헬라어 문장 검색 - Διοδορ́Βιβλιοτ́3́48́

(디오도로스 시켈로스, Bibliotheca Historica, book 3, chapter 47)

οὐ μὴν ὀλόκληρον καὶ χωρὶσ φθόνου τὴν εὐδαιμονίαν τοῖσ ἀνθρώποισ ἡ τύχη περιέθηκεν, ἀλλὰ τοῖσ τηλικούτοισ δωρήμασι παρέζευξε τὸ βλάπτον καὶ νουθετῆσον τοὺσ διὰ τὴν συνέχειαν τῶν ἀγαθῶν εἰωθότασ καταφρονεῖν τῶν θεῶν. κατὰ γὰρ τοὺσ εὐωδεστάτουσ δρυμοὺσ ὄφεων ὑπάρχει πλῆθοσ, οἳ τὸ μὲν χρῶμα φοινικοῦν ἔχουσι, μῆκοσ δὲ σπιθαμῆσ, δήγματα δὲ ποιοῦνται παντελῶσ ἀνίατα·

δάκνουσι δὲ προσπηδῶντεσ καὶ ἁλλόμενοι πρὸσ ὕψοσ αἱμάττουσι τὸν χρῶτα. ἴδιον δέ τι παρὰ τοῖσ ἐγχωρίοισ συμβαίνει περὶ τοὺσ ἠσθενηκότασ ὑπὸ μακρᾶσ νόσου τὰ σώματα.

διαπνεομένου γὰρ τοῦ σώματοσ ὑπ’ ἀκράτου καὶ τμητικῆσ φύσεωσ, καὶ τῆσ συγκρίσεωσ τῶν ὄγκων εἰσ ἀραίωμα συναγομένησ, ἔκλυσισ ἐπακολουθεῖ δυσβοήθητοσ· διόπερ τοῖσ τοιούτοισ ἄσφαλτον παραθυμιῶσι καὶ τράγου πώγωνα, ταῖσ ἐναντίαισ φύσεσι καταμαχόμενοι τὴν ὑπερβολὴν τῆσ εὐωδίασ. τὸ γὰρ καλὸν ποσότητι μὲν καὶ τάξει μετρούμενον ὠφελεῖ καὶ τέρπει τοὺσ ἀνθρώπουσ, ἀναλογίασ δὲ καὶ καθήκοντοσ καιροῦ διαμαρτὸν ἀνόνητον ἔχει τὴν δωρεάν. τοῦ δ’ ἔθνουσ τούτου μητρόπολίσ ἐστιν ἣν καλοῦσι Σαβάσ, ἐπ’ ὄρουσ ᾠκισμένη.

βασιλέασ δ’ ἐκ γένουσ ἔχει τοὺσ διαδεχομένουσ, οἷσ τὰ πλήθη τιμὰσ ἀπονέμει μεμιγμένασ ἀγαθοῖσ καὶ κακοῖσ. μακάριον μὲν γὰρ βίον ἔχειν δοκοῦσιν, ὅτι πᾶσιν ἐπιτάττοντεσ οὐδένα λόγον ὑπέχουσι τῶν πραττομένων· ἀτυχεῖσ δὲ νομίζονται καθ’ ὅσον οὐκ ἔξεστιν αὐτοῖσ οὐδέποτε ἐξελθεῖν ἐκ τῶν βασιλείων, εἰ δὲ μή, γίνονται λιθόλευστοι ὑπὸ τῶν ὄχλων κατά τινα χρησμὸν ἀρχαῖον. τοῦτο δὲ τὸ ἔθνοσ οὐ μόνον τῶν πλησιοχώρων Ἀράβων, ἀλλὰ καὶ τῶν ἄλλων ἀνθρώπων διαφέρει πλούτῳ καὶ ταῖσ ἄλλαισ ταῖσ κατὰ μέροσ πολυτελείαισ.

