헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 17

(디오니시오스, Antiquitates Romanae, Books IV-VI, book 6, chapter 17)

ἐπισχὼν δὲ τὴν ὁρμὴν τοῦ πλήθουσ ἀπιέναι τοὺσ ἄνδρασ ἐκέλευσεν ἀμεταστρεπτὶ φυλακῇ παραδοὺσ ἱππέων, οἳ προύπεμψαν αὐτοὺσ ἐπὶ τὸν Οὐολούσκων χάρακα. ἐκβαλὼν δὲ τοὺσ κατασκόπουσ εὐτρεπίζεσθαι τὰ εἰσ μάχην παρήγγειλε τοῖσ στρατιώταισ, ὡσ ἐν τῇ κατόπιν ἡμέρᾳ παραταξόμενοσ. ἐδέησε δ’ οὐδὲν αὐτῷ μάχησ·

οἱ γὰρ ἡγεμόνεσ τῶν Οὐολούσκων πολλῆσ ἔτι νυκτὸσ οὔσησ ἀναστήσαντεσ τὴν στρατιὰν ᾤχοντο ἐπὶ τὰ σφέτερα. ἁπάντων δὲ χωρησάντων αὐτῷ κατ’ εὐχὴν θάψασ τοὺσ οἰκείουσ νεκροὺσ καὶ τὴν στρατιὰν καθήρασ ἀνέστρεψεν εἰσ τὴν πόλιν ἐκπρεπεῖ θριάμβῳ κοσμούμενοσ ὅπλων τε σωρὸν ἐφ’ ἁμάξαισ πολλαῖσ κομίζων καὶ χρημάτων στρατιωτικῶν παρασκευὰσ ἀφθόνουσ εἰσφέρων, καὶ τοὺσ ἁλόντασ ἐν τῇ μάχῃ πεντακοσίων ἀποδέοντασ ἑξακισχιλίουσ ἐπαγόμενοσ.

κατ’ εὐχήν.

ἐσπάνισαν γὰρ αἱ τροφαὶ τοῦ πολέμου κατ’ ἀρχὰσ καὶ πολὺν αὐτοῖσ παρέσχον φόβον ὡσ ἐπιλείψουσαι, τῆσ τε γῆσ ἀκάρπου γενομένησ καὶ τῆσ ἔξωθεν ἀγορᾶσ οὐκέτι παρακομιζομένησ διὰ τὸν πόλεμον. διὰ τοῦτο τὸ δέοσ ἀνασκέψασθαι τὰ Σιβύλλεια τοὺσ φύλακασ αὐτῶν κελεύσασ ὡσ ἔμαθεν, ὅτι τούτουσ ἐξιλάσασθαι τοὺσ θεοὺσ οἱ χρησμοὶ κελεύουσιν, εὐχὰσ αὐτοῖσ ἐποιήσατο μέλλων ἐξάγειν τὸν στρατόν, ἐὰν εὐετηρία γένηται κατὰ τὴν πόλιν ἐπὶ τῆσ ἰδίασ ἀρχῆσ, οἱά πρότερον ἦν, ναούσ τ’ αὐτοῖσ καθιδρύσεσθαι καὶ θυσίασ καταστήσεσθαι καθ’ ἕκαστον ἐνιαυτόν.

οἱ δ’ ὑπακούσαντεσ τήν τε γῆν παρεσκεύασαν ἀνεῖναι πλουσίουσ καρπούσ, οὐ μόνον τὴν σπόριμον, ἀλλὰ καὶ τὴν δενδροφόρον, καὶ τὰσ ἐπεισάκτουσ ἀγορὰσ ἁπάσασ ἐπικλύσαι μᾶλλον ἢ πρότερον· ἅπερ ὁρῶν αὐτὸσ ὁ Ποστόμιοσ ἐψηφίσατο τὰσ τῶν ναῶν τούτων κατασκευάσ.

Ῥωμαῖοι μὲν δὴ τὸν τυραννικὸν ἀπωσάμενοι πόλεμον εὐνοίᾳ θεῶν ἐν ἑορταῖσ τε καὶ θυσίαισ ἦσαν.