헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 58)

ὃσ ἀναστὰσ πρῶτον ὑπεμίμνησκε τὴν βουλὴν τῶν ἰδίων πολιτευμάτων, καὶ ὅτι πολλάκισ αὐτοῦ προλέγοντοσ τὰ μέλλοντα συμβήσεσθαι δεινὰ δι’ ὀλιγωρίασ ἐποιήσαντο τοὺσ λόγουσ· ἔπειτα ἠξίου τοὺσ ἐναντιουμένουσ ταῖσ διαλλαγαῖσ μὴ περὶ τῶν μετρίων νῦν ζητεῖν, ἀλλ’ ἐπεὶ τὴν στάσιν οὐκ εἰάσαν ἐξαιρεθῆναι, ἡνίκα μικρὰ ἦν ἔτι τῇ πόλει τὰ διαφέροντα, νῦν γέ τοι σκοπεῖν, ὅπωσ διὰ ταχέων παύσεται καὶ μὴ προελθοῦσα ἔτι πορρωτέρω λήσει τάχα μὲν ἀνίατοσ, εἰ δὲ μὴ δυσίατοσ καὶ πολλῶν αἰτία σφίσι γενομένη κακῶν·

τήν τε ἀξίωσιν τῶν δημοτικῶν οὐκέτι τὴν αὐτὴν ἀπέφαινεν ἐσομένην τῇ προτέρᾳ, οὐδ’ ἐπὶ τοῖσ αὐτοῖσ εἴκαζε συμβήσεσθαι τὸν δῆμον ἀπαλλαγὴν μόνον τῶν χρεῶν αἰτούμενον, ἀλλὰ καὶ βοηθείασ δεήσεσθαί τινοσ ἴσωσ, ἀφ’ ἧσ εἰσ τὸν λοιπὸν χρόνον ἀσφαλὴσ διατελέσει· καταλελύσθαι μὲν γὰρ ἀφ’ οὗ παρῆλθεν ἡ τοῦ δικτάτοροσ ἀρχὴ τὸν φύλακα τῆσ ἐλευθερίασ αὐτοῦ νόμον, ὃσ οὔτε ἀποκτείνειν πολίτην ἄκριτον οὐδένα συνεχώρει τοῖσ ὑπάτοισ, οὐδέ γε τοὺσ παρὰ τῇ κρίσει ἐλαττουμένουσ ὑπὸ τῶν πατρικίων δημοτικοὺσ παραδίδοσθαι τοῖσ καταδικασαμένοισ, ἔφεσιν δὲ τοῖσ βουλομένοισ ἐδίδου μεταφέρειν τὰσ κρίσεισ ἐπὶ τὸν δῆμον ἀπὸ τῶν πατρικίων καὶ ὅ τι ἂν ὁ δῆμοσ γνῷ, τοῦτ’ εἶναι κύριον·

Πρίσκῳ.

ἐφ’ οἷσ εἰκόσ τι πάσχοντασ τοὺσ πολλοὺσ ἀθυμεῖν καὶ πονηρὰσ ἔχειν ὑπὲρ τῆσ ἀσφαλείασ ἐλπίδασ, ἐπειδὴ οὔτε ὑπάτῳ οὔτε δικτάτορι κήδεσθαι αὐτῶν βουλομένοισ ἐξεγένετο, ἀλλὰ καὶ προσαπήλαυσέ τισ αὐτῶν ὕβρεωσ καὶ ἀτιμίασ διὰ τὴν ὑπὲρ τῶν πολλῶν σπουδὴν καὶ πρόνοιαν. ταῦτα δ’ ἀπειργάσθαι συγκύψαντασ οὐ τοὺσ χαριεστάτουσ τῶν πατρικίων, ὑβριστὰσ δέ τινασ καὶ πλεονέκτασ περὶ χρηματισμὸν ἄδικον δεινῶσ ἐσπουδακότασ, οἳ πρὸσ πολὺ διάφορον καὶ ἐπὶ μεγάλοισ δανεισθὲν τόκοισ πολλὰ καταδουλωσάμενοι πολιτῶν σώματα, τούτοισ τ’ ὠμὰσ καὶ ὑπερηφάνουσ ἀνάγκασ προσφέροντεσ, ἀλλότριον ἐποίησαν γενέσθαι τῆσ ἀριστοκρατίασ ἅπαν τὸ δημοτικόν, ἑταιρίαν τε συστησάμενοι καὶ ταύτησ ἀναδείξαντεσ Ἄππιον Κλαύδιον ἡγεμόνα, μισόδημον ἄνδρα καὶ ὀλιγαρχικόν, δι’ ἐκείνου πάντα φύρουσι τὰ πράγματα τῆσ πόλεωσ.

οἷσ εἰ μὴ τὸ σωφρονοῦν μέροσ τῆσ βουλῆσ ἐμποδὼν στήσεται, κινδυνεύειν ὑπὲρ ἀνδραποδισμοῦ τινοσ καὶ κατασκαφῆσ τὴν πόλιν. τελευτῶν δ’ ἀπεφήνατο συνδοκεῖν τῇ Μενηνίου χρῆσθαι γνώμῃ, καὶ τὴν πρεσβείαν ἠξίου πέμπειν διὰ ταχέων·

τοὺσ δ’ ἄνδρασ ἀφικομένουσ πειρᾶσθαι μὲν ὡσ βούλονται καταλύσασθαι τὴν στάσιν, εἰ δὲ μὴ διδοίη τισ αὐτοῖσ, ἃ βούλονται, δέχεσθαι τὰ διδόμενα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 58

(디오니시오스, Antiquitates Romanae, Books IV-VI, book 6, chapter 58)

상위

목록

SEARCH

MENU NAVIGATION