헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 31)

ἐν τοιαύταισ δ’ ἀκαταστασίαισ τῆσ πόλεωσ οὔσησ ἐκεχειρία τισ ἐν τῷ διὰ μέσου γενομένη θυσιῶν πατρίων ἕνεκα καὶ πανηγύρεισ ἐπιλαβοῦσαι λαμπραὶ ταῖσ δαπάναισ ἐπέσχον τὴν ἐν τῷ παρόντι τοῦ πλήθουσ διχοστασίαν. ἑορτάζουσι δ’ αὐτοῖσ ἐπιτίθενται πολλῇ δυνάμει Σαβῖνοι τοῦτον ἐκ πολλοῦ φυλάξαντεσ τὸν χρόνον, ἀρχομένησ ἔτι νυκτὸσ ποιησάμενοι τὴν ἐπίθεσιν, ἵνα πρὶν αἰσθέσθαι τοὺσ ἔνδον ἐπὶ τῇ πόλει γένωνται· καὶ ῥᾷστα ἂν ἐκράτησαν αὐτῶν, εἰ μὴ τῶν ψιλῶν τινεσ ἀποσχισθέντεσ τῆσ φάλαγγοσ, αὐλαῖσ ἐπιβάλλοντεσ ἁρπαγῆσ ἕνεκα θόρυβον εἰργάσαντο.

βοή τε γὰρ εὐθὺσ ἐγένετο καὶ δρόμοσ τῶν γεωργῶν εἰσ τὸ τεῖχοσ, πρὶν ἢ ταῖσ πύλαισ τοὺσ πολεμίουσ προσελθεῖν.

ὡσ δ’ ἔγνωσαν αὐτῶν τὴν ἔφοδον οἱ κατὰ πόλιν θεωροῦντεσ μεταξὺ καὶ τοὺσ στεφάνουσ ἐπικείμενοι καταλιπόντεσ τοὺσ ἀγῶνασ ἐπὶ τὰ ὅπλα ὡρ́μησαν· καὶ φθάνει τῷ Σερουιλίῳ συναχθεῖσα δύναμισ αὐτοκέλευστοσ ἱκανή, ἣν ἐκεῖνοσ ἔχων συντεταγμένην, προσπίπτει τοῖσ πολεμίοισ ὑπό τε ἀγρυπνίασ καὶ κόπου τεταλαιπωρηκόσι καὶ οὐ προσδεχομένοισ τὴν τῶν Ῥωμαίων ἔφοδον. ὡσ δὲ συνέμιξαν εἰσ χεῖρασ, ἐγένετο μάχη τὸ μὲν ἐν τάξει καὶ κόσμῳ διὰ τὴν σπουδὴν ἑκατέρων ἀφῃρημένη, οἳ δ’ ὡσ ἀπὸ τύχησ τινὸσ ἢ φάλαγξ φάλαγγι ἢ λόχοσ λόχῳ ἢ ἀνὴρ ἀνδρὶ συνέπεσον, ἱππεῖσ τε καὶ πεζοὶ ἅμα πεφυρμένοι ἐμάχοντο.

ἀρωγοὶ δ’ αὐτοῖσ ἑκατέρωθεν ἐπῄεσαν οὐ διὰ μακροῦ τῶν πόλεων οὐσῶν, οἳ τὸ κάμνον ἀναθαρρύνοντεσ ἐπὶ πολὺν χρόνον ἀντέχειν ταῖσ ταλαιπωρίαισ ἐποίουν.

ἔπειτα οἱ Ῥωμαῖοι προσγενομένησ σφίσι τῆσ ἵππου πάλιν νικῶσι τοὺσ Σαβίνουσ, καὶ πολλοὺσ ἀποκτείναντεσ ἀνέστρεψαν εἰσ τὴν πόλιν ἄγοντεσ αἰχμαλώτουσ πάνυ συχνούσ. τούσ τε κατὰ τὴν πόλιν ὄντασ Σαβίνων, οἳ κατὰ θέασ πρόφασιν ἀφιγμένοι προκαταλήψεσθαι τοῖσ ἐπιοῦσι τὰ ἐρύματα τῆσ πόλεωσ ἔμελλον, ὥσπερ αὐτοῖσ συνετέτακτο, ἀναζητοῦντεσ εἰσ τὰ δεσμωτήρια κατετίθεντο. τὰσ δὲ θυσίασ, αἷσ ὁ πόλεμοσ ἐμποδὼν ἐγένετο, διπλασίασ τῶν προτέρων ψηφισάμενοι αὖθισ ἐν εὐπαθείαισ ἦσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 31

(디오니시오스, Antiquitates Romanae, Books IV-VI, book 6, chapter 31)

상위

목록

SEARCH

MENU NAVIGATION