헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 55

(디오니시오스, Antiquitates Romanae, Books IV-VI, book 6, chapter 55)

καὶ γὰρ ἄνδρα ἕνα καὶ πόλιν ὅλην ἐπὶ ταῖσ καλλίσταισ τῶν ἰδίων πράξεων φιλοτιμεῖσθαι χρή, καὶ τὰσ λοιπὰσ ὅπωσ ὁμολογούμεναι ταύταισ ἔσονται σκοπεῖν. ὑμεῖσ τοίνυν ἤδη πολλοὺσ πολεμίουσ, ὑφ’ ὧν τὰ μέγιστα ἠδικήθητε, ὑποχειρίουσ λαβόντεσ, οὔτ’ ἀνελεῖν οὔτ’ ἐκβαλεῖν ἐκ τῶν ἰδίων ἐβουλήθητε, ἀλλὰ καὶ οἴκουσ καὶ κλήρουσ αὐτοῖσ ἀπέδοτε, καὶ πατρίδασ οἰκεῖν, ἐξ ὧν ἔφυσαν, εἰάσατε, ἰσοψήφοισ τ’ εἶναι καὶ πολίταισ ὑμετέροισ ἤδη τισὶν ἐξ αὐτῶν ἐχαρίσασθε.

τούτου δ’ ἔτι θαυμασιώτερον ἔργον ὑμῶν ἔχω λέγειν, ὅτι καὶ τῶν ὑμετέρων πολιτῶν πολλοὺσ μεγάλα εἰσ ὑμᾶσ ἐξαμαρτόντασ ἀφήκατε τῶν τιμωριῶν, εἰσ αὐτοὺσ.

μόνουσ ἀποσκήψαντεσ τοὺσ αἰτίουσ τὴν ὀργήν, ὧν ἦσαν οἵ τε Ἀντέμνασ κληρουχήσαντεσ καὶ Κρουστομέρειαν καὶ Μεδύλλειαν καὶ Φιδήνην καὶ ἄλλοι συχνοί. τί γὰρ δεῖ πάντασ ἐξαριθμεῖσθαι νυνί, οὓσ ὑμεῖσ ἐκ πολιορκίασ κρατηθέντασ μετρίωσ ἐνουθετήσατε καὶ πολιτικῶσ; καὶ οὐκ ἔσθ’ ὅπωσ ἢ κινδυνόσ τισ διὰ ταῦτα κατέλαβε τὴν πόλιν ἢ ψόγοσ, ἀλλ’ ἐπαινεῖταί τε ὑμῶν τὸ ἐπιεικὲσ καὶ οὐδὲν ἠλάττωται τοῦ ἀσφαλοῦσ. ἔπειτα οἱ τῶν πολεμίων φειδόμενοι τοῖσ φίλοισ πολεμήσετε, καὶ οἱ τὰ ὑποχείρια γενόμενα μεθιέντεσ ἀζήμια τοὺσ συγκατακτησαμένουσ ὑμῖν τὴν ἀρχὴν ζημιώσετε, πόλιν τε τὴν αὐτῶν ὑμῶν παρέχοντεσ ἅπασι τοῖσ δεομένοισ ἀσφαλῆ καταφυγήν, ταύτησ ἀπελαύνειν ὑπομενεῖτε τοὺσ αὐθιγενεῖσ, οἷσ καὶ συνετράφητε καὶ συνεπαιδεύθητε καὶ πολλῶν ἐκοινωνήσατε κακῶν τε καὶ ἀγαθῶν ἐν εἰρήνῃ τε καὶ κατὰ πολέμουσ;

οὐκ, ἐὰν τά γε δίκαια καὶ τὰ προσήκοντα τοῖσ ὑμετέροισ ἔθεσι βούλησθε πράττειν καὶ χωρὶσ ὀργῆσ κρίνητε τὸ συμφέρον.