헬라어 문장 검색 - Διοδορ́Βιβλιοτ́3́73́

(디오도로스 시켈로스, Bibliotheca Historica, book 3, chapter 72)

τοῦ δ’ οὖν Διονύσου μέλλοντοσ στρατεύειν ἐπὶ τὸν Κρόνον καὶ τῆσ δυνάμεωσ ἐκ τῆσ Νύσησ ἐξιούσησ, μυθολογοῦσιν Ἀρισταῖον τὸν ἐπιστάτην αὐτοῦ θυσίαν τε παραστῆσαι καὶ πρῶτον ἀνθρώπων ὡσ θεῷ θῦσαι. συστρατεῦσαι δέ φασι καὶ τῶν Νυσαίων τοὺσ εὐγενεστάτουσ, οὓσ ὀνομάζεσθαι Σειληνούσ. πρῶτον γὰρ τῶν ἁπάντων βασιλεῦσαί φασι Σειληνόν, οὗ τὸ γένοσ ὅθεν ἦν ὑπὸ πάντων ἀγνοεῖσθαι διὰ τὴν ἀρχαιότητα.

ἔχοντοσ δ’ αὐτοῦ κατὰ τὴν ὀσφῦν οὐράν, διατελέσαι καὶ τοὺσ ἐκγόνουσ τὸ παράσημον τοῦτο φοροῦντασ διὰ τὴν τῆσ φύσεωσ κοινωνίαν. τὸν δ’ οὖν Διόνυσον ἀναζεύξαντα μετὰ τῆσ δυνάμεωσ, καὶ διελθόντα πολλὴν μὲν ἄνυδρον χώραν, οὐκ ὀλίγην δ’ ἔρημον καὶ θηριώδη, καταστρατοπεδεῦσαι περὶ πόλιν Λιβυκὴν τὴν ὀνομαζομένην Ζάβιρναν. πρὸσ δὲ ταύτῃ γηγενὲσ ὑπάρχον θηρίον καὶ πολλοὺσ ἀναλίσκον τῶν ἐγχωρίων, τὴν ὀνομαζομένην Κάμπην, ἀνελεῖν καὶ μεγάλησ τυχεῖν δόξησ ἐπ’ ἀνδρείᾳ παρὰ τοῖσ ἐγχωρίοισ.

ποιῆσαι δ’ αὐτὸν καὶ χῶμα παμμέγεθεσ ἐπὶ τῷ φονευθέντι θηρίῳ, βουλόμενον ἀθάνατον ἀπολιπεῖν ὑπόμνημα τῆσ ἰδίασ ἀρετῆσ, τὸ καὶ διαμεῖναν μέχρι τῶν νεωτέρων χρόνων. ἔπειτα τὸν μὲν Διόνυσον προάγειν πρὸσ τοὺσ Τιτᾶνασ, εὐτάκτωσ ποιούμενον τὰσ ὁδοιπορίασ καὶ πᾶσι τοῖσ ἐγχωρίοισ φιλανθρώπωσ προσφερόμενον καὶ τὸ σύνολον ἑαυτὸν ἀποφαινόμενον στρατεύειν ἐπὶ κολάσει μὲν τῶν ἀσεβῶν, εὐεργεσίᾳ δὲ τοῦ κοινοῦ γένουσ τῶν ἀνθρώπων.

τοὺσ δὲ Λίβυασ θαυμάζοντασ τὴν εὐταξίαν καὶ τὸ τῆσ ψυχῆσ μεγαλοπρεπέσ, τροφάσ τε παρέχεσθαι τοῖσ ἀνθρώποισ δαψιλεῖσ καὶ συστρατεύειν προθυμότατα. συνεγγιζούσησ δὲ τῆσ δυνάμεωσ τῇ πόλει τῶν Ἀμμωνίων, τὸν Κρόνον πρὸ τοῦ τείχουσ παρατάξει λειφθέντα τὴν μὲν πόλιν νυκτὸσ ἐμπρῆσαι, σπεύδοντα εἰσ τέλοσ καταφθεῖραι τοῦ Διονύσου τὰ πατρῷα βασίλεια, αὐτὸν δ’ ἀναλαβόντα τὴν γυναῖκα Ῥέαν καί τινασ τῶν συνηγωνισμένων φίλων λαθεῖν ἐκ τῆσ πόλεωσ διαδράντα.

οὐ μὴν τόν γε Διόνυσον ὁμοίαν ἔχειν τούτῳ προαίρεσιν· λαβόντα γὰρ τόν τε Κρόνον καὶ τὴν Ῥέαν αἰχμαλώτουσ οὐ μόνον ἀφεῖναι τῶν ἐγκλημάτων διὰ τὴν συγγένειαν, ἀλλὰ καὶ παρακαλέσαι τὸν λοιπὸν χρόνον γονέων ἔχειν πρὸσ αὐτὸν εὔνοιάν τε καὶ τάξιν καὶ συζῆν τιμωμένουσ ὑπ’ αὐτοῦ μάλιστα πάντων. τὴν μὲν οὖν Ῥέαν διατελέσαι πάντα τὸν βίον ὡσ υἱὸν ἀγαπῶσαν, τὸν δὲ Κρόνον ὕπουλον ἔχειν τὴν εὔνοιαν.

γενέσθαι δ’ αὐτοῖσ περὶ τούτουσ τοὺσ χρόνουσ υἱόν, ὃν προσαγορευθῆναι Δία, τιμηθῆναι δὲ μεγάλωσ ὑπὸ τοῦ Διονύσου, καὶ δι’ ἀρετὴν ἐν τοῖσ ὕστερον χρόνοισ γενέσθαι πάντων βασιλέα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 72

(디오도로스 시켈로스, Bibliotheca Historica, book 3, chapter 72)

상위

목록

SEARCH

MENU NAVIGATION