헬라어 문장 검색 - Διοδορ́Βιβλιοτ́3́71́

(디오도로스 시켈로스, Bibliotheca Historica, book 3, chapter 70)

εἰσ τοῦτο οὖν τὸ ἄντρον τὸν Ἄμμωνα παραγενόμενον παραθέσθαι τὸν παῖδα καὶ παραδοῦναι τρέφειν Νύσῃ, μιᾷ τῶν Ἀρισταίου θυγατέρων· ἐπιστάτην δ’ αὐτοῦ τάξαι τὸν Ἀρισταῖον, ἄνδρα συνέσει καὶ σωφροσύνῃ καὶ πάσῃ παιδείᾳ διαφέροντα. πρὸσ δὲ τὰσ ἀπὸ τῆσ μητρυιᾶσ Ῥέασ ἐπιβουλὰσ φύλακα τοῦ παιδὸσ καταστῆσαι τὴν Ἀθηνᾶν, μικρὸν πρὸ τούτων τῶν χρόνων γηγενῆ φανεῖσαν ἐπὶ τοῦ Τρίτωνοσ ποταμοῦ, δι’ ὃν Τριτωνίδα προσηγορεῦσθαι.

μυθολογοῦσι δὲ τὴν θεὸν ταύτην ἑλομένην τὸν πάντα χρόνον τὴν παρθενίαν σωφροσύνῃ τε διενεγκεῖν καὶ τὰσ πλείστασ τῶν τεχνῶν ἐξευρεῖν, ἀγχίνουν οὖσαν καθ’ ὑπερβολήν·

ζηλῶσαι δὲ καὶ τὰ κατὰ τὸν πόλεμον, ἀλκῇ δὲ καὶ ῥώμῃ διαφέρουσαν ἄλλα τε πολλὰ πρᾶξαι μνήμησ ἄξια καὶ τὴν Αἰγίδα προσαγορευομένην ἀνελεῖν, θηρίον τι καταπληκτικὸν καὶ παντελῶσ δυσκαταγώνιστον· γηγενὲσ γὰρ ὑπάρχον καὶ φυσικῶσ ἐκ τοῦ στόματοσ ἄπλατον ἐκβάλλον φλόγα τὸ μὲν πρῶτον φανῆναι περὶ τὴν Φρυγίαν, καὶ κατακαῦσαι τὴν χώραν, ἣν μέχρι τοῦ νῦν κατακεκαυμένην Φρυγίαν ὀνομάζεσθαι·

ἔπειτ’ ἐπελθεῖν τὰ περὶ τὸν Ταῦρον ὄρη συνεχῶσ, καὶ κατακαῦσαι τοὺσ ἑξῆσ δρυμοὺσ μέχρι τῆσ Ἰνδικῆσ. μετὰ δὲ ταῦτα πάλιν ἐπὶ θάλατταν τὴν ἐπάνοδον ποιησάμενον περὶ μὲν τὴν Φοινίκην ἐμπρῆσαι τοὺσ κατὰ τὸν Λίβανον δρυμούσ, καὶ δι’ Αἰγύπτου πορευθὲν ἐπὶ τῆσ Λιβύησ διελθεῖν τοὺσ περὶ τὴν ἑσπέραν τόπουσ, καὶ τὸ τελευταῖον εἰσ τοὺσ περὶ τὰ Κεραύνια δρυμοὺσ ἐγκατασκῆψαι. ἐπιφλεγομένησ δὲ τῆσ χώρασ πάντῃ, καὶ τῶν ἀνθρώπων τῶν μὲν ἀπολλυμένων, τῶν δὲ διὰ τὸν φόβον ἐκλειπόντων τὰσ πατρίδασ καὶ μακρὰν ἐκτοπιζομένων, τὴν Ἀθηνᾶν φασι τὰ μὲν συνέσει τὰ δ’ ἀλκῇ καὶ ῥώμῃ περιγενομένην ἀνελεῖν τὸ θηρίον, καὶ τὴν δορὰν αὐτοῦ περιαψαμένην φορεῖν τῷ στήθει, ἅμα μὲν σκέπησ ἕνεκα καὶ τῆσ φυλακῆσ τοῦ σώματοσ πρὸσ τοὺσ ὕστερον κινδύνουσ, ἅμα δ’ ἀρετῆσ ὑπόμνημα καὶ δικαίασ δόξησ.

τὴν δὲ μητέρα τοῦ θηρίου γῆν ὀργισθεῖσαν ἀνεῖναι τοὺσ ὀνομαζομένουσ γίγαντασ ἀντιπάλουσ τοῖσ θεοῖσ, οὓσ ὕστερον ὑπὸ Διὸσ ἀναιρεθῆναι, συναγωνιζομένησ Ἀθηνᾶσ καὶ Διονύσου μετὰ τῶν ἄλλων θεῶν.

οὐ μὴν ἀλλὰ τὸν Διόνυσον ἐν τῇ Νύσῃ τρεφόμενον καὶ μετέχοντα τῶν καλλίστων ἐπιτηδευμάτων μὴ μόνον γενέσθαι τῷ κάλλει καὶ τῇ ῥώμῃ διάφορον, ἀλλὰ καὶ φιλότεχνον καὶ πρὸσ πᾶν τὸ χρήσιμον εὑρετικόν.

ἐπινοῆσαι γὰρ αὐτὸν ἔτι παῖδα τὴν ἡλικίαν ὄντα τοῦ μὲν οἴνου τὴν φύσιν τε καὶ χρείαν, ἀποθλίψαντα βότρυσ τῆσ αὐτοφυοῦσ ἀμπέλου, τῶν δ’ ὡραίων τὰ δυνάμενα μὲν ξηραίνεσθαι καὶ πρὸσ ἀποθησαυρισμὸν ὄντα χρήσιμα, μετὰ δὲ ταῦτα καὶ τὰσ ἑκάστων κατὰ τρόπον φυτείασ εὑρεῖν, καὶ βουληθῆναι τῷ γένει τῶν ἀνθρώπων μεταδοῦναι τῶν ἰδίων εὑρημάτων, ἐλπίσαντα διὰ τὸ μέγεθοσ τῆσ εὐεργεσίασ ἀθανάτων τεύξεσθαι τιμῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 70

(디오도로스 시켈로스, Bibliotheca Historica, book 3, chapter 70)

상위

목록

SEARCH

MENU NAVIGATION