헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 29)

ταῦτ’ εἰπὼν ἐκέλευσε τὸν κήρυκα ἀνειπεῖν, ὅσοι ἂν Ῥωμαίων ἐπὶ τὸν κατ’ αὐτῶν πόλεμον ἐκστρατεύσωσι, τὰσ τούτων οἰκίασ μηδένα ἐξεῖναι μήτε πωλεῖν μήτ’ ἐνεχυράζειν μήτε γένοσ αὐτῶν ἀπάγειν πρὸσ μηδὲν συμβόλαιον μήτε κωλύειν τὸν βουλόμενον τῆσ στρατείασ κοινωνεῖν. ὅσοι δ’ ἂν ἀπολειφθῶσι τῆσ στρατείασ, τὰσ κατὰ τούτων πράξεισ ὑπάρχειν τοῖσ δανεισταῖσ, ἐφ’ οἷσ ἑκάστοισ συνέβαλον. ὡσ δὲ ταῦτ’ ἤκουσαν οἱ πένητεσ, αὐτίκα συνέγνωσάν τε καὶ πολλῇ προθυμίᾳ πάντεσ εἰσ τὸν πόλεμον ὡρ́μηντο, οἱ μὲν ἐλπίσιν ὠφελειῶν ὑπαχθέντεσ, οἱ δὲ τοῦ στρατηλάτου χάριτι, οἱ δὲ πλεῖστοι τὸν Ἄππιον καὶ τοὺσ ἐν τῇ πόλει κατὰ τῶν ὑπομεινάντων προπηλακισμοὺσ φεύγοντεσ.

παραλαβὼν δ’ ὁ Σερουίλιοσ τὸ στράτευμα σὺν πολλῇ σπουδῇ ἐλαύνει διαλιπὼν οὐδένα χρόνον, ἵνα συμμίξῃ τοῖσ πολεμίοισ, πρὶν εἰσ Ῥωμαίων χώραν αὐτοὺσ εἰσβαλεῖν·

καὶ καταλαβὼν περὶ τὸ Πωμεντῖνον χωρίον ἐστρατοπεδευκότασ καὶ τὴν Λατίνων χώραν προνομεύοντασ, ὅτι παρακαλοῦσιν αὐτοῖσ οὐ συνήραντο τοῦ πολέμου, περὶ δείλην ὀψίαν παρὰ λόφον τινὰ ὡσ εἴκοσι στάδια τῆσ στρατοπεδείασ αὐτῶν ἀφεστῶτα τίθεται τὸν χάρακα· καὶ αὐτοῖσ νυκτὸσ ἐπιτίθενται Οὐολοῦσκοι ὀλίγουσ τε δόξαντεσ εἶναι καὶ ὡσ ἐξ ὁδοῦ μακρᾶσ κατακόπουσ προθυμίασ τ’ ἐνδεῶσ ἔχοντασ διὰ τοὺσ ἐκ τῶν πενήτων περὶ τὰ χρέα νεωτερισμοὺσ ἐν ἀκμῇ μάλιστα δοκοῦντασ εἶναι.

ὁ δὲ Σερουίλιοσ ἔτι νυκτὸσ ἀπὸ τοῦ χάρακοσ ἀγωνισάμενοσ, ἐπεὶ δὲ φῶσ τε ἤδη ἐγένετο καὶ τοὺσ πολεμίουσ ἔμαθεν ἀτάκτωσ προνομεύοντασ, ἀνοῖξαι κελεύσασ πυλίδασ ἐκ τοῦ χάρακοσ ἀδήλωσ συχνάσ, ἀφ’ ἑνὸσ παραγγέλματοσ ἐφῆκεν ἐπ’ αὐτοὺσ τὸ στράτευμα.

ἐξαπιναίου δὲ τοῦ δεινοῦ καὶ παρὰ δόξαν τοῖσ Οὐολούσκοισ προσπεσόντοσ ὀλίγοι μέν τινεσ ὑποστάντεσ πρὸσ τῷ χάρακι μαχόμενοι κατεκόπησαν· οἱ δ’ ἄλλοι φεύγοντεσ προτροπάδην καὶ πολλοὺσ τῶν σφετέρων ἀπολέσαντεσ τραυματίαι τε οἱ πλεῖστοι καὶ τὰ ὅπλα ἀπολωλεκότεσ εἰσ τὸν χάρακα διεσώζοντο. ἑπομένων δ’ αὐτοῖσ τῶν Ῥωμαίων ἐκ ποδὸσ καὶ περισχόντων τὸ στρατόπεδον, βραχύν τινα χρόνον ἀμυνάμενοι παρέδοσαν τὸν χάρακα πολλῶν ἀνδραπόδων τε καὶ βοσκημάτων καὶ ὅπλων καὶ τῆσ εἰσ τὸν πόλεμον παρασκευῆσ γέμοντα.

ἑάλω δὲ σώματα ἐλεύθερα συχνά, τὰ μὲν αὐτῶν Οὐολούσκων, τὰ δὲ τῶν αὐτοῖσ συναγωνισαμένων ἐθνῶν, χρήματά τε καὶ ὅσα χρυσὸσ καὶ ἄργυροσ καὶ ἐσθὴσ ὡσπερὰν πόλεωσ τῆσ κρατίστησ ἁλούσησ πάνυ πολλά· τοῖσ στρατιώταισ ταῦτ’ ἐφιεὶσ ὁ Σερουίλιοσ ὡσ ἕκαστοσ ὠφεληθείη καὶ μηδὲν εἰσ τὸ δημόσιον ἀναφέρουσι διανείμασθαι κελεύσασ καὶ τὸν χάρακα πυρὶ δούσ, ἀναλαβὼν τὰσ δυνάμεισ ἦγεν ἐπὶ τὴν ἀγχοτάτω Σουέσσαν Πωμεντιανήν.

ἔτι δὲ δόξῃ καὶ πλούτῳ πολὺ τῶν ταύτῃ ὑπερέχειν ἐδόκει, καὶ ἦν ὥσπερ ἡγεμὼν τοῦ ἔθνουσ.

περιστρατοπεδεύσασ δ’ αὐτὴν καὶ οὔθ’ ἡμέρασ οὔτε νυκτὸσ ἀνακαλῶν τὸν στρατόν, ἵνα μηδένα χρόνον οἱ πολέμιοι διαναπαύσαιντο μήθ’ ὕπνον αἱρούμενοι μήτε πολέμου παῦλαν δεχόμενοι, λιμῷ καὶ ἀμηχανίᾳ καὶ σπάνει συμμάχων παρατείνασ εἷλεν αὐτοὺσ ἐν οὐ πολλῷ χρόνῳ καὶ τοὺσ ἐν ἥβῃ πάντασ κατέσφαξεν.

ἐπιτρέψασ δὲ καὶ ὅσα ἦν ἐνταῦθα χρήματα τοῖσ στρατιώταισ φέρειν τε καὶ ἄγειν, ἐπὶ τὰσ ἄλλασ πόλεισ ἀπῆγε τὴν δύναμιν οὐθενὸσ οὐκέτι τῶν Οὐολούσκων ἀμύνειν τι δυναμένου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 29

(디오니시오스, Antiquitates Romanae, Books IV-VI, book 6, chapter 29)

상위

목록

SEARCH

MENU NAVIGATION