헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 65

(디오니시오스, Antiquitates Romanae, Books IV-VI, book 6, chapter 65)

παυσαμένου δὲ τοῦ Κλαυδίου μεγάλη φωνὴ καὶ θόρυβοσ ἐξαίσιοσ ἄχρι πολλοῦ χρόνου κατεῖχε τὸ συνέδριον. οἱ μὲν γὰρ ἀριστοκρατικοὶ δοκοῦντεσ εἶναι καὶ τὰ δικαιότερα πρὸ τῶν ἀδίκων οἰόμενοι δεῖν σκοπεῖν τῇ Κλαυδίου γνώμῃ προσετίθεντο καὶ τοὺσ ὑπάτουσ ἠξίουν μάλιστα μὲν τῇ κρείττονι προσχωρῆσαι μερίδι διαλογιζομένουσ, ὅτι βασιλικὸν ἔχουσι τὸ τῆσ ἀρχῆσ κράτοσ, οὐ δημοτικόν· διαριθμησαμένουσ δὲ τὰσ γνώμασ τῶν συνέδρων ταῖσ πλείοσι στοιχεῖν.

εἰ δὲ τούτων ἀμφοτέρων ὑπεριδόντεσ αὐτοκράτορασ αὑτοὺσ ποιήσουσι τῶν διαλύσεων, οὐκ ἐπιτρέψειν αὐτοῖσ ἔλεγον, ἀλλ’ ἐναντιώσεσθαι πάσῃ προθυμίᾳ λόγοισ τ’ ἄχρισ ἂν ἐξῇ, χρώμενοι καὶ ὅπλοισ, ὅταν ἀναγκαῖον γένηται·

ἦν δὲ τοῦτο στῖφοσ καρτερὸν καὶ σχεδὸν ἅπασα τῶν πατρικίων ἡ νεότησ ταύτησ εἴχετο τῆσ προαιρέσεωσ. οἱ δὲ τῆσ εἰρήνησ ἐπιθυμοῦντεσ τῇ Μενηνίου τε καὶ Οὐαλερίου γνώμῃ προσέκειντο καὶ μάλιστα οἱ προβεβηκότεσ ταῖσ ἡλικίαισ ἐνθυμούμενοι τὰσ συμφοράσ, ὅσαι καταλαμβάνουσι τὰσ πόλεισ ἐκ τῶν ἐμφυλίων πολέμων.

ὡσ οὐ πρόσω χειροκρασίασ ἐλευσόμενον, εἰ μή τισ αὐτοῖσ εἴξειεν, εἰσ δάκρυα καὶ δεήσεισ τῶν ἐναντιουμένων τελευτῶντεσ ἐτράποντο.