헬라어 문장 검색 - Διοδορ́Βιβλιοτ́3́24́

(디오도로스 시켈로스, Bibliotheca Historica, book 3, chapter 23)

διεληλυθότεσ δὲ περὶ τῶν παροικούντων τὴν ἀπὸ τῆσ Βαβυλωνίασ παράλιον ἑώσ Ἀραβίου κόλπου, περὶ τῶν ἑξῆσ τούτοισ ἐθνῶν διέξιμεν. κατὰ γὰρ τὴν Αἰθιοπίαν τὴν ὑπὲρ Αἰγύπτου παρὰ τὸν Ἄσαν καλούμενον ποταμὸν παροικεῖ τὸ τῶν Ῥιζοφάγων ἔθνοσ. ἐκ γὰρ τῶν πλησιοχώρων τὰσ ῥίζασ τῶν καλάμων ὀρύττοντεσ οἱ βάρβαροι πλύνουσι φιλοτίμωσ· ποιήσαντεσ δὲ καθαρὰσ κόπτουσι λίθοισ, μέχρι ἂν γένηται τὸ ἔργον λεῖον καὶ κολλῶδεσ· ἔπειτα περιπλάσαντεσ χειροπληθιαίουσ ὄγκουσ ἐν ἡλίῳ παροπτῶσι, καὶ ταύτῃ χρώμενοι τροφῇ πάντα τὸν βίον διατελοῦσιν. ἀνεκλείπτουσ δ’ ἔχοντεσ τὰσ τῆσ τροφῆσ ταύτησ δαψιλείασ, καὶ πρὸσ ἀλλήλουσ ἀεὶ εἰρήνην ἄγοντεσ, ὑπὸ πλήθουσ λεόντων πολεμοῦνται·

ἐμπύρου γὰρ τοῦ πέριξ ἀέροσ ὄντοσ ἐκ τῆσ ἐρήμου πρὸσ αὐτοὺσ φοιτῶσι λέοντεσ σκιᾶσ ἕνεκεν, οἱ δὲ καὶ θήρασ τῶν ἐλαττόνων θηρίων. διόπερ τοὺσ ἐκ τῶν τελμάτων ἐξιόντασ τῶν Αἰθιόπων ὑπὸ τούτων τῶν θηρίων ἀναλίσκεσθαι συμβαίνει· ἀδυνατοῦσι γὰρ ὑφίστασθαι τὰσ ἀλκὰσ τῶν λεόντων, ὡσ ἂν μηδεμίαν βοήθειαν ὅπλων ἔχοντεσ, καὶ πέρασ ἄρδην ἂν αὐτῶν διεφθάρη τὸ γένοσ, εἰ μὴ ἡ φύσισ τι αὐτοῖσ αὐτόματον ἐποίησε βοήθημα. ὑπὸ γὰρ τὴν ἀνατολὴν τοῦ κυνὸσ παραδόξωσ γινομένησ νηνεμίασ περὶ τοὺσ τόπουσ τοσοῦτο πλῆθοσ ἀθροίζεται κωνώπων, ὑπερέχον δυνάμει τοὺσ γνωριζομένουσ, ὥστε τοὺσ μὲν ἀνθρώπουσ καταφυγόντασ εἰσ τὰσ ἑλώδεισ λίμνασ μηδὲν πάσχειν, τοὺσ δὲ λέοντασ πάντασ φεύγειν ἐκ τῶν τόπων, ἅμα μὲν ὑπὸ τοῦ δηγμοῦ κακουχουμένουσ, ἅμα δὲ τὸν ἀπὸ τῆσ φωνῆσ ἦχον καταπεπληγμένουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 23

(디오도로스 시켈로스, Bibliotheca Historica, book 3, chapter 23)

상위

목록

SEARCH

MENU NAVIGATION