ἐν γὰρ ταῖσ τῶν φορτίων ἀλλαγαῖσ καὶ πράσεσιν ὄγκοισ ἐλαχίστοισ πλείστην ἀποφέρονται τιμὴν ἁπάντων ἀνθρώπων τῶν ἀργυρικῆσ ἀμείψεωσ ἕνεκα τὰσ ἐμπορίασ ποιουμένων. διόπερ ἐξ αἰῶνοσ ἀπορθήτων αὐτῶν γεγενημένων διὰ τὸν ἐκτοπισμόν, καὶ χρυσοῦ τε καὶ ἀργύρου πλήθουσ ἐπικεκλυκότοσ παρ’ αὐτοῖσ, καὶ μάλιστ’ ἐν Σαβαῖσ, ἐν ᾗ τὰ βασίλεια κεῖται, τορεύματα μὲν ἀργυρᾶ τε καὶ χρυσᾶ παντοδαπῶν ἐκπωμάτων ἔχουσι, κλίνασ δὲ καὶ τρίποδασ ἀργυρόποδασ, καὶ τὴν ἄλλην κατασκευὴν ἄπιστον τῇ πολυτελείᾳ, κιόνων τε ἁδρῶν περίστυλα, τὰ μὲν ἐπίχρυσα, τὰ δ’ ἀργυροειδεῖσ τύπουσ ἐπὶ τῶν κιονοκράνων ἔχοντα.

τὰσ δ’ ὀροφὰσ καὶ θύρασ χρυσαῖσ φιάλαισ λιθοκολλήτοισ καὶ πυκναῖσ διειληφότεσ ἅπασαν τὴν τῶν οἰκιῶν κατὰ μέροσ οἰκοδομίαν πεποίηνται θαυμαστὴν ταῖσ πολυτελείαισ·

τὰ μὲν γὰρ ἐξ ἀργύρου καὶ χρυσοῦ, τὰ δ’ ἐξ ἐλέφαντοσ καὶ τῶν διαπρεπεστάτων λίθων, ἔτι δὲ τῶν ἄλλων τῶν τιμιωτάτων παρ’ ἀνθρώποισ, κατεσκευάκασιν. ἀλλὰ γὰρ οὗτοι μὲν ἐκ πολλῶν χρόνων τὴν εὐδαιμονίαν ἀσάλευτον ἔσχον διὰ τὸ παντελῶσ ἀπεξενῶσθαι τῶν διὰ τὴν ἰδίαν πλεονεξίαν ἑρ́μαιον ἡγουμένων τὸν ἀλλότριον πλοῦτον.

ἡ δὲ κατὰ τούτουσ θάλαττα λευκὴ φαίνεται τὴν χρόαν, ὥσθ’ ἅμα θαυμάζειν τὸ παράδοξον καὶ τὴν αἰτίαν τοῦ συμβαίνοντοσ ἐπιζητεῖν. νῆσοι δ’ εὐδαίμονεσ πλησίον ὑπάρχουσιν, ἔχουσαι πόλεισ ἀτειχίστουσ, ἐν αἷσ τὰ βοσκήματα πάντα λευκὴν ἔχει τὴν χρόαν, καὶ τοῖσ θήλεσιν αὐτῶν οὐκ ἐπιφύεται τὸ καθόλου κέρασ.

εἰσ ταύτασ δ’ ἔμποροι πάντοθεν καταπλέουσι, μάλιστα δ’ ἐκ Ποτάνασ, ἣν Ἀλέξανδροσ ᾤκισε παρὰ τὸν Ἰνδὸν ποταμόν, ναύσταθμον ἔχειν βουλόμενοσ τῆσ παρὰ τὸν ὠκεανὸν παραλίου. περὶ μὲν οὖν τῆσ χώρασ καὶ τῶν ἐν αὐτῇ κατοικούντων ἀρκεσθησόμεθα τοῖσ εἰρημένοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 47

(디오도로스 시켈로스, Bibliotheca Historica, book 3, chapter 47)

상위

목록

SEARCH

MENU NAVIGATION