헬라어 문장 검색 - Διοδορ́Βιβλιοτ́3́32́

(디오도로스 시켈로스, Bibliotheca Historica, book 3, chapter 31)

τὰσ δ’ ἐσχατιὰσ τῶν πρὸσ μεσημβρίαν μερῶν κατοικοῦσιν ἄνδρεσ ὑπὸ μὲν τῶν Ἑλλήνων καλούμενοι Κυναμολγοί, κατὰ δὲ τὴν τῶν πλησιοχώρων βαρβάρων διάλεκτον Ἄγριοι. οὗτοι δὲ πώγωνασ μὲν φέρουσι παμμεγέθεισ, κυνῶν δὲ τρέφουσιν ἀγρίων ἀγέλασ πρὸσ τὴν τοῦ βίου χρείαν εὐθέτουσ. ἀπὸ γὰρ τῶν πρώτων τροπῶν τῶν θερινῶν μέχρι μέσου χειμῶνοσ Ἰνδικοὶ βόεσ ἀμύθητοι τὸ πλῆθοσ ἐπιφοιτῶσιν αὐτῶν τὴν χώραν, ἀδήλου τῆσ αἰτίασ οὔσησ·

οὐδεὶσ γὰρ οἶδεν εἴθ’ ὑπὸ ζῴων πολλῶν καὶ σαρκοφάγων πολεμούμενοι φεύγουσιν, εἴτε δι’ ἔνδειαν τροφῆσ ἐκλείποντεσ τοὺσ οἰκείουσ τόπουσ εἴτε δι’ ἄλλην περιπέτειαν, ἣν ἡ μὲν πάντα τὰ παράδοξα γεννῶσα φύσισ κατασκευάζει, τὸ δὲ τῶν ἀνθρώπων γένοσ ἀδυνατεῖ τῷ νῷ συνιδεῖν. οὐ μὴν ἀλλὰ τοῦ πλήθουσ οὐ κατισχύοντεσ δι’ ἑαυτῶν περιγενέσθαι τοὺσ κύνασ ἐπαφιᾶσι, καὶ μετὰ τούτων ποιούμενοι τὴν θήραν πολλὰ πάνυ τῶν ζῴων χειροῦνται·

τῶν δὲ ληφθέντων ἃ μὲν πρόσφατα κατεσθίουσιν, ἃ δὲ εἰσ ἅλασ συντιθέντεσ ἀποθησαυρίζουσι. πολλὰ δὲ καὶ τῶν ἄλλων ζῴων διὰ τῆσ τῶν κυνῶν ἀλκῆσ θηρεύοντεσ ἀπὸ κρεοφαγίασ τὸν βίον ἔχουσι. τὰ μὲν οὖν τελευταῖα γένη τῶν πρὸσ μεσημβρίαν οἰκούντων ἐν μορφαῖσ ἀνθρώπων τὸν βίον ἔχει θηριώδη·

λείπεται δὲ διελθεῖν ὑπὲρ δύο ἐθνῶν, τῶν τε Αἰθιόπων καὶ τῶν Τρωγλοδυτῶν. ἀλλὰ περὶ μὲν Αἰθιόπων ἀναγεγράφαμεν ἐν ἄλλοισ, περὶ δὲ τῶν Τρωγλοδυτῶν νῦν ἐροῦμεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 31

(디오도로스 시켈로스, Bibliotheca Historica, book 3, chapter 31)

상위

목록

SEARCH

MENU NAVIGATION