헬라어 문장 검색 - Διοδορ́Βιβλιοτ́3́26́

(디오도로스 시켈로스, Bibliotheca Historica, book 3, chapter 25)

τὴν δὲ ἑξῆσ χώραν τῶν Αἰθιόπων ἐπέχουσιν οἱ καλούμενοι Κυνηγοί, σύμμετροι μὲν κατὰ τὸ πλῆθοσ, βίον δ’ οἰκεῖον ἔχοντεσ τῇ προσηγορίᾳ. θηριώδουσ γὰρ οὔσησ τῆσ χώρασ καὶ παντελῶσ λυπρᾶσ, ἔτι δὲ ὑδάτων ῥύσεισ ναματιαίων ἐχούσησ ὀλίγασ, καθεύδουσι μὲν ἐπὶ τῶν δένδρων διὰ τὸν ἀπὸ τῶν θηρίων φόβον, ὑπὸ δὲ τὴν ἑωθινὴν πρὸσ τὰσ συρρύσεισ τῶν ὑδάτων μεθ’ ὅπλων φοιτῶντεσ ἑαυτοὺσ ἀποκρύβουσιν εἰσ τὴν ὕλην καὶ σκοπεύουσιν ἐπὶ τῶν δένδρων. κατὰ δὲ τὸν τοῦ καύματοσ καιρόν, ἐρχομένων βοῶν τε ἀγρίων καὶ παρδάλεων καὶ τῶν ἄλλων θηρίων πλήθουσ πρὸσ τὸ ποτόν, ταῦτα μὲν διὰ τὴν ὑπερβολὴν τοῦ τε καύματοσ καὶ δίψουσ λάβρωσ προσφέρεται τὸ ὑγρόν, μέχρι ἂν ἐμπλησθῇ, οἱ δ’ Αἰθίοπεσ, γενομένων αὐτῶν βαρέων καὶ δυσκινήτων, καταπηδῶντεσ ἀπὸ τῶν δένδρων καὶ χρώμενοι ξύλοισ πεπυρακτωμένοισ καὶ λίθοισ, ἔτι δὲ τοξεύμασι, ῥᾳδίωσ καταπονοῦσι.

κατὰ δὲ συστήματα ταύταισ χρώμενοι ταῖσ κυνηγίαισ σαρκοφαγοῦσι τὰ ληφθέντα, καὶ σπανίωσ μὲν ὑπὸ τῶν ἀλκιμωτάτων ζῴων αὐτοὶ διαφθείρονται, τὰ δὲ πολλὰ δόλῳ τὴν ἐκ βίασ ὑπεροχὴν χειροῦνται.

ἐὰν δέ ποτε τῶν κυνηγουμένων ζῴων σπανίζωσι, τὰσ δορὰσ τῶν πρότερον εἰλημμένων βρέξαντεσ ἐπιτιθέασιν ἐπὶ πῦρ ἁπαλόν·

σποδίσαντεσ δὲ τὰσ τρίχασ τὰ δέρματα διαιροῦσι, καὶ κατεσθίοντεσ βεβιασμένωσ ἀναπληροῦσι τὴν ἔνδειαν. τοὺσ δὲ ἀνήβουσ παῖδασ γυμνάζουσιν ἐπὶ σκοπὸν βάλλειν, καὶ μόνοισ διδόασι τροφὴν τοῖσ ἐπιτυχοῦσι.

διὸ καὶ θαυμαστοὶ ταῖσ εὐστοχίαισ ἄνδρεσ γίνονται, κάλλιστα διδασκόμενοι ταῖσ τοῦ λιμοῦ πληγαῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 25

(디오도로스 시켈로스, Bibliotheca Historica, book 3, chapter 25)

상위

목록

SEARCH

MENU NAVIGATION