헬라어 문장 검색 - Διοδορ́Βιβλιοτ́3́63́

(디오도로스 시켈로스, Bibliotheca Historica, book 3, chapter 62)

ἡμεῖσ δ’ ἐπεὶ προειρήκαμεν ἐν τοῖσ Αἰγυπτιακοῖσ περὶ τῆσ τοῦ Διονύσου γενέσεωσ καὶ τῶν ὑπ’ αὐτοῦ πραχθέντων ἀκολούθωσ ταῖσ ἐγχωρίοισ ἱστορίαισ, οἰκεῖον εἶναι διαλαμβάνομεν προσθεῖναι τὰ μυθολογούμενα περὶ τοῦ θεοῦ τούτου παρὰ τοῖσ Ἕλλησι. τῶν δὲ παλαιῶν μυθογράφων καὶ ποιητῶν περὶ Διονύσου γεγραφότων ἀλλήλοισ ἀσύμφωνα καὶ πολλοὺσ καὶ τερατώδεισ λόγουσ καταβεβλημένων, δυσχερέσ ἐστιν ὑπὲρ τῆσ γενέσεωσ τοῦ θεοῦ τούτου καὶ τῶν πράξεων καθαρῶσ εἰπεῖν.

οἱ μὲν γὰρ ἕνα Διόνυσον, οἱ δὲ τρεῖσ γεγονέναι παραδεδώκασιν, εἰσὶ δ’ οἱ γένεσιν μὲν τούτου ἀνθρωπόμορφον μὴ γεγονέναι τὸ παράπαν ἀποφαινόμενοι, τὴν δὲ τοῦ οἴνου δόσιν Διόνυσον εἶναι νομίζοντεσ. διόπερ ἡμεῖσ τῶν παρ’ ἑκάστοισ λεγομένων τὰ κεφάλαια πειρασόμεθα συντόμωσ ἐπιδραμεῖν.

οἱ τοίνυν φυσιολογοῦντεσ περὶ τοῦ θεοῦ τούτου καὶ τὸν ἀπὸ τῆσ ἀμπέλου καρπὸν Διόνυσον ὀνομάζοντέσ φασι τὴν γῆν αὐτομάτωσ μετὰ τῶν ἄλλων φυτῶν ἐνεγκεῖν τὴν ἄμπελον, ἀλλ’ οὐκ ἐξ ἀρχῆσ ὑπό τινοσ εὑρετοῦ φυτευθῆναι. τεκμήριον δ’ εἶναι τούτου τὸ μέχρι τοῦ νῦν ἐν πολλοῖσ τόποισ ἀγρίασ ἀμπέλουσ φύεσθαι, καὶ καρποφορεῖν αὐτὰσ παραπλησίωσ ταῖσ ὑπὸ τῆσ ἀνθρωπίνησ ἐμπειρίασ χειρουργουμέναισ.

διμήτορα δὲ τὸν Διόνυσον ὑπὸ τῶν παλαιῶν ὠνομάσθαι, μιᾶσ μὲν καὶ πρώτησ γενέσεωσ ἀριθμουμένησ ὅταν τὸ φυτὸν εἰσ τὴν γῆν τεθὲν λαμβάνῃ τὴν αὔξησιν, δευτέρασ δ’ ὅταν βρίθῃ καὶ τοὺσ βότρυσ πεπαίνῃ, ὥστε τὴν μὲν ἐκ γῆσ, τὴν δ’ ἐκ τῆσ ἀμπέλου γένεσιν τοῦ θεοῦ νομίζεσθαι.

παραδεδωκότων δὲ τῶν μυθογράφων καὶ τρίτην γένεσιν, καθ’ ἥν φασι τὸν θεὸν ἐκ Διὸσ καὶ Δήμητροσ τεκνωθέντα διασπασθῆναι μὲν ὑπὸ τῶν γηγενῶν καὶ καθεψηθῆναι, πάλιν δ’ ὑπὸ τῆσ Δήμητροσ τῶν μελῶν συναρμοσθέντων ἐξ ἀρχῆσ νέον γεννηθῆναι, εἰσ φυσικάσ τινασ αἰτίασ μετάγουσι τοὺσ τοιούτουσ λόγουσ.

