헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 19)

ὡσ δὲ μετέστησαν ἐκ τοῦ βουλευτηρίου καὶ λόγοσ ἀπεδόθη τοῖσ εἰωθόσιν ἀποφαίνεσθαι γνώμασ, Τῖτοσ μὲν Λάρκιοσ ὁ πρῶτοσ ἀποδειχθεὶσ δικτάτωρ ἐν τῷ παρελθόντι ἐνιαυτῷ ταμιεύεσθαι τὴν τύχην αὐτοῖσ συνεβούλευε μέγιστον εἶναι λέγων ἐγκώμιον ὥσπερ ἑνὸσ ἀνδρὸσ οὕτω καὶ πόλεωσ ὅλησ, εἰ μὴ διαφθαρήσεται ταῖσ εὐπραγίαισ, ἀλλ’ εὐμενῶσ καὶ μετρίωσ φέροι τἀγαθά. πάσασ μὲν γὰρ τὰσ εὐτυχίασ φθονεῖσθαι, μάλιστα δ’ ὅσαισ πρόσεστιν εἰσ τοὺσ ταπεινωθέντασ καὶ ὑπὸ χεῖρα γενομένουσ ὕβρισ καὶ βαρύτησ·

τῇ τύχῃ δ’ οὐκ ἐῶν τι πιστεύειν πολλάκισ αὐτῆσ πεῖραν εἰληφότασ ἐπ’ οἰκείοισ κακοῖσ τε καὶ ἀγαθοῖσ, ὡσ ἀβέβαιόσ ἐστι καὶ ἀγχίστροφοσ·

οὐδ’ ἀνάγκην προσάγειν τοῖσ διαφόροισ τὴν περὶ τῶν ἐσχάτων κινδύνων, δἰ ἣν καὶ παρὰ γνώμην τολμηταὶ γίνονταί τινεσ καὶ ὑπὲρ δύναμιν μαχηταί· δέοσ δὲ σφίσιν εἶναι λέγων, μὴ κοινὸν μῖσοσ ἐπισπάσωνται παρὰ πάντων ὅσων ἀξιοῦσιν ἄρχειν, ἐὰν πικρὰσ καὶ ἀπαραιτήτουσ ἀπὸ τῶν ἁμαρτόντων ἀναπράττωνται δίκασ, ὡσ ἐκβεβηκότεσ ἐκ τῶν συνήθων ἐπιτηδευμάτων, ἀφ’ ὧν εἰσ ἐπιφάνειαν προῆλθον ἐπιλαθόμενοι, καὶ πεποιηκότεσ τυραννίδα τὴν ἀρχήν, ἀλλ’ οὐχ ἡγεμονίαν ὡσ πρότερον ἦν καὶ προστασίαν·

τά τε ἁμαρτήματα μέτρια καὶ οὐ νεμεσητὰ εἶναι λέγων, εἴ τινεσ ἐλευθερίασ περιεχόμεναι πόλεισ καὶ ἄρχειν ποτὲ μαθοῦσαι τῆσ παλαιᾶσ ἀξιώσεωσ οὐ μεθίενται.

εἰ δ’ ἀνιάτωσ οἱ τῶν κρατίστων ὀρεχθέντεσ, ἐὰν διαμάρτωσι τῆσ ἐλπίδοσ, ζημιώσονται, οὐδὲν ἔσεσθαι τὸ κωλῦον ἅπαντασ ἀνθρώπουσ ὑπ’ ἀλλήλων ἀπολωλέναι· πᾶσι γὰρ εἶναι τὸν τῆσ ἐλευθερίασ πόθον ἔμφυτον. πολλῷ τε κρείττονα καὶ βεβαιοτέραν ἀποφαίνων ἀρχήν, ἥτισ εὐεργεσίαισ, ἀλλὰ μὴ τιμωρίαισ κρατεῖν βούλεται τῶν ὑπηκόων·

τῇ μὲν γὰρ εὔνοιαν ἀκολουθεῖν, τῇ δὲ φόβον, ἀνάγκην δ’ εἶναι φύσεωσ πάντα μάλιστα μισεῖσθαι τὰ φοβερά· τελευτῶν δὲ τοῦ λόγου παραδείγμασιν αὐτοὺσ ἠξίου χρῆσθαι τοῖσ κρατίστοισ τῶν προγόνων ἔργοισ, ἐφ’ οἷσ ἐπαίνων ἐτύγχανον ἐκεῖνοι, ἐπιλεγόμενοσ ὅσασ ἁλούσασ κατὰ κράτοσ πόλεισ οὐ κατασκάπτοντεσ οὐδὲ ἡβηδὸν ἀναιροῦντεσ οὐδ’ ἐξανδραποδιζόμενοι, ἀλλ’ ἀποικίασ τῆσ Ῥώμησ ποιοῦντεσ, καὶ τοῖσ βουλομένοισ τῶν κρατηθέντων παρὰ σφίσι κατοικεῖν πολιτείασ μεταδιδόντεσ, μεγάλην ἐκ μικρᾶσ ἐποιοῦντο τὴν πόλιν. κεφάλαιον δ’ αὐτοῦ τῆσ γνώμησ ἦν ἀνανεώσεσθαι τὰσ σπονδὰσ πρὸσ τὸ κοινὸν τῶν Λατίνων, ἃσ ἦσαν πεποιημένοι πρότερον, καὶ μηδενὸσ τῶν ἁμαρτημάτων μηδεμιᾷ πόλει μνησικακεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 19

(디오니시오스, Antiquitates Romanae, Books IV-VI, book 6, chapter 19)

상위

목록

SEARCH

MENU NAVIGATION