헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 11

(디오니시오스, Antiquitates Romanae, Books IV-VI, book 6, chapter 11)

πρῶτον μὲν οὖν οἱ κατὰ μέσην τὴν φάλαγγα τεταγμένοι Ῥωμαίων, ἔνθα ὁ δικτάτωρ ἦν λογάδασ ἔχων περὶ αὑτὸν ἱππεῖσ, καὶ αὐτὸσ ἐν πρώτοισ μαχόμενοσ, τὸ καθ’ αὑτοὺσ ἐξωθοῦσι μέροσ, τρωθέντοσ ὑσσῷ τὸν δεξιὸν ὦμον θατέρου τῶν Ταρκυνίου παίδων Τίτου καὶ μηκέτι δυναμένου τῇ χειρὶ χρῆσθαι. Λικίννιοσ μὲν γὰρ καὶ οἱ περὶ Γέλλιον οὐδὲν ἐξητακότεσ οὔτε τῶν εἰκότων οὔτε τῶν δυνατῶν αὐτὸν εἰσάγουσι τὸν βασιλέα Ταρκύνιον ἀγωνιζόμενον ἀφ’ ἵππου καὶ τιτρωσκόμενον, ἄνδρα ἐνενήκοντα ἔτεσι προσάγοντα.

πεσόντοσ δὲ Τίτου μικρὸν ἀγωνισάμενοι χρόνον οἱ περὶ αὐτὸν καὶ τὸ σῶμα ἔμψυχον ἀράμενοι γενναῖον οὐδὲν ἔτι ἔπραξαν, ἀλλ’ ἀνεχώρουν ἐπιοῦσι τοῖσ Ῥωμαίοισ ἐπὶ πόδα· ἔπειτ’ αὖθισ ἔστησάν τε καὶ εἰσ ἀντίπαλα ἐχώρουν, θατέρου τῶν Ταρκυνίου παίδων Σέξτου μετὰ τῶν ἐκ Ῥώμησ φυγάδων τε καὶ τῶν ἄλλων ἐπιλέκτων ἱππέων ἐπιβοηθήσαντοσ αὐτοῖσ. οὗτοι μὲν οὖν πάλιν ἀναλαβόντεσ· αὑτοὺσ ἐμάχοντο, οἱ δὲ τῆσ φάλαγγοσ ἡγεμόνεσ ἑκατέρασ Τῖτοσ Αἰβούτιοσ καὶ Μαμίλιοσ Ὀκταούιοσ λαμπρότατα πάντων ἀγωνιζόμενοι, καὶ τρέποντεσ μὲν τοὺσ ὑφισταμένουσ καθ’ ὃ χωρήσειαν μέροσ, ἀντικαθιστάντεσ δὲ τῶν σφετέρων τοὺσ θορυβηθέντασ, χωροῦσιν ἐκ προκλήσεωσ ὁμόσε, καὶ συρράξαντεσ πληγὰσ κατ’ ἀλλήλων φέρουσιν ἰσχυράσ, οὐ μὴν καιρίουσ, ὁ μὲν ἱππάρχησ εἰσ τὰ στέρνα τοῦ Μαμιλίου διὰ θώρακοσ ἐλάσασ τὴν αἰχμἠν, ὁ δὲ Μαμίλιοσ μέσον περονήσασ τὸν δεξιὸν ἐκείνου βραχίονα·

καὶ πίπτουσιν ἀπὸ τῶν ἵππων.