헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 40

(디오니시오스, Antiquitates Romanae, Books IV-VI, book 6, chapter 40)

παραλαβὼν δὲ τὴν ἀρχὴν Οὐαλέριοσ καὶ προσελόμενοσ ἱππάρχην Κόιντον Σερουίλιον, ἀδελφὸν τοῦ συνυπατεύσαντοσ Ἀππίῳ Σερουιλίου, παρήγγειλε τὸν δῆμον εἰσ ἐκκλησίαν παρεῖναι. συνελθόντοσ δ’ ὄχλου συχνοῦ τότε πρῶτον, ἐξ οὗ τὴν ἀρχὴν ὁ Σερουίλιοσ ἀπέθετο καὶ ὁ δῆμοσ ἀγόμενοσ ἐπὶ τὰσ στρατείασ εἰσ φανερὰν ἀπόνοιαν ἐτράπετο, προελθὼν ἐπὶ τὸ βῆμα ἔλεξεν· ὑμᾶσ αὐτοὺσ ἐπιτρέψαντεσ τοῖσ ἁπάντων δημοτικωτάτοισ δοκοῦσι καὶ οὖσιν.

ὥστ’ οὐ διδαχῆσ ὑμῖν δεομένοισ ὅτι βεβαιώσομεν τῷ δήμῳ τὸ ἐλεύθερον, οἵπερ καὶ ἐξ ἀρχῆσ αὐτὸ ἐδώκαμεν, οἱ λόγοι ἔσονται, ἀλλὰ παρακλήσεωσ μετρίασ, ἵνα πιστεύητε ἡμῖν, ὅ τι ἂν ὑποσχώμεθα, ἐμπεδώσειν.

ἡλικίασ γάρ, ἣ τὸ φενακίζειν ἥκιστα ἐπιδέχεται, ἐπὶ τὸ τέλειον ἥκομεν, καὶ ἀξιώσεωσ, ἣ τοῦ ῥᾳδιουργεῖν ἐλάχιστον φέρεται μέροσ, ἀρκούντωσ ἔχομεν, χρόνον τε οὐχ ἑτέρωθί που τὸν λειπόμενον βιοτεύειν μέλλομεν, ἀλλ’ ἐν ὑμῖν δίκασ, ὧν ἂν ἐξαπατῆσαι δοκῶμεν, ὑφέξοντεσ. ταῦτα μὲν οὖν, ὥσπερ ἔφην, ὡσ οὐ μακρῶν δεόμενοσ λόγων πρὸσ εἰδότασ, ἐάσω.

ὃ δέ μοι δοκεῖτε παθόντεσ ὑφ’ ἑτέρων εἰκότωσ ἐπὶ πάντων ὑποπτεύειν, ὁρῶντεσ αἰεί τινα τῶν παρακαλούντων ὑμᾶσ ἐπὶ τοὺσ πολέμουσ ὑπάτων ὑπισχνούμενον, ὧν ἂν δέησθε, παρὰ τῆσ βουλῆσ διαπράξεσθαι, μηδὲν δ’ ἐπὶ τέλοσ ἄγοντα τῶν ὁμολογηθέντων· τοῦτο ὡσ οὐ δικαίωσ ἂν ὑποπτεύοιτε καὶ περὶ ἐμοῦ, δυσὶν ἂν τοῖσδε μάλιστα πιστωσαίμην, τῷ τε μὴ ἂν ἐμοὶ τὴν βουλὴν εἰσ τοῦτο τὸ λειτούργημα, ἑτέρων ὄντων ἐπιτηδειοτέρων, τῷ φιλοδημοτάτῳ δοκοῦντι εἶναι καταχρήσασθαι·

καὶ τῷ μὴ ἂν αὐτοκράτορι κοσμῆσαι ἀρχῇ, δι’ ἣν τὰ δόξαντά μοι κράτιστα εἶναι καὶ δίχ’ ἐκείνησ ἐπικυροῦν δυνήσομαι.