헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 20)

Σερουίλιοσ δὲ Σουλπίκιοσ περὶ μὲν τῆσ εἰρήνησ καὶ τῆσ ἀνανεώσεωσ τῶν σπονδῶν οὐδὲν ἀντέλεγεν· ἐπειδὴ δὲ πρότεροι τὰσ σπονδὰσ ἔλυσαν Λατῖνοι, καὶ οὐχὶ τότε πρῶτον, ὥστε συγγνώμησ τινὸσ αὐτοῖσ δεῖν ἀνάγκην καὶ ἀπάτην προβαλλομένοισ, ἀλλὰ πολλάκισ ἤδη καὶ πρότερον, ὥστε καὶ διορθώσεωσ σφίσι δεῖν, τὴν μὲν ἄδειαν ἅπασι συγκεχωρῆσθαι καὶ τὴν ἐλευθερίαν διὰ τὸ συγγενέσ, τῆσ δὲ γῆσ τὴν ἡμίσειαν αὐτοὺσ ἀφαιρεθῆναι καὶ κληρούχουσ ἀποσταλῆναι Ῥωμαίων εἰσ αὐτήν, οἵ τινεσ ἐκείνην καρπώσονται καὶ τοὺσ ἄνδρασ μηδὲν ἔτι νεωτερίσαι σπουδάσουσι. Σπόριοσ δὲ Κάσσιοσ ἀνελεῖν τὰσ πόλεισ αὐτῶν συνεβούλευε θαυμάζειν λέγων ἐπὶ ταῖσ εὐηθείαισ τῶν παραινούντων ἀφεῖναι τὰσ ἁμαρτίασ αὐτοῖσ ἀζημίουσ, εἰ μηδὲ δύνανται καταμαθεῖν, ὅτι διὰ τὸν φθόνον τὸν ἔμφυτόν τε καὶ ἀναφαίρετον, ὃν ἔχουσι πρὸσ τὴν πόλιν αὐτῶν αὐξομένην, ἄλλουσ ἐπ’ ἄλλοισ ἐπιτεχνῶνται πολέμουσ καὶ οὐδέποτε παύσονται τῆσ ἐπιβούλου προαιρέσεωσ ἑκόντεσ, ἑώσ αὐτῶν τοῦτ’ ἐν ταῖσ ψυχαῖσ τὸ δύστηνον ἐνοικεῖ πάθοσ·

τινα μικρὰν κομιδῇ.

παραδείγμασί τε καὶ αὐτὸσ ἠξίου χρῆσθαι τοῖσ τῶν προγόνων ἔργοισ, οἳ τὴν Ἀλβανῶν πόλιν, ἐξ ἧσ αὐτοί τ’ ἀπῳκίσθησαν καὶ Λατίνων ἅπασαι πόλεισ, ἐπειδὴ φθονοῦσαν ἔγνωσαν τοῖσ αὑτῶν ἀγαθοῖσ καὶ τὴν ἄδειαν, ἣν ἐπὶ τοῖσ πρώτοισ ἁμαρτήμασιν εὑρ́ετο, μείζονοσ ἐπιβουλῆσ ἀφορμὴν ποιησαμένην, ἐν ἡμέρᾳ καθελεῖν ἔγνωσαν μιᾷ· ἐν ἴσῳ δόξαντεσ εἶναι τῷ μηδένα οἰκτείρειν τῶν τὰ μέτρια ἁμαρτανόντων τὸ μηδένα τιμωρεῖσθαι τῶν τὰ μέγιστα καὶ ἀδιόρθωτα ἀδικούντων.

μωρίασ δὲ πολλῆσ εἶναι καὶ ἀναλγησίασ ἔργον·

οὐ γὰρ δὴ φιλανθρωπίασ οὐδὲ μετριότητοσ· τὸν τῶν ἀποικισάντων σφᾶσ φθόνον, ἐπεὶ πέρα τοῦ δέοντοσ ἔδοξεν εἶναι βαρὺσ καὶ ἀφόρητοσ, οὐκ ἀνασχομένουσ τὸν τῶν ὁμογενῶν ὑπομένειν τούσ τ’ ἐν ἐλάττοσι πείραισ ἐλεγχθέντασ πολεμίουσ ἀφαιρέσει πόλεωσ ζημιώσαντασ, παρὰ τῶν πολλάκισ τὸ μῖσοσ ἀδιάλλακτον ἀποδειξαμένων μηδεμίαν εἰσπράξασθαι δίκην. ταῦτ’ εἰπὼν καὶ τὰσ ἀποστάσεισ τῶν Λατίνων ἁπάσασ ἐξαριθμησάμενοσ τῶν τ’ ἀπολομένων ἐν τοῖσ πρὸσ αὐτοὺσ πολέμοισ Ῥωμαίων τὸ πλῆθοσ ὅσον ἦν ἀναμνήσασ, ἠξίου τὸν αὐτὸν τρόπον χρήσεσθαι καὶ τούτοισ, ὃν ἐχρήσαντο Ἀλβανοῖσ πρότερον·

τὰσ μὲν οὖν πόλεισ αὐτῶν ἀνελεῖν καὶ τὴν χώραν αὐτῶν τῇ Ῥωμαίων προσθεῖναι, τῶν δ’ ἀνθρώπων τοὺσ μὲν εὔνοιάν τινα·

πρὸσ αὐτοὺσ ἀποδειξαμένουσ ἔχοντασ τὰ σφέτερα πολίτασ ποιήσεσθαι, τοὺσ δ’ αἰτίουσ τῆσ ἀποστάσεωσ, ὑφ’ ὧν αἱ σπονδαὶ διελύθησαν, ὡσ προδότασ ἀποκτεῖναι· ὅσον δὲ τοῦ δήμου πτωχὸν καὶ ἀργὸν καὶ ἄχρηστον ἐν ἀνδραπόδων ποιήσεσθαι λόγῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 20

(디오니시오스, Antiquitates Romanae, Books IV-VI, book 6, chapter 20)

상위

목록

SEARCH

MENU NAVIGATION