헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 26)

ἔτι δ’ αὐτῆσ ἐν τῷ βουλευτηρίῳ καθεζομένησ καὶ τίνεσ εἰε͂ν δυνάμεισ τὰσ ἐξελευσομένασ σκοπούσησ, εἰσ τὴν ἀγορὰν ἀνὴρ πρεσβύτεροσ ἐφάνη ῥάκοσ ἠμφιεσμένοσ, πώγωνα βαθὺν καθεικὼσ καὶ κόμην βοῶν καὶ ἐπικαλούμενοσ τὴν ἐξ ἀνθρώπων ἐπικουρίαν. συνδραμόντοσ δὲ τοῦ πλησίον ὄχλου στάσ, ὅθεν ἔμελλε πολλοῖσ καταφανὴσ ἔσεσθαι, ἔφη, γεννηθεὶσ ἐλεύθεροσ, ἐστρατευμένοσ τὰσ ἐν ἡλικίᾳ στρατείασ, καὶ δυεῖν δεούσασ τριάκοντα μάχασ ἀγωνισάμενοσ, καὶ ἀριστεῖα πολλάκισ εἰληφὼσ ἐκ τῶν πολέμων, ἐπειδὴ κατέσχον οἱ τὴν πόλιν εἰσ τὰσ ἐσχάτασ ἄγοντεσ στενοχωρίασ καιροί, χρέοσ ἠναγκάσθην λαβεῖν ἕνεκα τοῦ διαλῦσαι τὰσ εἰσπραττομένασ εἰσφοράσ, ὡσ τὸ μὲν χωρίον οἱ πολέμιοι κατέδραμον, τὰ δὲ κατὰ πόλιν αἱ σιτοδεῖαι κατανάλωσαν, ὅθεν διαλύσαιμί μου τὸ χρέοσ οὐκ ἔχων, ἀπήχθην δοῦλοσ ὑπὸ τοῦ δανειστοῦ σὺν τοῖσ υἱοῖσ δυσίν·

ἐπιτάττοντοσ δὲ τοῦ δεσπότου τῶν οὐ ῥᾳδίων ἔργον τι ἀντειπὼν αὐτῷ πληγὰσ ἔλαβον μάστιξι πάνυ πολλάσ. ταῦτ’ εἰπὼν ἐρρίπτει τὸ ῥάκιον καὶ ἐδείκνυε τὸ στῆθοσ μεστὸν τραυμάτων, τὰ δὲ νῶτα αἵματοσ ἐκ τῶν πληγῶν ἀνάπλεω.

κραυγῆσ δὲ καὶ οἰμωγῆσ ἐκ τῶν παρόντων γινομένησ ἥ τε βουλὴ διελύθη καὶ κατὰ τὴν πόλιν ὅλην δρόμοσ ἦν τῶν ἀπόρων τὴν ἰδίαν τύχην ἀνακλαιομένων καὶ βοηθεῖν τοὺσ πέλασ ἀξιούντων·

ἔκ τε τῶν οἰκιῶν οἱ πρὸσ τὰ χρέα δουλωθέντεσ ἐξώρμων κομῶντεσ, ἁλύσεισ ἔχοντεσ οἱ πλεῖστοι καὶ πέδασ οὐδενὸσ ἀντιλαμβάνεσθαι τολμῶντοσ αὐτῶν, εἰ δ’ ἅψαιτο μόνον, ἐν χειρῶν νόμῳ διασπαραττομένου. τοσαύτη λύττα τὸν δῆμον ἐν τῷ τότε καιρῷ κατεῖχε, καὶ μετ’ οὐ πολὺ μεστὴ τῶν ἐκφυγόντων τὰσ ἀνάγκασ ἦν ἡ ἀγορά.

ὁ μὲν οὖν Ἄππιοσ δείσασ τὴν ἐφ’ ἑαυτὸν ὁρμὴν τοῦ πλήθουσ, ἐπειδὴ τῶν κακῶν ἦν αἴτιοσ, καὶ δι’ ἐκεῖνον ἐδόκει ταῦτα γεγονέναι, φεύγων ἐκ τῆσ ἀγορᾶσ ᾤχετο. ὁ δὲ Σερουίλιοσ ῥίψασ τὴν περιπόρφυρον ἐσθῆτα καὶ προκυλιόμενοσ τῶν δημοτικῶν ἑκάστου μετὰ δακρύων, μόλισ αὐτοὺσ ἔπεισεν ἐκείνην μὲν τὴν ἡμέραν ἐπισχεῖν, εἰσ δὲ τὴν ἐπιοῦσαν ἥκειν, ὡσ τῆσ βουλῆσ ἐπιμέλειάν τινα περὶ αὐτῶν ποιησομένησ. ταῦτ’ εἰπὼν καὶ τὸν κήρυκα ἀνειπεῖν κελεύσασ μηδένα τῶν δανειστῶν ἐξεῖναι σῶμα πολιτικὸν πρὸσ ἴδιον χρέοσ ἄγειν, ἑώσ ἡ βουλὴ περὶ αὐτῶν διαγνοίη, τοὺσ δὲ παρόντασ ὅποι βούλοιντο ἀδεῶσ ἀπιέναι, διέλυσε τὸν θόρυβον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 26

(디오니시오스, Antiquitates Romanae, Books IV-VI, book 6, chapter 26)

상위

목록

SEARCH

MENU NAVIGATION