헬라어 문장 검색 - Πλυταρ́Πομπεψ́12́

(플루타르코스, Pompey, chapter 12)

Ἀντιτεταγμένου δὲ τοῦ Δομετίου καὶ χαράδραν τινὰ προβεβλημένου χαλεπὴν περᾶσαι καὶ τραχεῖαν, ὄμβροσ ἅμα πνεύματι πολὺσ ἑώθεν ἀρξάμενοσ κατεῖχεν, ὥστε ἀπογνόντα τῆσ ἡμέρασ ἐκείνησ μαχέσασθαι τὸν Δομέτιον ἀναζυγὴν παραγγεῖλαι, Πομπήϊοσ δὲ τοῦτον αὑτοῦ ποιούμενοσ τὸν καιρὸν ὀξέωσ ἐπῄει καὶ διέβαινε τὴν χαράδραν. οἱ δὲ ἀτάκτωσ καὶ θορυβούμενοι καὶ οὐ πάντεσ οὐδὲ ὁμαλῶσ ὑφίσταντο, καὶ τὸ πνεῦμα περιῄει τὴν ζάλην αὐτοῖσ προσβάλλον ἐναντίαν.

οὐ μὴν ἀλλὰ καὶ τοὺσ ’ Ῥωμαίουσ ὁ χειμὼν ἐτάραξεν οὐ καθορῶντασ ἀλλήλουσ ἀκριβῶσ, αὐτόσ τε Πομπήϊοσ ἐκινδύνευσεν ἀγνοηθεὶσ ἀποθανεῖν, ἐρωτῶντι στρατιώτῃ τὸ σύνθημα βράδιον ἀποκρινάμενοσ. ὠσάμενοι δὲ πολλῷ φόνῳ τοὺσ πολεμίουσ ̔λέγονται γὰρ ἀπὸ δισμυρίων τρισχίλιοι διαφυγεῖν̓ αὐτοκράτορα τὸν Πομπήϊον ἠσπάσαντο.

φήσαντοσ δὲ ἐκείνου μὴ δέχεσθαι τὴν τιμὴν ἑώσ ὀρθὸν ἕστηκε τὸ στρατόπεδον τῶν πολεμίων, εἰ δὲ αὐτὸν ἀξιοῦσι ταύτησ τῆσ προσηγορίασ, ἐκεῖνο χρῆναι πρότερον καταβαλεῖν, ὡρ́μησαν εὐθὺσ ἐπὶ τὸν χάρακα· καὶ Πομπήϊοσ ἄνευ κράνουσ ἠγωνίζετο δεδοικὼσ τὸ πρότερον πάθοσ. ἁλίσκεται δὴ τὸ στρατόπεδον καὶ ἀποθνήσκει Δομέτιοσ.

τῶν δὲ πόλεων αἱ μὲν εὐθὺσ ὑπήκουον, αἱ δὲ κατὰ κράτοσ ἐλήφθησαν, εἷλε δὲ καὶ τῶν βασιλέων Ιἄρφαν τὸν συμμαχήσαντα Δομετίῳ, τὴν δὲ βασιλείαν Ιἄμψᾳ παρέδωκε. χρώμενοσ δὲ τῇ τύχῃ καὶ τῇ ῥύμῃ τοῦ στρατεύματοσ εἰσ τὴν Νομαδικὴν ἐνέβαλε· καὶ πολλῶν ὁδὸν ἡμερῶν ἐλάσασ καὶ πάντων κρατήσασ οἷσ ἐνέτυχε, καὶ τὸ πρὸσ Ῥωμαίουσ δέοσ ἤδη τῶν βαρβάρων ἐξερρυηκὸσ αὖθισ ἰσχυρὸν καὶ φοβερὸν ἐγκαταστήσασ, οὐδὲ τὰ θηρία δεῖν ἔφη τὰ τὴν Λιβύην κατοικοῦντα τῆσ τῶν Ῥωμαίων ἄπειρα ῥώμησ καὶ τόλμησ ἀπολείπειν. ὅθεν ἐν θήραισ λεόντων καὶ ἐλεφάντων ἡμέρασ διέτριψεν οὐ πολλάσ·

ταῖσ δὲ πάσαισ, ὥσ φασι, τεσσαράκοντα τοὺσ πολεμίουσ συνεῖλε καὶ Λιβύην ἐχειρώσατο καὶ διῄτησε τὰ τῶν βασιλέων, ἔτοσ ἄγων ἐκεῖνο τέταρτον καὶ εἰκοστόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 12

(플루타르코스, Pompey, chapter 12)

상위

목록

SEARCH

MENU NAVIGATION