헬라어 문장 검색 - Πλυταρ́Πομπεψ́14́

(플루타르코스, Pompey, chapter 14)

ἐκ τούτου θρίαμβον ᾔτει Πομπήϊοσ, ἀντέλεγε δὲ Σύλλασ. ὑπάτῳ γὰρ ἢ στρατηγῷ μόνον, ἄλλῳ δὲ οὐδενὶ δίδωσιν ὁ νόμοσ, διὸ καὶ Σκηπίων ὁ πρῶτοσ ἀπὸ μειζόνων καὶ κρειττόνων ἀγώνων ἐν Ἰβηρίᾳ Καρχηδονίων κρατήσασ οὐκ ᾔτησε θρίαμβον ὕπατοσ γὰρ οὐκ ἦν οὐδὲ στρατηγόσ. εἰ δὲ Πομπήϊοσ οὔπω πάνυ γενειῶν εἰσελᾷ θριαμβεύων εἰσ τὴν πόλιν, ᾧ βουλῆσ διὰ τὴν ἡλικίαν οὐ μέτεστι, παντάπασιν ἐπίφθονον ἔσεσθαι καὶ τὴν ἀρχὴν ἑαυτῷ καὶ τὴν τιμὴν ἐκείνῳ.

ταῦτα πρὸσ Πομπήϊον ὁ Σύλλασ ἔλεγεν, ὡσ οὐκ ἐάσων, ἀλλὰ ἐνστησόμενοσ αὐτῷ καὶ κωλύσων τὸ φιλόνεικον ἀπειθοῦντοσ. ὁ δὲ Πομπήϊοσ οὐχ ὑπέπτηξεν, ἀλλ’ ἐννοεῖν ἐκέλευσε τὸν Σύλλαν ὅτι τὸν ἥλιον ἀνατέλλοντα πλείονεσ ἢ δυόμενον προσκυνοῦσιν, ὡσ αὐτῷ μὲν αὐξανομένησ, μειουμένησ δὲ καὶ μαραινομένησ ἐκείνῳ τῆσ δυνάμεωσ, ταῦτα ὁ Σύλλασ οὐκ ἀκριβῶσ ἐξακούσασ, ὁρῶν δὲ τοὺσ ἀκούσαντασ ἀπὸ τοῦ προσώπου καὶ τοῦ σχήματοσ ἐν θαύματι ποιουμένουσ, ἤρετο τί τὸ λεχθὲν εἰή.

"Θριαμβευσάτω. πολλῶν δὲ δυσχεραινόντων καὶ ἀγανακτούντων, ἔτι μᾶλλον αὐτούσ, ὥσ φασι, βουλόμενοσ ἀνιᾶν ὁ Πομπήϊοσ, ἐπεχείρησεν ἐλεφάντων ἁρ́ματι τεττάρων ἐπιβὰσ εἰσελαύνειν ἤγαγε γὰρ ἐκ Λιβύησ τῶν βασιλικῶν συχνοὺσ αἰχμαλώτουσ·

ἀλλὰ τῆσ πύλησ στενωτέρασ οὔσησ ἀπέστη καὶ μετῆλθεν ἐπὶ τοὺσ ἵππουσ. ἐπεὶ δὲ οἱ στρατιῶται μὴ τυχόντεσ ἡλίκων προσεδόκησαν ἐνοχλεῖν ἐβούλοντο καὶ θορυβεῖν, οὐδὲν ἔφη φροντίζειν, ἀλλὰ μᾶλλον ἀφήσειν τὸν θρίαμβον ἢ κολακεύσειν ἐκείνουσ, ὅτε δὴ καὶ Σερουΐλιοσ, ἀνὴρ ἐπιφανὴσ καὶ μάλιστα πρὸσ τὸν θρίαμβον ἐνστὰσ τοῦ Πομπηϊού, νῦν ἔφη τὸν Πομπήϊον ὁρᾶν καὶ μέγαν ἀληθῶσ καὶ ἄξιον τοῦ θριάμβου.

δῆλον δ’ ἐστὶν ὅτι καὶ βουλῆσ ἂν ἐθελήσασ τότε ῥᾳδίωσ ἔτυχεν.

ἀλλ’ οὐκ ἐσπούδασεν, ὡσ λέγουσι, τὸ ἔνδοξον ἐκ τοῦ παραδόξου θηρώμενοσ. οὐ γὰρ ἦν θαυμαστὸν εἰ πρὸ ἡλικίασ ἐβούλευε Πομπήϊοσ, ἀλλ’ ὑπέρλαμπρον ὅτι μηδέπω βουλεύων ἐθριάμβευε. τοῦτο δὲ αὐτῷ καὶ πρὸσ εὔνοιαν ὑπῆρχε τῶν πολλῶν οὐ μικρόν ἔχαιρε γὰρ ὁ δῆμοσ αὐτῷ μετὰ θρίαμβον ἐν τοῖσ ἱππικοῖσ ἐξεταζομένῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 14

(플루타르코스, Pompey, chapter 14)

상위

목록

SEARCH

MENU NAVIGATION