헬라어 문장 검색 - Διοδορ́Βιβλιοτ́3́74́

(디오도로스 시켈로스, Bibliotheca Historica, book 3, chapter 73)

τῶν δὲ Λιβύων εἰρηκότων αὐτῷ πρὸ τῆσ μάχησ ὅτι καθ’ ὃν καιρὸν ἐξέπεσεν ἐκ τῆσ βασιλείασ Ἄμμων, τοῖσ ἐγχωρίοισ προειρηκὼσ εἰή τεταγμένοισ χρόνοισ ἥξειν υἱὸν αὐτοῦ Διόνυσον, καὶ τήν τε πατρῴαν ἀνακτήσεσθαι βασιλείαν καὶ πάσησ τῆσ οἰκουμένησ κυριεύσαντα θεὸν νομισθήσεσθαι, ὑπολαβὼν ἀληθῆ γεγονέναι μάντιν τό τε χρηστήριον ἱδρύσατο τοῦ πατρὸσ καὶ τὴν πόλιν οἰκοδομήσασ τιμὰσ ὡρ́ισεν ὡσ θεῷ καὶ τοὺσ ἐπιμελησομένουσ τοῦ μαντείου κατέστησε. παραδεδόσθαι δὲ τὸν Ἄμμωνα ἔχειν κριοῦ κεφαλὴν τετυπωμένην, παράσημον ἐσχηκότοσ αὐτοῦ τὸ κράνοσ κατὰ τὰσ στρατείασ. εἰσὶ δ’ οἱ μυθολογοῦντεσ αὐτῷ πρὸσ ἀλήθειαν γενέσθαι καθ’ ἑκάτερον μέροσ τῶν κροτάφων κεράτια·

διὸ καὶ τὸν Διόνυσον, υἱὸν αὐτοῦ γεγονότα, τὴν ὁμοίαν ἔχειν πρόσοψιν, καὶ τοῖσ ἐπιγινομένοισ τῶν ἀνθρώπων παραδεδόσθαι τὸν θεὸν τοῦτον γεγονότα κερατίαν. μετὰ δ’ οὖν τὴν τῆσ πόλεωσ οἰκοδομίαν καὶ τὴν περὶ τὸ χρηστήριον κατάστασιν πρῶτόν φασι τὸν Διόνυσον χρήσασθαι τῷ θεῷ περὶ τῆσ στρατείασ, καὶ λαβεῖν παρὰ τοῦ πατρὸσ χρησμὸν ὅτι τοὺσ ἀνθρώπουσ εὐεργετῶν τεύξεται τῆσ ἀθανασίασ.

διὸ καὶ μετεωρισθέντα τῇ ψυχῇ τὸ μὲν πρῶτον ἐπὶ τὴν Αἴγυπτον στρατεῦσαι, καὶ τῆσ χώρασ καταστῆσαι βασιλέα Δία τὸν Κρόνου καὶ Ῥέασ, παῖδα τὴν ἡλικίαν ὄντα.

παρακαταστῆσαι δ’ αὐτῷ καὶ ἐπιστάτην Ὄλυμπον, ἀφ’ οὗ τὸν Δία παιδευθέντα καὶ πρωτεύσαντα κατ’ ἀρετὴν Ὀλύμπιον προσαγορευθῆναι. τὸν δ’ οὖν Διόνυσον λέγεται διδάξαι τοὺσ Αἰγυπτίουσ τήν τε τῆσ ἀμπέλου φυτείαν καὶ τὴν χρῆσιν καὶ τὴν παράθεσιν τοῦ τε οἴνου καὶ τῶν ἀκροδρύων καὶ τῶν ἄλλων καρπῶν.

πάντῃ δὲ διαδιδομένησ περὶ αὐτοῦ φήμησ ἀγαθῆσ μηδένα καθάπερ πρὸσ πολέμιον ἀντιτάττεσθαι, πάντασ δὲ προθύμωσ ὑπακούοντασ ἐπαίνοισ καὶ θυσίαισ ὡσ θεὸν τιμᾶν. τῷ δ’ αὐτῷ τρόπῳ φασὶν ἐπελθεῖν τὴν οἰκουμένην, ἐξημεροῦντα μὲν τὴν χώραν ταῖσ φυτείαισ, εὐεργετοῦντα δὲ τοὺσ λαοὺσ μεγάλαισ τιμαῖσ καὶ χάρισι πρὸσ τὸν αἰῶνα.

διὸ καὶ πάντασ τοὺσ ἀνθρώπουσ ἐν ταῖσ πρὸσ τοὺσ ἄλλουσ θεοὺσ τιμαῖσ οὐχ ὁμοίαν ἔχοντασ προαίρεσιν ἀλλήλοισ σχεδὸν ἐπὶ μόνου τοῦ Διονύσου συμφωνουμένην ἀποδεικνύειν μαρτυρίαν τῆσ ἀθανασίασ· οὐδένα γὰρ οὔθ’ Ἑλλήνων οὔτε βαρβάρων ἄμοιρον εἶναι τῆσ τούτου δωρεᾶσ καὶ χάριτοσ, ἀλλὰ καὶ τοὺσ ἀπηγριωμένην ἔχοντασ χώραν ἢ πρὸσ φυτείαν ἀμπέλου παντελῶσ ἀπηλλοτριωμένην μαθεῖν τὸ κατασκευαζόμενον ἐκ τῶν κριθῶν πόμα βραχὺ λειπόμενον τῆσ περὶ τὸν οἶνον εὐωδίασ. τὸν δ’ οὖν Διόνυσόν φασι τὴν κατάβασιν ἐκ τῆσ Ἰνδικῆσ ἐπὶ τὴν θάλατταν ποιησάμενον καταλαβεῖν ἅπαντασ τοὺσ Τιτᾶνασ ἠθροικότασ δυνάμεισ καὶ διαβεβηκότασ εἰσ Κρήτην ἐπ’ Ἄμμωνα.

προσβεβοηθηκότοσ δὲ καὶ τοῦ Διὸσ ἐκ τῆσ Αἰγύπτου τοῖσ περὶ τὸν Ἄμμωνα, καὶ πολέμου μεγάλου συνεστῶτοσ ἐν τῇ νήσῳ, ταχέωσ καὶ τοὺσ περὶ τὸν Διόνυσον καὶ τὴν Ἀθηνᾶν καί τινασ τῶν ἄλλων θεῶν νομισθέντων συνδραμεῖν εἰσ Κρήτην. γενομένησ δὲ παρατάξεωσ μεγάλησ ἐπικρατῆσαι τοὺσ περὶ τὸν Διόνυσον καὶ πάντασ ἀνελεῖν τοὺσ Τιτᾶνασ.

μετὰ δὲ ταῦτα Ἄμμωνοσ καὶ Διονύσου μεταστάντων ἐκ τῆσ ἀνθρωπίνησ φύσεωσ εἰσ τὴν ἀθανασίαν, τὸν Δία φασὶ βασιλεῦσαι τοῦ σύμπαντοσ κόσμου, κεκολασμένων τῶν Τιτάνων, καὶ μηδενὸσ ὄντοσ τοῦ τολμήσοντοσ δἰ ἀσέβειαν ἀμφισβητῆσαι τῆσ ἀρχῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 73

(디오도로스 시켈로스, Bibliotheca Historica, book 3, chapter 73)

상위

목록

SEARCH

MENU NAVIGATION