헬라어 문장 검색 - Διοδορ́Βιβλιοτ́3́41́

(디오도로스 시켈로스, Bibliotheca Historica, book 3, chapter 40)

παραπλεύσαντι δὲ τούτουσ τοὺσ τόπουσ πολλὰ μὲν Ἰχθυοφάγων ἔθνη κατοικεῖ τὴν παράλιον, πολλοὶ δὲ νομάδεσ Τρωγλοδύται. πρὸσ δὲ τούτοισ ὄρη παντοῖα ταῖσ ἰδιότησιν ὑπάρχει μέχρι λιμένοσ τοῦ προσαγορευθέντοσ σωτηρίασ, ὃσ ἔτυχε τῆσ ὀνομασίασ ταύτησ ἀπὸ τῶν πρώτων πλευσάντων Ἑλλήνων καὶ διασωθέντων. ἀπὸ δὲ τούτων τῶν μερῶν ἄρχεται συναγωγὴν λαμβάνειν ὁ κόλποσ καὶ τὴν ἐπιστροφὴν ἐπὶ τὰ κατὰ τὴν Ἀραβίαν μέρη ποιεῖσθαι.

καὶ τὴν φύσιν δὲ τῆσ χώρασ καὶ θαλάττησ ἀλλοίαν εἶναι συμβέβηκε διὰ τὴν ἰδιότητα τῶν τόπων· ἥ τε γὰρ ἤπειροσ ταπεινὴ καθορᾶται, μηδαμόθεν ἀναστήματοσ ὑπερκειμένου, ἥ τε θάλαττα τεναγώδησ οὖσα τὸ βάθοσ οὐ πλέον εὑρίσκεται τριῶν ὀργυιῶν, καὶ τῇ χρόᾳ παντελῶσ ὑπάρχει χλωρά.

τοῦτο δ’ αὐτῇ φασι συμβαίνειν οὐ διὰ τὸ τὴν τῶν ὑγρῶν φύσιν εἶναι τοιαύτην, ἀλλὰ διὰ τὸ πλῆθοσ τοῦ διαφαινομένου καθ’ ὕδατοσ μνίου καὶ φύκουσ. ταῖσ μὲν οὖν ἐπικώποισ τῶν νεῶν εὔθετόσ ἐστιν ὁ τόποσ, κλύδωνα μὲν οὐκ ἐκ πολλοῦ κυλίων διαστήματοσ, θήραν δ’ ἰχθύων ἄπλατον παρεχόμενοσ·

αἱ δὲ τοὺσ ἐλέφαντασ διάγουσαι, διὰ τὰ βάρη βαθύπλοι καθεστῶσαι καὶ ταῖσ κατασκευαῖσ ἐμβριθεῖσ, μεγάλουσ καὶ δεινοὺσ ἐπιφέρουσι κινδύνουσ τοῖσ ἐν αὐταῖσ πλέουσι. διάρσει γὰρ ἱστίων θέουσαι καὶ διὰ τὴν τῶν πνευμάτων βίαν πολλάκισ νυκτὸσ ὠθούμεναι, ὁτὲ μὲν πέτραισ προσπεσοῦσαι ναυαγοῦσι, ποτὲ δ’ εἰσ τεναγώδεισ ἰσθμοὺσ ἐμπίπτουσιν·

οἱ δὲ ναῦται παρακαταβῆναι μὲν ἀδυνατοῦσι διὰ τὸ πλέον εἶναι τὸ βάθοσ ἀνδρομήκουσ, διὰ δὲ τῶν κοντῶν τῷ σκάφει βοηθοῦντεσ ὅταν μηδὲν ἀνύωσιν, ἐκβάλλουσιν ἅπαντα πλὴν τῆσ τροφῆσ· οὐδ’ οὕτω δὲ τῆσ ἀποστροφῆσ τυγχάνοντεσ εἰσ μεγάλην ἀπορίαν ἐμπίπτουσι διὰ τὸ μήτε νῆσον μήτ’ ἄκραν ἠπείρου μήτε ναῦν ἑτέραν πλησίον ὑπάρχουσαν ὁρᾶσθαι· ἄξενοι γὰρ παντελῶσ οἱ τόποι καὶ σπανίουσ ἔχοντεσ τοὺσ ναυσὶ διακομιζομένουσ. χωρὶσ δὲ τούτων τῶν κακῶν ὁ κλύδων ἐν ἀκαρεῖ χρόνῳ τῷ κύτει τῆσ νεὼσ τοσοῦτο πλῆθοσ ἅμμου προσβάλλει καὶ συσσωρεύει παραδόξωσ ὥστε τὸν κύκλῳ τόπον περιχώννυσθαι καὶ τὸ σκάφοσ ὥσπερ ἐπίτηδεσ ἐνδεσμεύεσθαι τῇ χέρσῳ.

