헬라어 문장 검색 - Διοδορ́Βιβλιοτ́3́38́

(디오도로스 시켈로스, Bibliotheca Historica, book 3, chapter 37)

οὐ μὴν ἀπέγνωσαν τὴν θήραν, ὑπερβαλλούσησ τῆσ ἀπὸ τοῦ βασιλέωσ χάριτοσ καὶ δωρεᾶσ τοὺσ ἀπὸ τῆσ πείρασ ἐγνωσμένουσ κινδύνουσ, φιλοτεχνίᾳ δὲ καὶ δόλῳ τὸ τῇ βίᾳ δυσκαταγώνιστον ἐχειρώσαντο, τοιάνδε τινὰ μηχανὴν πορισάμενοι. κατεσκεύασαν ἀπὸ σχοίνου πυκνῆσ περιφερὲσ πλόκανον, τῷ μὲν τύπῳ τοῖσ κύρτοισ ἐμφερέσ, τῷ δὲ μεγέθει καὶ τῇ διαλήψει τῆσ χώρασ δυνάμενον δέξασθαι τὸν ὄγκον τοῦ θηρίου. κατοπτεύσαντεσ οὖν τὸν φωλεὸν αὐτοῦ καὶ τὴν ὡρ́αν τῆσ τε ἐπὶ τὴν νομὴν ἐξόδου καὶ πάλιν τῆσ ἐπανόδου, ὡσ τάχισθ’ ὡρ́μησεν ἐπὶ τὴν ἄγραν τὴν συνήθη τῶν ἑτερογενῶν ζῴων, τὸ μὲν προϋπάρχον τοῦ φωλεοῦ στόμα λίθοισ εὐμεγέθεσι καὶ γῇ συνῳκοδόμησαν, τὸν δὲ πλησίον τῆσ λόχμησ τόπον ὑπόνομον ποιήσαντεσ καὶ τὸ πλόκανον εἰσ αὐτὸν ἐνθέντεσ ἐναντίον ἐποίησαν τὸ στόμιον, ὥστε ἐξ ἑτοίμου τῷ θηρίῳ τὴν εἴσοδον ὑπάρχειν.

κατὰ δὲ τὴν ἐπάνοδον τοῦ ζῴου παρεσκευασμένοι τοξότασ καὶ σφενδονήτασ, ἔτι δὲ ἱππεῖσ πολλούσ, πρὸσ δὲ τούτοισ σαλπικτὰσ καὶ τὴν ἄλλην ἅπασαν χορηγίαν, ἅμα τῷ προσπελάζειν τὸ μὲν θηρίον μετεωρότερον τῶν ἱππέων ἐξῆρε τὸν αὐχένα, οἱ δ’ ἐπὶ τὴν θήραν ἠθροισμένοι προσεγγίσαι μὲν οὐκ ἐτόλμων, νενουθετημένοι ταῖσ προγεγενημέναισ συμφοραῖσ, πόρρωθεν δὲ πολλαῖσ χερσὶν ἐφ’ ἕνα καὶ μέγαν σκοπὸν βάλλοντεσ ἐτύγχανον, καὶ τῇ τε τῶν ἱππέων ἐπιφανείᾳ καὶ πλήθει κυνῶν ἀλκίμων, ἔτι δὲ τῷ διὰ τῶν σαλπίγγων ἤχῳ, κατέπληττον τὸ ζῷον.

διόπερ ὑποχωροῦντοσ αὐτοῦ πρὸσ τὴν οἰκείαν λόχμην τοσοῦτον ἐπεδίωκον ὥστε μὴ παροξύνειν ἐπὶ πλέον. ὡσ δὲ τῆσ ἐνῳκοδομημένησ φάραγγοσ ἤγγισεν, ἀθρόωσ ψόφον μὲν πολὺν διὰ τῶν ὅπλων ἐποίησαν, ταραχὴν δὲ καὶ φόβον διὰ τῆσ τῶν ὄχλων ἐπιφανείασ καὶ σαλπίγγων.

