Dionysius of Halicarnassus, Antiquitates Romanae, book 1, chapter 40 1:

(디오니시오스, Antiquitates Romanae, book 1, chapter 40 1:)

οἱ δὲ Ἀβοριγῖνεσ καὶ τῶν Ἀρκάδων οἱ τὸ Παλλάντιον κατοικοῦντεσ, ὡσ τοῦ τε Κάκου τὸν θάνατον ἔγνωσαν καὶ τὸν Ἡρακλέα εἶδον, τῷ μὲν ἀπεχθόμενοι διὰ τὰσ ἁρπαγάσ, τοῦ δὲ τὴν ὄψιν ἐκπαγλούμενοι θεῖόν τι χρῆμα ἐνόμισαν ὁρᾶν καὶ τοῦ λῃστοῦ μέγα εὐτύχημα τὴν ἀποβολὴν ἐποιοῦντο. οἱ δὲ πένητεσ αὐτῶν κλάδουσ δρεψάμενοι δάφνησ, ἣ πολλὴ περὶ τὸν τόπον ἐφύετο, ἐκεῖνόν τε καὶ αὑτοὺσ ἀνέστεφον, ἧκον δὲ οἱ βασιλεῖσ αὐτῶν ἐπὶ ξένια τὸν Ἡρακλέα καλοῦντεσ. ὡσ δὲ καὶ τοὔνομα καὶ τὸ γένοσ αὐτοῦ καὶ τὰσ πράξεισ διεξιόντοσ ἔμαθον, ἐνεχείριζον αὐτῷ τήν τε χώραν καὶ σφᾶσ αὐτοὺσ ἐπὶ φιλίᾳ.

일치하는 문장이 없습니다.

SEARCH

MENU NAVIGATION