헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 9)

καὶ τόδε, ὦ πολῖται, τοῦ μήτ’ ὀρρωδεῖν μήτ’ ἐκτρέπεσθαι τὰ δεινὰ μέγιστον παρακέλευσμα, ὅτι πάντεσ οἱ πρωτεύοντεσ τοῦ βουλευτικοῦ συνεδρίου πάρεισιν, ὥσπερ ὁρᾶτε, κοινὰσ ὑμῖν ποιησόμενοι τὰσ τοῦ πολέμου τύχασ, οἷσ ἀφεῖσθαι στρατείασ ὅ τε χρόνοσ ὁ τῆσ ἡλικίασ ἀποδέδωκε καὶ ὁ νόμοσ. μὴ μετὰ τοῦ δρᾶσαί τι γενναῖον καὶ παθεῖν, μήτε τῆσ τύχησ πεῖραν λαβεῖν, μήτε τὴν τῆσ ἀρετῆσ δόξαν καταλιπεῖν;

οὐ πρὸσ ὑμῶν, ὦ ἄνδρεσ Ῥωμαῖοι, τὰ μὲν πολλὰ ὑπάρχειν καὶ θαυμαστὰ ἔργα παρ’ ἑτέροισ, οὓσ οὐδεὶσ ὑμνήσει λόγοσ ἀξίωσ;

πολλὰσ δὲ καὶ περιβοήτουσ πράξεισ οἰκείασ τὸ ἐξ ὑμῶν καρπώσεται γένοσ, ἢν τοῦτον ἔτι κατορθώσητε τὸν πόλεμον. ἵνα δὲ καὶ τοῖσ τὰ κράτιστα ὑμῶν ἐγνωκόσι τὸ γενναῖον μὴ ἀκερδὲσ γένηται καὶ τοῖσ πέρα τοῦ δέοντοσ τὰ δεινὰ πεφοβημένοισ μὴ ἀζήμιον ᾖ, πρὶν εἰσ ταῦτα ἐλθεῖν, οἱών ἑκατέροισ συμβήσεται τυχεῖν, ἀκούσατέ μου. ᾧ μὲν ἄν τι καλὸν ἢ γενναῖον ἐν τῇ μάχῃ διαπραξαμένῳ μαρτυρήσωσιν οἱ τὰ ἔργα συνειδότεσ τάσ τ’ ἄλλασ ἀποδώσω παραχρῆμα τιμάσ, ἃσ ἐκ τῶν πατρίων ἑκάστοισ ἐθισμῶν ὑπάρχει φέρεσθαι, καὶ γῆσ ἔτι προσθήσω κλῆρον, ἧσ κέκτηται τὸ δημόσιον, ἱκανὸν ποιῆσαι ὡσ μηδενὸσ τῶν ἀναγκαίων δεηθῆναι·

ᾧ δ’ ἂν ἡ κακὴ καὶ θεοβλαβὴσ διάνοια φυγῆσ ἀσχήμονοσ ἐπιθυμίαν ἐμβάλῃ, τούτῳ τὸν φευγόμενον ἀγχοῦ παραστήσω θάνατον·

κρείττων γὰρ ἂν ἑαυτῷ τε καὶ τοῖσ ἄλλοισ γένοιτο τοιοῦτοσ πολίτησ ἀποθανών· καὶ περιέσται τοῖσ οὕτωσ ἀποθανοῦσι μήτε ταφῆσ μήτε τῶν ἄλλων νομίμων μεταλαβεῖν, ἀλλ’ ἀζήλοισ ἀκλαύστοισ ὑπ’ οἰωνῶν τε καὶ θηρίων διαφορηθῆναι. ὅσοισ εἰσὶν ὑμῶν ἔτι νήπιοι, καὶ γαμετὰσ γυναῖκασ οὐ περιοψόμενοι παθεῖν πρὸσ ἐχθρῶν ἀνήκεστα, γηραιούσ τε πατέρασ τὸν ὀλίγον ἔτι χρόνον ἥδιστον βιῶναι παρασκευάσοντεσ.

ὦ μακάριοι μέν, οἷσ ἂν ἐκγένηται τὸν ἐκ τοῦδε τοῦ πολέμου θρίαμβον καταγαγεῖν, ὑποδεχομένων ὑμᾶσ τέκνων καὶ γυναικῶν καὶ πατέρων·

εὐκλεεῖσ δὲ καὶ ζηλωτοὶ τῆσ ἀρετῆσ οἱ τὰ σώματα χαριούμενοι τῇ πατρίδι. ἀποθανεῖν μὲν γὰρ ἅπασιν ἀνθρώποισ ὀφείλεται, κακοῖσ τε καὶ ἀγαθοῖσ· καλῶσ δὲ καὶ ἐνδόξωσ μόνοισ τοῖσ ἀγαθοῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 9

(디오니시오스, Antiquitates Romanae, Books IV-VI, book 6, chapter 9)

상위

목록

SEARCH

MENU NAVIGATION