποίαν ἡγεμόνα τῆσ ὁδοῦ λαβόντασ τύχην; τίνοσ ὑποδεξομένησ ἡμᾶσ εὐθυμίασ ἢ χαρᾶσ; οὐδὲν γὰρ ἄχρι τοῦδε φιλάνθρωπον ὑμῶν ἢ χρηστὸν προτεινομένων ἀκούομεν, οὐ τιμάσ, οὐκ ἀρχάσ, οὐκ ἐπανόρθωσιν ἀπορίασ, οὐκ ἄλλο ἁπλῶσ οὐδ’ ὁτιοῦν. καίτοι οὐ λέγειν ὑμᾶσ ἐχρῆν, ἃ μέλλετε ποιεῖν, ἀλλὰ ποιήσαντεσ λέγειν, ἵνα προειληφότεσ ἤδη τι ἔργον ἀπ’ εὐνοίασ γενόμενον καὶ τὰ λοιπὰ τοιαῦτα ἔσεσθαι εἰκάσωμεν. οἰόμαι τοίνυν πρὸσ ταῦτα ἐρεῖν αὐτούσ, ὅτι περὶ πάντων ἥκουσιν.

αὐτοκράτορεσ, ὥσθ’, ὅ τι ἂν πείσωμεν ἀλλήλουσ, τοῦτ’ ἔσται κύριον. ἔστω ταῦτ’ ἀληθῆ· γιγνέσθω τἀκόλουθα τούτοισ· οὐδὲν ἀντιλέγω. παρ’ αὐτῶν μαθεῖν, ἐπειδὰν εἴπωμεν ἡμεῖσ, ἐφ’ οἷσ ἀξιοῦμεν ποιεῖσθαι τὴν κάθοδον καὶ συγχωρηθῇ ταῦτα ὑπὸ τούτων, τίσ ἐγγυητὴσ ἔσται τῶν ὁμολογιῶν ἡμῖν;

τίνι πιστεύσαντεσ ἀσφαλείᾳ τὰ ὅπλα θήσομεν ἐκ τῶν χειρῶν καὶ καταστήσομεν αὖθισ εἰσ τὴν τούτων ἐξουσίαν τὰ σώματα;

πότερον τοῖσ ψηφίσμασι τῆσ βουλῆσ τοῖσ ὑπὲρ τούτων γραφησομένοισ, οὐ γὰρ δὴ γεγραμμένοισ; καὶ τί πάλιν κωλύσει ἑτέροισ ἀκυρωθῆναι ταῦτα ψηφίσμασιν, ὅταν Ἀππίῳ καὶ τοῖσ ὅμοια φρονοῦσιν ἐκείνῳ φανῇ; ἢ τοῖσ ἀξιώμασι τῶν πρεσβευτῶν, οἳ τὰσ ἑαυτῶν παρέχονται πίστεισ; ἀλλὰ διὰ τῶν ἀνδρῶν τούτων καὶ πρότερον ἡμᾶσ ἐξηπάτησαν. ἢ ταῖσ ἐπὶ τῶν θεῶν ὁμολογίαισ δι’ ὁρ́κων τὰ πιστὰ πορισάμενοι παρ’ αὐτῶν; τοῖσ ἄρχειν ἀξιοῦσι πρὸσ τοὺσ ἐλευθερίασ μεταποιουμένουσ, οὐ νῦν πρῶτον, ἀλλὰ καὶ πολλάκισ ἤδη καταμαθών, ἐπίσταμαι τοσοῦτον ἰσχυούσασ χρόνον, ὅσον ἂν αὐτῶν αἱ ἀνάγκαι κρατῶσι.

τίσ οὖν ἡ τοιαύτη φιλία καὶ πίστισ, ἐν ᾗ παρὰ γνώμην ἀλλήλουσ θεραπεύειν ἀναγκασθησόμεθα φυλάττοντεσ τοὺσ οἰκείουσ ἑκάτεροι καιρούσ;

ὑποψίαι δὲ δὴ τό γε μετὰ τοῦτο καὶ διαβολαὶ συνεχεῖσ κατ’ ἀλλήλων φθόνοι τε καὶ μίση καὶ πᾶσ’ ἄλλη κακῶν ἰδέα καὶ πολὺσ ὁ περὶ τοῦ φθάσαι διολέσαντασ τὸ ἀντίπαλον ἀγών, ὡσ ἐν τῷ μέλλειν κειμένου τοῦ παθεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 78

(디오니시오스, Antiquitates Romanae, Books IV-VI, book 6, chapter 78)

상위

목록

SEARCH

MENU NAVIGATION