헬라어 문장 검색 - Διοδορ́Βιβλιοτ́3́23́

(디오도로스 시켈로스, Bibliotheca Historica, book 3, chapter 22)

ἡ δὲ κατὰ τὴν Βαβυλωνίαν παράλιοσ συνάπτει μὲν ἡμέρῳ καὶ καταφύτῳ χώρᾳ, τοσοῦτο δέ ἐστι πλῆθοσ τῶν ἰχθύων τοῖσ ἐγχωρίοισ ὥστε τοὺσ ἀναλίσκοντασ μὴ δύνασθαι ῥᾳδίωσ περιγενέσθαι τῆσ δαψιλείασ. παρὰ γὰρ τοὺσ αἰγιαλοὺσ ἱστᾶσι καλάμουσ πυκνοὺσ καὶ πρὸσ ἀλλήλουσ διαπεπλεγμένουσ, ὥστε τὴν πρόσοψιν ὁμοίαν εἶναι δικτύῳ παρὰ θάλατταν ἑστηκότι.

κατὰ δὲ πᾶν τὸ ἔργον ὑπάρχουσι πυκναὶ θύραι, τῇ μὲν πλοκῇ ταρσώδεισ, τὰσ στροφὰσ δ’ ἔχουσαι πρὸσ τὰσ εἰσ ἑκάτερα τὰ μέρη κινήσεισ εὐλύτουσ. ταύτασ ὁ κλύδων φερόμενοσ μὲν εἰσ τὴν γῆν κατὰ τὸν τῆσ πλημυρίδοσ καιρὸν ἀνοίγει, παλισσυτῶν δὲ κατὰ τὴν ἄμπωτιν ἀποκλείει. διόπερ συμβαίνει καθ’ ἑκάστην ἡμέραν πλημυρούσησ μὲν τῆσ θαλάττησ ἐκ βυθοῦ τοὺσ ἰχθῦσ συνεκφερομένουσ διὰ τῶν θυρῶν παρεισπίπτειν, ἀναχωρούσησ δὲ μὴ δύνασθαι τοῖσ ὑγροῖσ συνδιαρρεῖν διὰ τῆσ τῶν καλάμων πλοκῆσ.

διὸ καὶ παρὰ τὸν ὠκεανὸν ἐνίοτε σωροὺσ ἰχθύων σπαιρόντων ὁρᾶν ἔστι γινομένουσ, οὓσ ἀναλεγόμενοι συνεχῶσ οἱ πρὸσ τούτοισ τεταγμένοι δαψιλεῖσ ἀπολαύσεισ ἔχουσι καὶ μεγάλασ προσόδουσ. ἔνιοι δὲ τῶν περὶ τοὺσ τόπουσ διατριβόντων, πεδιάδοσ τε καὶ ταπεινῆσ τῆσ χώρασ ὑπαρχούσησ, τάφρουσ ὀρύττουσιν ἀπὸ θαλάττησ εὐρείασ ἐπὶ πολλοὺσ σταδίουσ μέχρι ἰδίων ἐπαύλεων, ῥαβδωτὰσ δὲ θύρασ ἐπ’ ἄκρασ αὐτὰσ ἐπιστήσαντεσ ἀναβαινούσησ μὲν τῆσ πλημυρίδοσ ἀνοίγουσιν, εἰσ δὲ τοὐναντίον μεταπιπτούσησ κλείουσιν.

εἶτα τῆσ μὲν θαλάττησ διὰ τῶν τῆσ θύρασ ἀραιωμάτων ἀπορρεούσησ, τῶν δ’ ἰχθύων ἀποληφθέντων ἐν ταῖσ τάφροισ, ταμιεύονται καὶ λαμβάνουσιν ὅσουσ ἂν προαιρῶνται καὶ καθ’ ὃν ἂν χρόνον βούλωνται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 22

(디오도로스 시켈로스, Bibliotheca Historica, book 3, chapter 22)

상위

목록

SEARCH

MENU NAVIGATION