τὸ δὲ θηρίον τὴν μὲν εἴσοδον οὐχ ηὑρ́ισκε, τὴν δὲ τῶν κυνηγῶν ὁρμὴν καταπληττόμενον κατέφυγεν εἰσ τὸ πλησίον κατεσκευασμένον στόμιον. πιμπλαμένου δὲ τοῦ πλοκάνου τῇ διαλύσει τῆσ σπείρασ, ἔφθασαν τῶν κυνηγῶν τινεσ προσιπτάμενοι, καὶ πρὸ τοῦ στραφῆναι τὸν ὄφιν ἐπὶ τὴν ἔξοδον κατελάβοντο δεσμοῖσ τὸ στόμιον πρόμηκεσ ὂν καὶ πεφιλοτεχνημένον πρὸσ ταύτην τὴν ὀξύτητα·

ἐξελκύσαντεσ δὲ τὸ πλόκανον καὶ φάλαγγασ ὑποθέντεσ μετέωρον ἐξῆραν. τὸ δὲ θηρίον ἀπειλημμένον ἐν ἀπεστενωμένῳ τόπῳ παρὰ φύσιν συριγμὸν ἐξαίσιον ἠφίει καὶ τοῖσ ὀδοῦσι τὴν περιέχουσαν σχοῖνον κατέσπα, πάντῃ δὲ διασειόμενον προσδοκίαν ἐποίησε τοῖσ φέρουσιν ὡσ ἐκπηδῆσον ἐκ τοῦ περιέχοντοσ αὐτὸ φιλοτεχνήματοσ.

διὸ καὶ καταπλαγέντεσ ἔθεσαν ἐπὶ τὴν γῆν τὸν ὄφιν, καὶ τοὺσ περὶ τὴν οὐρὰν τόπουσ κατακεντοῦντεσ ἀντιπεριέσπων τοῦ θηρίου τὸν ἀπὸ τῶν ὀδόντων σπαραγμὸν ἐπὶ τὴν αἴσθησιν τῶν ἀλγούντων μερῶν. ἀπενέγκαντεσ δ’ εἰσ τὴν Ἀλεξάνδρειαν ἐδωρήσαντο τῷ βασιλεῖ, παράδοξον θέαμα καὶ τοῖσ ἀκούσασιν ἀπιστούμενον.

τῇ δ’ ἐνδείᾳ τῆσ τροφῆσ καταπονήσαντεσ τὴν ἀλκὴν τοῦ θηρίου τιθασὸν ἐκ τοῦ κατ’ ὀλίγον ἐποίησαν, ὥστε θαυμαστὴν αὐτοῦ γενέσθαι τὴν ἐξημέρωσιν. ὁ δὲ Πτολεμαῖοσ τοῖσ μὲν κυνηγοῖσ τὰσ ἀξίασ ἀπένειμε δωρεάσ, τὸν δ’ ὄφιν ἔτρεφε τετιθασευμένον καὶ τοῖσ εἰσ τὴν βασιλείαν παραβάλλουσι ξένοισ μέγιστον παρεχόμενον καὶ παραδοξότατον θέαμα.

διόπερ τηλικούτου μεγέθουσ ὄφεωσ εἰσ ὄψιν κοινὴν κατηντηκότοσ οὐκ ἄξιον ἀπιστεῖν τοῖσ Αἰθίοψιν οὐδὲ μῦθον ὑπολαμβάνειν τὸ θρυλούμενον ὑπ’ αὐτῶν.

ἀποφαίνονται γὰρ ὁρᾶσθαι κατὰ τὴν χώραν αὐτῶν ὄφεισ τηλικούτουσ τὸ μέγεθοσ ὥστε μὴ μόνον βοῦσ τε καὶ ταύρουσ καὶ τῶν ἄλλων ζῴων τὰ τηλικαῦτα τοῖσ ὄγκοισ ἀναλίσκειν, ἀλλὰ καὶ τοῖσ ἐλέφασιν εἰσ ἀλκὴν συνίστασθαι, καὶ διὰ μὲν τῆσ σπείρασ ἐμπλεκομένουσ τοῖσ σκέλεσιν ἐμποδίζειν τὴν κατὰ φύσιν κίνησιν, τὸν δ’ αὐχένα μετεωρίσαντασ ὑπὲρ τὴν προβοσκίδα τὴν κεφαλὴν ἐναντίαν ποιεῖν τοῖσ τῶν ἐλεφάντων ὄμμασι, διὰ δὲ τοῦ πυρωποῦ τῶν ὀφθαλμῶν ἀστραπῇ παραπλησίασ τὰσ λαμπηδόνασ προβάλλοντασ ἀποτυφλοῦν τὴν ὁρ́ασιν, καὶ σφήλαντασ ἐπὶ τὴν γῆν σαρκοφαγεῖν τὰ χειρωθέντα τῶν ζῴων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 37

(디오도로스 시켈로스, Bibliotheca Historica, book 3, chapter 37)

상위

목록

SEARCH

MENU NAVIGATION