헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 51)

οὕτω δὲ κακῶσ ἐχόντων ἡμῖν τῶν ὑπαιθρίων οὐδὲ τὰ ἐντὸσ τείχουσ δεινὰ ἧττόν ἐστι φοβερά. οὔτε γὰρ ὡσ πολιορκησόμενοι παρεσκευάσμεθα ἐκ πολλοῦ τὰ συμμαχικὰ οὔτε πλήθει αὐτοὶ ἀποχρῶντέσ ἐσμεν ὡσ πρὸσ τοσαῦτα πολεμίων ἔθνη, τοῦ δ’ ὀλίγου καὶ οὐκ ἀξιομάχου πληρώματοσ τὸ πλεῖόν ἐστι δημοτικόν, θῆτεσ καὶ πελάται καὶ χειρώνακτεσ, οὐ πάνυ βέβαιοι τεταραγμένησ ἀριστοκρατίασ φύλακεσ. αἵ τε νῦν αὐτομολίαι συνεχεῖσ αὐτῶν πρὸσ τοὺσ ἀφεστηκότασ γινόμεναι, τὸ σύμπαν ὕποπτον εἶναι παρεσκευάκασιν.

ὑπὲρ ἅπαντα δὲ ταῦτα ἡ τῶν ἐπιτηδείων συγκομιδὴ κρατουμένησ ὑπὸ τῶν πολεμίων τῆσ γῆσ ἀδύνατοσ οὖσα φοβεῖ τε ἤδη λιμόν, ἐπειδάν τ’ ἐν τῷ ἀπόρῳ γενώμεθα ἔτι μᾶλλον φοβήσει, χωρὶσ δὲ τούτων ὁ μηδένα χρόνον ἡμᾶσ εὐσταθεῖν ταῖσ διανοίαισ ἐῶν πόλεμοσ.

ἅπαντα δ’ ὑπερβάλλει τὰ δεινὰ γύναια τῶν ἀποστατῶν καὶ παιδία νήπια καὶ γηραιοὶ γονεῖσ, ἐν ἐσθῆσιν ἐλεειναῖσ καὶ σχήμασι πενθίμοισ περιφθειρόμενοι κατὰ τὴν ἀγορὰν καὶ τοὺσ στενωποὺσ κλαίοντεσ, ἱκετεύοντεσ, ἁπτόμενοι δεξιᾶσ ἑκάστου καὶ γονάτων, ἀπολοφυρόμενοι τὴν κατέχουσαν αὐτοὺσ καὶ ἔτι μᾶλλον καθέξουσαν ἐρημίαν, δεινὴ καὶ ἀνυπομόνητοσ ὄψισ.

οὐδεὶσ γοῦν ἐστιν οὕτωσ ὠμὸσ τὸν τρόπον, ὃσ οὐκ ἀνατρέπεται τὴν ψυχὴν ὁρῶν ταῦτα καὶ πάσχει τι πρὸσ τὰσ ἀνθρώπων τύχασ.

ὥστ’ εἰ μέλλοιμεν ἀσπείστωσ πρὸσ τὸ δημοτικὸν ἔχειν, ἀπαλλακτέον ἡμῖν καὶ ταῦτα τὰ σώματα ἐκποδών, τὰ μὲν ὡσ ἄχρηστα εἰσ πολιορκίαν ἐσόμενα, τὰ δ’ ὡσ οὐ διαμενοῦντα βεβαίωσ φίλα. ἀπελαυνομένων δὲ καὶ τούτων τίσ ἡ φυλάξουσα τὴν πόλιν ἔτι λειφθήσεται δύναμισ; ἢ τίνι πιστεύσαντεσ ἐπικουρίᾳ τὰ δεινὰ τολμήσομεν ὑπομένειν;

ἡ μέντοι οἰκεία ἡμῶν καταφυγὴ καὶ μόνη βέβαιοσ ἐλπίσ, ἡ τῶν πατρικίων ἀκμή, βραχεῖά ἐστιν, ὥσπερ ὁρᾶτε, καὶ οὐκ ἄξιον ἐπὶ ταύτῃ μέγα φρονεῖν. τι οὖν οἱ τὸν πόλεμον ὑπομένειν εἰσηγούμενοι ληροῦσι καὶ φενακίζουσιν ἡμᾶσ, ἀλλ’ οὐχὶ φανερῶσ παραινοῦσιν ἀναιμωτὶ καὶ δίχα πόνου παραδιδόναι τοῖσ ἐχθροῖσ ἤδη τὴν πόλιν;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 51

(디오니시오스, Antiquitates Romanae, Books IV-VI, book 6, chapter 51)

상위

목록

SEARCH

MENU NAVIGATION