헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 79)

πολέμου δὲ πολιτικοῦ ὡσ ἅπαντεσ ἴσασι κάκιον χρῆμα οὐδέν, ἐν ᾧ τὰ μὲν κρατηθέντα ἀτυχεῖ, τὰ δὲ κρατήσαντα ἀδικεῖ, καὶ περίεστι τοῖσ μὲν ὑπὸ τῶν φιλτάτων ἀπόλλυσθαι, τοῖσ δὲ τὰ φίλτατα διολέσαι. ἐπὶ τοιαύταισ δὴ τύχαισ καὶ συμφοραῖσ οὐκ εὐκταίασ μήτε ὑμεῖσ, ὦ πατρίκιοι, καλεῖτε ἡμᾶσ, μήτε ἡμεῖσ αὐτοῖσ ὑπακούωμεν, ὦ δημόται, ἀλλ’, ὡσ διῄρηκεν ἡμᾶσ ἀπ’ ἀλλήλων ἡ τύχη, στέργωμεν. ἐχέτωσαν μὲν οὖν οὗτοι τὴν πόλιν ὅλην καὶ καρπούσθωσαν ἡμῶν δίχα καὶ τῶν ἄλλων ἀγαθῶν ἁπάντων ἀπολαυέτωσαν μόνοι, τοὺσ ταπεινοὺσ καὶ ἀδόξουσ δημότασ ἐκβαλόντεσ ἐκ τῆσ πατρίδοσ·

ἀπαλλαττώμεθα δ’ ἡμεῖσ, ὅποι ποτ’ ἂν ἡμᾶσ ὁ δαίμων ἄγῃ τόπον ἀλλότριον ἐκλιπεῖν νομίσαντεσ, οὐ πόλιν ἰδίαν. οὔτε γὰρ ἡμῶν τινι ἐνθάδε ὑπολείπεται κλῆροσ γῆσ οὔτε πατρῷον ἐφέστιον οὔτε ἱερὰ κοινὰ οὔτε ἀξίωμα ὡσ ἐν πατρίδι, ὧν περιεχόμενοι φιλοχωροῖμεν ἂν καὶ παρὰ γνώμην , ἀλλ’ οὐδ’ ἡ τοῖσ σώμασι μετὰ πολλῶν πόνων ἐλευθερία·

ἐπεὶ τὰ μὲν οἱ πολλοὶ πόλεμοι διέφθειραν, τὰ δ’ ἡ τῶν καθ’ ἡμέραν ἀναγκαίων σπάνισ ἐξανήλωσε, τὰ δ’ ὑπὸ τῶν ὑπερηφάνων δανειστῶν τούτων ἀφῃρέθημεν· τοὺσ ἑαυτῶν κλήρουσ οἱ δείλαιοι γεωργεῖν, σκάπτοντεσ φυτεύοντεσ ἀροῦντεσ ποίμνια νέμοντεσ ὁμόδουλοι τοῖσ ἑαυτῶν δορικτήτοισ ἀνδραπόδοισ ὄντεσ, οἱ μὲν ἁλύσει δεθέντεσ, οἱ δὲ πέδαισ, οἱ δ’ ὥσπερ τὰ χαλεπώτατα τῶν θηρίων κλοιοῖσ καὶ μύδροισ.

αἰκίασ δὲ δὴ καὶ προπηλακισμοὺσ καὶ μάστιγασ καὶ πόνουσ ἐκ νυκτὸσ εἰσ νύκτα καὶ πᾶσαν ἄλλην ὠμότητα καὶ ὕβριν καὶ ὑπερηφανίαν, ἣν ὑπεμείναμεν, ἐῶ.

τοσούτων οὖν καὶ τηλικούτων ἀπηλλαγμένοι κακῶν ὑπὸ τοῦ δαίμονοσ, ὅση σπουδὴ καὶ δύναμισ ἑκάστῳ πάρεστι φεύγωμεν ἀπ’ αὐτῶν ἄσμενοι τύχην καὶ θεὸν οἵπερ ἡμᾶσ σώζουσιν ἡγεμόνασ τῆσ ὁδοῦ ποιησάμενοι, πατρίδα νομίζοντεσ τὴν ἐλευθερίαν καὶ πλοῦτον τὴν ἀρετήν. πᾶσα γὰρ ἡμᾶσ ὑποδέξεται γῆ κοινωνούσ, τὰ μὲν ἀλύπουσ ἐσομένουσ τοῖσ ὑποδεξαμένοισ, τὰ δ’ ὠφελίμουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 79

(디오니시오스, Antiquitates Romanae, Books IV-VI, book 6, chapter 79)

상위

목록

SEARCH

MENU NAVIGATION