οἱ δὲ τούτῳ τῷ συμπτώματι περιπεσόντεσ τὸ μὲν πρῶτον μετρίωσ ὀδύρονται πρὸσ κωφὴν ἐρημίαν, οὐ παντελῶσ ἀπεγνωκότεσ τὴν σωτηρίαν·

πολλάκισ γὰρ τοῖσ τοιούτοισ ἐπιφανεὶσ ὁ τῆσ πλημυρίδοσ κλύδων ἐξῆρεν εἰσ ὕψοσ, καὶ τοὺσ ἐσχάτωσ κινδυνεύοντασ ὡσπερεὶ θεὸσ ἐπιφανεὶσ διεφύλαξεν· ὅταν δὲ ἀπὸ μὲν τῶν θεῶν ἡ προειρημένη μὴ παρακολουθήσῃ βοήθεια, τὰ δὲ τῆσ τροφῆσ λίπῃ, τοὺσ μὲν ἀσθενεστέρουσ οἱ κατισχύοντεσ ἐκβάλλουσιν εἰσ θάλατταν, ὅπωσ τοῖσ ὀλίγοισ τὰ λειπόμενα τῶν ἀναγκαίων πλείονασ ἡμέρασ ἀντέχῃ, πέρασ δὲ πάσασ τὰσ ἐλπίδασ ἐξαλείψαντεσ ἀπόλλυνται πολὺ χεῖρον τῶν προαποθανόντων· οἱ μὲν γὰρ ἐν ἀκαρεῖ χρόνῳ τὸ πνεῦμα τῇ δούσῃ φύσει πάλιν ἀπέδωκαν, οἱ δ’ εἰσ πολλὰσ ταλαιπωρίασ καταμερίσαντεσ τὸν θάνατον πολυχρονίουσ τὰσ συμφορὰσ ἔχοντεσ τῆσ τοῦ βίου καταστροφῆσ τυγχάνουσι. τὰ δὲ σκάφη ταῦτα τῶν ἐπιβατῶν οἰκτρῶσ στερηθέντα, καθάπερ τινὰ κενοτάφια, διαμένει πολὺν χρόνον πανταχόθεν περιχωννύμενα, τοὺσ δ’ ἱστοὺσ καὶ τὰσ κεραίασ μετεώρουσ ἔχοντα πόρρωθεν τοὺσ ὁρῶντασ εἰσ οἶκτον καὶ συμπάθειαν ἄγει τῶν ἀπολωλότων πρόσταγμα γάρ ἐστι βασιλέωσ ἐᾶν τὰ τοιαῦτα συμπτώματα τοῖσ πλέουσι διασημαίνειν τοὺσ τὸν ὄλεθρον περιποιοῦντασ τόπουσ.

παρὰ δὲ τοῖσ πλησίον κατοικοῦσιν Ἰχθυοφάγοισ παραδέδοται λόγοσ, ἐκ προγόνων ἔχων φυλαττομένην τὴν φήμην, ὅτι μεγάλησ τινὸσ γενομένησ ἀμπώτεωσ ἐγεώθη τοῦ κόλπου πᾶσ ὁ τόποσ ὁ τὴν χλωρὰν ἔχων τοῦ τύπου πρόσοψιν, μεταπεσούσησ τῆσ θαλάττησ εἰσ τἀναντία μέρη, καὶ φανείσησ τῆσ ἐπὶ τῷ βυθῷ χέρσου πάλιν ἐπελθοῦσαν ἐξαίσιον πλήμην ἀποκαταστῆσαι τὸν πόρον εἰσ τὴν προϋπάρχουσαν τάξιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 40

(디오도로스 시켈로스, Bibliotheca Historica, book 3, chapter 40)

상위

목록

SEARCH

MENU NAVIGATION