Dionysius of Halicarnassus, Antiquitates Romanae, book 1, chapter 33

(디오니시오스, Antiquitates Romanae, book 1, chapter 33)

ταύτην δὲ Ἀρκάδεσ μυθολογοῦσι Πάλλαντοσ εἶναι θυγατέρα τοῦ Λυκάονοσ· τιμὰσ δὲ παρ’ ἀνθρώπων ἃσ ἔχει νῦν Ἀθηνᾶσ βουλήσει λαβεῖν, γενομένην τῆσ θεοῦ σύντροφον. δοθῆναι γὰρ εὐθὺσ ἀπὸ γονῆσ τὴν Ἀθηνᾶν Πάλλαντι ὑπὸ Διὸσ καὶ παρ’ ἐκείνῳ τέωσ εἰσ ὡρ́αν ἀφίκετο τραφῆναι.

ἱδρύσαντο δὲ καὶ Δήμητροσ ἱερὸν καὶ τὰσ θυσίασ αὐτῇ διὰ γυναικῶν τε καὶ νηφαλίουσ ἔθυσαν, ὡσ Ἕλλησι νόμοσ, ὧν οὐδὲν ὁ καθ’ ἡμᾶσ ἤλλαξε χρόνοσ. ἀπέδειξαν δὲ καὶ Ποσειδῶνι τέμενοσ Ἱππίῳ καὶ τὴν ἑορτὴν Ἱπποκράτεια μὲν ὑπ’ Ἀρκάδων, Κωνσουάλια δὲ ὑπὸ Ῥωμαίων λεγόμενα κατεστήσαντο, ἐν ᾗ παρὰ Ῥωμαίοισ ἐξ ἔθουσ ἐλινύουσιν ἔργων ἵπποι καὶ ὀρεῖσ καὶ στέφονται τὰσ κεφαλὰσ ἄνθεσι.

πολλὰ δὲ καὶ ἄλλα τεμένη καὶ βωμοὺσ καὶ βρέτη θεῶν καθωσίωσαν, ἁγισμούσ τε καὶ θυσίασ κατεστήσαντο πατρίουσ, αἳ μέχρι τῶν κατ’ ἐμὲ χρόνων τὸν αὐτὸν ἐγίνοντο τρόπον.

οὐ θαυμάσαιμι δ’ ἂν εἰ καὶ παρεῖνταί τινεσ διαφυγοῦσαι τὴν τῶν ἐπιγινομένων μνήμην ὑπὸ τοῦ πάνυ ἀρχαίου·

ἀλλ’ ἀποχρῶσί γε αἱ νῦν ἔτι γινόμεναι τεκμήρια εἶναι τῶν Ἀρκαδικῶν ποτε νομίμων· λεχθήσεται δὲ περὶ αὐτῶν ἐπὶ πλεῖον ἐν ἑτέροισ. λέγονται δὲ καὶ γραμμάτων Ἑλληνικῶν χρῆσιν εἰσ Ἰταλίαν πρῶτοι διακομίσαι νεωστὶ φανεῖσαν Ἀρκάδεσ καὶ μουσικὴν τὴν δι’ ὀργάνων, ἃ δὴ λύραι τε καὶ τρίγωνα καὶ αὐλοὶ καλοῦνται, τῶν προτέρων ὅτι μὴ σύριγξι ποιμενικαῖσ οὐδενὶ ἄλλῳ μουσικῆσ τεχνήματι χρωμένων, νόμουσ τε θέσθαι καὶ τὴν δίαιταν ἐκ τοῦ θηριώδουσ ἐπὶ πλεῖστον εἰσ ἡμερότητα μεταγαγεῖν τέχνασ τε καὶ ἐπιτηδεύματα καὶ ἄλλα πολλά τινα ὠφελήματα εἰσ τὸ κοινὸν καταθεῖναι, καὶ διὰ ταῦτα πολλῆσ ἐπιμελείασ τυγχάνειν πρὸσ τῶν ὑποδεξαμένων.

τοῦτο δεύτερον ἔθνοσ Ἑλληνικὸν μετὰ Πελασγοὺσ ἀφικόμενον εἰσ Ἰταλίαν κοινὴν ἔσχε μετὰ τὴν τῶν Ἀβοριγίνων οἴκησιν ἐν τῷ κρατίστῳ τῆσ Ῥώμησ ἱδρυσάμενον χωρίῳ.

일치하는 문장이 없습니다.

SEARCH

MENU NAVIGATION