헬라어 문장 검색 - Διοδορ́Βιβλιοτ́3́34́

(디오도로스 시켈로스, Bibliotheca Historica, book 3, chapter 33)

ὁπλισμὸν δ’ ἔχουσι τῶν Τρωγλοδυτῶν οἱ μὲν ὀνομαζόμενοι Μεγάβαροι κυκλοτερεῖσ ὠμοβοΐνασ ἀσπίδασ καὶ ῥόπαλον τύλουσ ἔχον περισιδήρουσ, οἱ δὲ ἄλλοι τόξα καὶ λόγχασ. ταφαὶ δὲ παντελῶσ ἐξηλλαγμέναι ἐπιχωριάζουσι·

τοῖσ γὰρ τῶν παλιούρων λύγοισ δήσαντεσ τῶν τετελευτηκότων τὰ σώματα προσάπτουσι τὸν αὐχένα τοῖσ σκέλεσι, θέντεσ δὲ τὸν νεκρὸν ἐπί τινοσ ἀναστήματοσ βάλλουσι λίθοισ χειροπληθέσι γελῶντεσ, μέχρι ἂν ὅτου τοῖσ λίθοισ περιχώσαντεσ ἀποκρύψωσι τὰ σώματα· τὸ δὲ τελευταῖον αἰγὸσ κέρασ ἐπιθέντεσ ἀπολύονται, συμπάθειαν οὐδεμίαν λαμβάνοντεσ. πολεμοῦσι δὲ πρὸσ ἀλλήλουσ οὐχ ὁμοίωσ τοῖσ Ἕλλησιν ὑπὲρ γῆσ ἤ τινων ἄλλων ἐγκλημάτων, ἀλλ’ ὑπὲρ τῆσ ἐπιγινομένησ ἀεὶ νομῆσ.

ἐν δὲ ταῖσ φιλονεικίαισ τὸ μὲν πρῶτον ἀλλήλουσ τοῖσ λίθοισ βάλλουσι, μέχρι ἄν τινεσ τρωθῶσι, καὶ τὸ λοιπὸν ἐπὶ τὸν τῶν τόξων ἀγῶνα καταντῶσι. πολλοὶ δὲ ἐν ἀκαρεῖ χρόνῳ τελευτῶσιν, ὡσ ἂν εὐστόχωσ μὲν βαλλόντων διὰ τὴν ἐν τούτοισ ἄθλησιν, τὸν δὲ σκοπὸν ἐχόντων γυμνὸν τῶν σκεπαστηρίων ὅπλων. διαλύουσι δὲ τὴν μάχην τῶν γυναικῶν αἱ πρεσβύτεραι, προαλλόμεναι μὲν εἰσ τὸ μέσον, ἐντροπῆσ δὲ τυγχάνουσαι·

νόμιμον γάρ ἐστιν αὐτοῖσ ταύτασ κατὰ μηδένα τῶν τρόπων τύπτειν, ὅθεν ἅμα τῷ φανῆναι παύονται τοῦ τοξεύειν. οἱ δὲ διὰ τὸ γῆρασ οὐ δυνάμενοι ταῖσ ποίμναισ ἀκολουθεῖν βοὸσ οὐρᾷ τὸν αὐχένα περισφίγξαντεσ ἑαυτῶν ἀπολύονται τοῦ ζῆν προθύμωσ·

τοῦ δὲ τὸν θάνατον ἀναβαλλομένου τὴν ἐξουσίαν ὁ βουλόμενοσ ἔχει τὸν δεσμὸν ὡσ ἐπ’ εὐνοίᾳ περιθεῖναι καὶ μετὰ νουθετήσεωσ στερῆσαι τοῦ ζῆν. ὁμοίωσ δὲ νόμιμον αὐτοῖσ ἐστι τοὺσ πηρωθέντασ ἢ νόσοισ δυσιάτοισ συνεχομένουσ ἐξάγειν ἐκ τοῦ ζῆν·

μέγιστον γὰρ τῶν κακῶν ἡγοῦνται τὸ φιλοψυχεῖν τὸν μηδὲν ἄξιον τοῦ ζῆν πράττειν δυνάμενον. διὸ καὶ πάντασ ἰδεῖν ἔστι τοὺσ Τρωγλοδύτασ ἀρτίουσ μὲν τοῖσ σώμασιν, ἰσχύοντασ δ’ ἔτι ταῖσ ἡλικίαισ, ὡσ ἂν μηδενὸσ ὑπερβάλλοντοσ τὰ ἑξήκοντα ἔτη. καὶ περὶ μὲν τῶν Τρωγλοδυτῶν ἱκανῶσ εἰρήκαμεν·

εἰ δέ τισ τῶν ἀναγινωσκόντεν διὰ τὸν ξενισμὸν καὶ τὸ παράδοξον τῶν ἀναγεγραμμένων βίων ἀπιστήσει ταῖσ ἱστορίαισ, θεὶσ πρὸ τῆσ διανοίασ παρ’ ἄλληλα τόν τε περὶ τὴν Σκυθίαν ἀέρα καὶ τὸν περὶ τὴν Τρωγλοδυτικήν, καὶ τὰσ ἑκατέρων διαφορὰσ ἰδών, οὐκ ἀπιστήσει τοῖσ ἱστορημένοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 33

(디오도로스 시켈로스, Bibliotheca Historica, book 3, chapter 33)

상위

목록

SEARCH

MENU NAVIGATION