헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 43)

Οὐαλέριοσ δὲ κατὰ νοῦν χωρήσαντοσ αὐτῷ τοῦ πολέμου τὸν εἰωθότα θρίαμβον ἀπὸ τῆσ νίκησ καταγαγὼν ἀπέλυσε τὸν δῆμον ἀπὸ τῆσ στρατείασ, οὔπω τῆσ βουλῆσ καιρὸν εἶναι νομιζούσησ, ἵνα μὴ τὰσ ὑποσχέσεισ ἀπαιτοῖεν οἱ ἄποροι· εἰσ δὲ τὴν δορίκτητον, ἣν Οὐολούσκουσ ἀφείλοντο, κληρούχουσ ἀπέστειλεν ἐπιλέξασ ἄνδρασ ἐκ τῶν ἀπόρων, οἳ τήν τε πολεμίαν φρουρήσειν ἔμελλον καὶ τὸ ἐν τῇ πόλει στασιάζον ἔλαττον ἀπολείψειν. ταῦτα διοικησάμενοσ ἠξίου τὴν βουλὴν τὰσ ὑποσχέσεισ αὐτῷ βεβαιῶσαι κεκομισμένην τὸ παρὰ τοῦ πλήθουσ πρόθυμον ἐν τοῖσ ἀγῶσιν.

ὡσ δ’ οὐ προσεῖχεν αὐτῷ τὸν νοῦν, ἀλλ’, ὅπερ πρότερον ἠναντιοῦτο, τῇ γνώμῃ συστρέψαντεσ ἑαυτοὺσ νέοι καὶ βίαιοι καὶ πλήθει τῶν ἑτέρων ἐπικρατοῦντεσ καὶ τότε ἀντέπραττον καὶ πολλῇ καταβοῇ ἐχρῶντο, τὴν οἰκίαν αὐτοῦ δημοκόλακα ἀποφαίνοντεσ καὶ νόμων πονηρῶν ἀρχηγόν, ᾧ δὲ μάλιστα ἠγάλλοντο οἱ ἄνδρεσ ἐπὶ τῆσ ἐκκλησίασ τῶν δικαστηρίων πολιτεύματι, τούτῳ πᾶσαν ἠφανικέναι τὴν τῶν πατρικίων δυναστείαν αἰτιώμενοι· σχετλιάσασ ὁ Οὐαλέριοσ πολλὰ καὶ ὡσ οὐ δίκαια πάσχοι διαβεβλημένοσ ὑπ’ αὐτῶν πρὸσ τὸν δῆμον ὀνειδίσασ, τήν τε μέλλουσαν καταλήψεσθαι σφᾶσ τύχην τοιαῦτα βουλευσαμένουσ ἀνακλαυσάμενοσ, καὶ οἱᾶ εἰκὸσ ἐν τοιούτῳ κακῷ, τὰ μὲν ἐκ πάθουσ, τὰ δὲ ἀπὸ τοῦ πλεῖόν τι τῶν πολλῶν νοεῖν, ἀποθεσπίσασ, ᾤχετο ἀπιὼν ἐκ τοῦ βουλευτηρίου·

καὶ συγκαλέσασ τὸν δῆμον εἰσ ἐκκλησίαν, ἔλεξε· πολλὴν χάριν ὑμῖν εἰδώσ, ὦ πολῖται, τῆσ τε προθυμίασ, ἣν παρέσχεσθέ μοι ἑκούσιοι συναράμενοι τοῦ πολέμου, καὶ ἔτι μᾶλλον τῆσ ἀρετῆσ, ἣν ἐν τοῖσ ἀγῶσιν ἐπεδείξασθε, μεγάλην μὲν ἐποιούμην σπουδὴν ἀμείψασθαι ὑμᾶσ τοῖσ τε ἄλλοισ καὶ τῷ μὴ ψεύσασθαι τὰσ ὑποσχέσεισ, ἃσ ὑπὲρ τῆσ βουλῆσ ἐποιούμην πρὸσ ὑμᾶσ, καὶ εἰσ ὁμόνοιαν ἤδη ποτὲ καταστῆσαι τὴν στάσιν ὑμῶν σύμβουλοσ καὶ διαιτητὴσ ἀμφοῖν γενόμενοσ·

κωλύομαι δὲ πράττειν αὐτὰ διὰ τοὺσ οὐ τὰ βέλτιστα τῷ κοινῷ, τὰ δὲ σφίσιν αὐτοῖσ ἐν τῷ παρόντι κεχαρισμένα προαιρουμένουσ, οἳ πλήθει τ’ ἐπικρατοῦντεσ τῶν ἑτέρων καὶ δυνάμει, ἣν τὸ νέον αὐτοῖσ παρέχεται μᾶλλον ἢ τὰ πράγματα, ἔρρωνται.

ἐγὼ δὲ γέρων τε δή, ὡσ ὁρᾶτε, καὶ ἑτέρουσ τοιούτουσ ἔχω συμμάχουσ, ὧν ἡ ἐν τῇ γνώμῃ οὖσα ἰσχὺσ ἀδύνατόσ ἐστιν ἔργῳ ἐπεξελθεῖν, καὶ περιέστηκεν ἡ δοκοῦσα ἡμῶν τοῦ κοινοῦ πρόνοια ἰδία πρὸσ ἑκάτερον μέροσ ἀπέχθεια φαινομένη.

τῇ τε γὰρ βουλῇ δι’ αἰτίασ εἰμὶ ὡσ τὸ ὑμέτερον πλῆθοσ θεραπεύων καὶ πρὸσ ὑμᾶσ διαβέβλημαι, ὡσ ἐκείνῃ μᾶλλον τὴν εὔνοιαν ἀποδεικνύμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 43

(디오니시오스, Antiquitates Romanae, Books IV-VI, book 6, chapter 43)

상위

목록

SEARCH

MENU NAVIGATION