Διὸσ μὲν γὰρ καὶ Δήμητροσ αὐτὸν λέγεσθαι διὰ τὸ τὴν ἄμπελον ἔκ τε γῆσ καὶ ὄμβρων λαμβάνουσαν τὴν αὔξησιν καρποφορεῖν τὸν ἐκ τοῦ βότρυοσ ἀποθλιβόμενον οἶνον·

τὸ δ’ ὑπὸ τῶν γηγενῶν νέον ὄντα διασπασθῆναι δηλοῦν τὴν ὑπὸ τῶν γεωργῶν συγκομιδὴν τῶν καρπῶν, τὴν δὲ καθέψησιν τῶν μελῶν μεμυθοποιῆσθαι διὰ τὸ τοὺσ πλείστουσ ἕψειν τὸν οἶνον καὶ μίσγοντασ εὐωδεστέραν αὐτοῦ καὶ βελτίονα τὴν φύσιν κατασκευάζειν· τὸ δὲ τὰ ὑπὸ τῶν γηγενῶν λυμανθέντα τῶν μελῶν ἁρμοσθέντα πάλιν ἐπὶ τὴν προγεγενημένην φύσιν ἀποκαθίστασθαι παρεμφαίνειν ὅτι πάλιν ἡ γῆ τὴν τρυγηθεῖσαν ἄμπελον καὶ τμηθεῖσαν ταῖσ κατ’ ἔτοσ ὡρ́αισ εἰσ τὴν προϋπάρξασαν ἐν τῷ καρποφορεῖν ἀκμὴν ἀποκαθίστησι. καθόλου γὰρ ὑπὸ τῶν ἀρχαίων ποιητῶν καὶ μυθογράφων τὴν Δήμητραν γῆν μητέρα προσαγορεύεσθαι. σύμφωνα δὲ τούτοισ εἶναι τά τε δηλούμενα διὰ τῶν Ὀρφικῶν ποιημάτων καὶ τὰ παρεισαγόμενα κατὰ τὰσ τελετάσ, περὶ ὧν οὐ θέμισ τοῖσ ἀμυήτοισ ἱστορεῖν τὰ κατὰ μέροσ.

ὁμοίωσ δὲ καὶ τὴν ἐκ Σεμέλησ γένεσιν εἰσ φυσικὰσ ἀρχὰσ ἀνάγουσιν, ἀποφαινόμενοι Θυώνην ὑπὸ τῶν ἀρχαίων τὴν γῆν ὠνομάσθαι, καὶ τεθεῖσθαι τὴν προσηγορίαν Σεμέλην μὲν ἀπὸ τοῦ σεμνὴν εἶναι τῆσ θεοῦ ταύτησ τὴν ἐπιμέλειαν καὶ τιμήν, Θυώνην δ’ ἀπὸ τῶν θυομένων αὐτῇ θυσιῶν καὶ θυηλῶν.

δὶσ δ’ αὐτοῦ τὴν γένεσιν ἐκ Διὸσ παραδεδόσθαι διὰ τὸ δοκεῖν μετὰ τῶν ἄλλων ἐν τῷ κατὰ τὸν Δευκαλίωνα κατακλυσμῷ φθαρῆναι καὶ τούτουσ τοὺσ καρπούσ, καὶ μετὰ τὴν ἐπομβρίαν πάλιν ἀναφύντων ὡσπερεὶ δευτέραν ἐπιφάνειαν ταύτην ὑπάρξαι τοῦ θεοῦ παρ’ ἀνθρώποισ, καθ’ ἣν ἐκ τοῦ Διὸσ μηροῦ γενέσθαι πάλιν τὸν θεὸν μεμυθοποιῆσθαι.

οἱ μὲν οὖν τὴν χρείαν καὶ δύναμιν τοῦ κατὰ τὸν οἶνον εὑρήματοσ ἀποφαινόμενοι Διόνυσον ὑπάρχειν τοιαῦτα περὶ αὐτοῦ μυθολογοῦσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 62

(디오도로스 시켈로스, Bibliotheca Historica, book 3, chapter 62)

상위

목록

SEARCH

MENU NAVIGATION