헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 25)

διατριβομένου δ’ εἰσ ταῦτα πολλοῦ χρόνου ὁ ἕτεροσ τῶν ὑπάτων Σερουίλιοσ· ἦν γὰρ ἡ στρατεία κατὰ κλῆρον ἐκείνῳ προσήκουσα·

πολλῇ δεήσει καὶ θεραπείᾳ παρασκευασάμενοσ τὸ δημοτικὸν συνάρασθαι τοῦ πολέμου, δύναμιν ἔχων οὐκ ἐκ καταλόγου προσηναγκασμένην, ἀλλ’ ἑκούσιον, ὡσ οἱ καιροὶ παρεκάλουν, ἐξῆλθεν ἐπὶ τὸν πόλεμον ἔτι τῶν Οὐολούσκων παρασκευαζομένων καὶ Ῥωμαίουσ μὲν οὔτε προσδεχομένων μετὰ δυνάμεωσ ἥξειν ἐπὶ σφᾶσ, οὕτω στασιαστικῶσ πολιτευομένουσ καὶ ἐχθρῶσ ἔχοντασ πρὸσ ἀλλήλουσ, οὔτ’ εἰσ χεῖρασ ἥξειν τοῖσ ἐπιοῦσιν οἰομένων· σφίσι δὲ πολλὴν ἐξουσίαν ὑπάρχειν ὁπότε βούλοιντο τοῦ πολέμου ἄρχειν. ἐπειδὴ δ’ ᾔσθοντο πολεμεῖν δέον αὐτοὶ πολεμούμενοι, τότε δὴ καταπεπληγότεσ τὸ τῶν Ῥωμαίων τάχοσ, ἱκετηρίασ ἀναλαβόντεσ ἐκ τῶν πόλεων οἱ γεραίτατοι προῄεσαν ἐπιτρέποντεσ τῷ Σερουϊλίῳ χρῆσθαι σφίσιν ὡσ ἡμαρτηκόσιν ὅ τι βούλοιτο.

ὁ δὲ τροφὰσ τῷ στρατεύματι παρ’ αὐτῶν λαβὼν ἐσθῆτάσ τε καὶ τριακοσίουσ υἱοὺσ εἰσ ὁμηρείαν ἐκ τῶν ἐπιφανεστάτων οἴκων ἐπιλεξάμενοσ ᾤχετο, λελύσθαι τὸν πόλεμον ὑπολαβών.

ἦν δ’ ἄρα τοῦτ’ οὐ λύσισ, ἀναβολὴ δέ τισ καὶ παρασκευῆσ ἀφορμὴ τοῖσ φθασθεῖσι τῷ παρ’ ἐλπίδα τῆσ ἐφόδου, ἀπελθόντοσ τε τοῦ τῶν Ῥωμαίων στρατεύματοσ ἐξήπτοντο πάλιν οἱ Οὐολοῦσκοι τοῦ πολέμου τάσ τε πόλεισ φραξάμενοι, καὶ εἴ τι ἄλλο χωρίον ἐπιτήδειον ἦν ἀσφάλειαν σφίσι παρασχεῖν διὰ φυλακῆσ κρείττονοσ ἔχοντεσ·

συνήπτοντο δ’ αὐτοῖσ τοῦ κινδύνου φανερῶσ μὲν Ἕρνικεσ καὶ Σαβῖνοι, κρύφα δὲ καὶ ἄλλων συχνοί. ἄνδρασ εἰσ Ῥώμην ἤγαγον.

οἷσ ἡ βουλὴ τῆσ βεβαίου πίστεωσ χάριν ἀποδιδοῦσα καὶ ἔτι μᾶλλον τῆσ εἰσ τὸν ἀγῶνα προθυμίασ·

ἕτοιμοι γὰρ ἦσαν ἑκούσιοι συμπολεμεῖν· ὃ μάλιστα μὲν βούλεσθαι αὐτοὺσ ᾤετο, δι’ αἰσχύνησ δ’ ἔχειν αἰτήσασθαι, τοῦτ’ αὐτοῖσ ἐχαρίσατο, τοὺσ ἐν τοῖσ πολέμοισ ἁλόντασ αὐτῶν ἑξακισχιλίων ὀλίγον ἀποδέοντασ προῖκα δωρησαμένη καὶ ὡσ ἂν μάλιστα κόσμον ἡ δωρεὰ προσήκοντα τῇ συγγενείᾳ λάβοι πάντασ αὐτοὺσ ἐσθῆσιν ἀμφιέσασα ἐλευθέροισ σώμασι πρεπούσαισ. τῆσ δὲ συμμαχίασ οὐδὲν αὑτῇ ἔφη δεῖν τῆσ Λατίνων ἱκανὰσ λέγουσα εἶναι τὰσ οἰκείασ τῇ Ῥώμῃ δυνάμεισ ἀμύνασθαι τοὺσ ἀφισταμένουσ. ταῦτ’ ἐκείνοισ ἀποκριναμένη ψηφίζεται τὸν κατ’ Οὐολούσκων πόλεμον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 25

(디오니시오스, Antiquitates Romanae, Books IV-VI, book 6, chapter 25)

상위

목록

SEARCH

MENU NAVIGATION