헬라어 문장 검색 - Διοδορ́Βιβλιοτ́3́19́

(디오도로스 시켈로스, Bibliotheca Historica, book 3, chapter 18)

τοῖσ δὲ τὴν ἐκτὸσ τοῦ κόλπου παράλιον νεμομένοισ πολλῷ τούτων παραδοξότερον εἶναι τὸν βίον συμβέβηκεν, ὡσ ἂν ἄδιψον ἐχόντων καὶ ἀπαθῆ τὴν φύσιν. ἀπὸ γὰρ τῶν οἰκουμένων τόπων εἰσ τὴν ἔρημον ὑπὸ τῆσ τύχησ ἐκτετοπισμένοι τῆσ μὲν ἀπὸ τῶν ἰχθύων ἄγρασ εὐποροῦσιν, ὑγρὰν δὲ τροφὴν οὐκ ἐπιζητοῦσι. προσφερόμενοι γὰρ τὸν ἰχθῦν ἔγχυλον, μικρὰν ἔχοντα τῶν ὠμῶν τὴν παραλλαγήν, οὐχ οἱο͂ν ὑγρὰν τροφὴν ἐπιζητοῦσιν, ἀλλ’ οὐδ’ ἔννοιαν ἔχουσι ποτοῦ.

στέργουσι δὲ τὴν ἐξ ἀρχῆσ δίαιταν ὑπὸ τῆσ τύχησ αὐτοῖσ προσκληρωθεῖσαν, εὐδαιμονίαν ἡγούμενοι τὴν ἐκ τῆσ ἐνδείασ αὐτοῦ τοῦ λυποῦντοσ ὑπεξαίρεσιν. τὸ δὲ πάντων παραδοξότατον, ἀπαθείᾳ τοσοῦτον ὑπερβάλλουσι πάντασ ὥστε μὴ ῥᾳδίωσ πιστευθῆναι τὸν λόγον.

καίτοι γε πολλοὶ τῶν ἀπ’ Αἰγύπτου πλεόντων διὰ τῆσ Ἐρυθρᾶσ θαλάττησ ἔμποροι μέχρι τοῦ νῦν, πολλάκισ προσπεπλευκότεσ πρὸσ τὴν τῶν Ἰχθυοφάγων χώραν, ἐξηγοῦνται σύμφωνα τοῖσ ὑφ’ ἡμῶν εἰρημένοισ περὶ τῶν ἀπαθῶν ἀνθρώπων. καὶ ὁ τρίτοσ δὲ Πτολεμαῖοσ, ὁ φιλοτιμηθεὶσ περὶ τὴν θήραν τῶν ἐλεφάντων τῶν περὶ τὴν χώραν ταύτην ὄντων, ἐξέπεμψεν ἕνα τῶν φίλων, ὄνομα Σιμμίαν, κατασκεψόμενον τὴν χώραν·

οὗτοσ δὲ μετὰ τῆσ ἁρμοττούσησ χορηγίασ ἀποσταλεὶσ ἀκριβῶσ, ὥσ φησιν Ἀγαθαρχίδησ ὁ Κνίδιοσ ἱστοριογράφοσ, ἐξήτασε τὰ κατὰ τὴν παραλίαν ἔθνη. φησὶν οὖν τὸ τῶν ἀπαθῶν Αἰθιόπων ἔθνοσ τὸ σύνολον ποτῷ μὴ χρῆσθαι, μηδὲ τὴν φύσιν αὐτῶν ἐπιζητεῖν διὰ τὰσ προειρημένασ αἰτίασ. καθόλου δ’ ἀποφαίνεται μήτ’ εἰσ σύλλογον ἔρχεσθαι πρὸσ τοὺσ ἀλλοεθνεῖσ, μήτε τὸ ξένον τῆσ ὄψεωσ τῶν προσπλεόντων κινεῖν τοὺσ ἐγχωρίουσ, ἀλλ’ ἐμβλέποντασ ἀτενῶσ ἀπαθεῖσ ἔχειν καὶ ἀκινήτουσ τὰσ αἰσθήσεισ, ὡσ μηδενὸσ παρόντοσ.

οὔτε γὰρ ξίφοσ σπασαμένου τινὸσ καὶ καταφέροντοσ ὑπεξέφυγον, οὔθ’ ὕβριν οὐδὲ πληγὰσ ὑπομένοντεσ ἠρεθίζοντο, τό τε πλῆθοσ οὐ συνηγανάκτει τοῖσ πάσχουσιν, ἀλλ’ ἐνίοτε τέκνων ἢ γυναικῶν σφαττομένων ἐν ὀφθαλμοῖσ ἀπαθεῖσ ταῖσ διαθέσεσιν ἔμενον, οὐδεμίαν ἔμφασιν ὀργῆσ ἢ πάλιν ἐλέου διδόντεσ. καθόλου δὲ τοῖσ ἐκπληκτικωτάτοισ δεινοῖσ περιπίπτοντεσ ἠρεμαῖοι διέμενον, βλέποντεσ μὲν ἀτενῶσ εἰσ τὰ συντελούμενα, ταῖσ δὲ κεφαλαῖσ παρ’ ἕκαστα διανεύοντεσ.

διὸ καί φασιν αὐτοὺσ διαλέκτῳ μὲν μὴ χρῆσθαι, μιμητικῇ δὲ δηλώσει διὰ τῶν χειρῶν διασημαίνειν ἕκαστα τῶν πρὸσ τὴν χρείαν ἀνηκόντων. καὶ τὸ πάντων θαυμασιώτατον, φῶκαι τοῖσ γένεσι τούτοισ συνδιατρίβουσαι θήραν ποιοῦνται τῶν ἰχθύων καθ’ αὑτὰσ παραπλησίωσ ἀνθρώποισ.

ὁμοίωσ δὲ καὶ περὶ τὰσ κοίτασ καὶ τὴν τῶν γεννηθέντων ἀσφάλειαν μεγίστῃ πίστει τὰ γένη χρῆσθαι ταῦτα πρὸσ ἄλληλα· χωρὶσ γὰρ ἀδικήματοσ ἀλλοφύλοισ ζῴοισ ἡ συναναστροφὴ γίνεται μετ’ εἰρήνησ καὶ πάσησ εὐλαβείασ. οὗτοσ μὲν οὖν ὁ βίοσ, καίπερ ὢν παράδοξοσ, ἐκ παλαιῶν χρόνων τετήρηται τοῖσ γένεσι τούτοισ, εἴτε ἐθισμῷ διὰ τὸν χρόνον εἴτε ἀναγκαίᾳ χρείᾳ διὰ τὸ κατεπεῖγον ἡρμοσμένοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 18

(디오도로스 시켈로스, Bibliotheca Historica, book 3, chapter 18)

상위

목록

SEARCH

MENU NAVIGATION