헬라어 텍스트

Dionysius of Halicarnassus, Antiquitates Romanae, book 1, chapter 19

(디오니시오스, Antiquitates Romanae, book 1, chapter 19)

οἱ δὲ διὰ τῆσ μεσογείου τραπόμενοι, τὴν ὀρεινὴν τῆσ Ἰταλίασ ὑπερβαλόντεσ, εἰσ τὴν Ὀμβρικῶν ἀφικνοῦνται χώραν τῶν ὁμορούντων Ἀβοριγῖσι. πολλὰ δὲ καὶ ἄλλα χωρία τῆσ Ἰταλίασ ᾤκουν Ὀμβρικοί, καὶ ἦν τοῦτο τὸ ἔθνοσ ἐν τοῖσ πάνυ μέγα τε καὶ ἀρχαῖον. τὸ μὲν οὖν κατ’ ἀρχὰσ ἐκράτουν οἱ Πελασγοὶ τῶν χωρίων ἔνθα τὸ πρῶτον ἱδρύσαντο καὶ πολισμάτια τῶν Ὀμβρικῶν κατελάβοντό τινα· συνελθόντοσ δ’ ἐπ’ αὐτοὺσ μεγάλου στρατοῦ δείσαντεσ τῶν πολεμίων τὸ πλῆθοσ εἰσ τὴν Ἀβοριγίνων ἀπιόντεσ τρέπονται.

καὶ οἱ μὲν Ἀβοριγῖνεσ ἅτε πολεμίοισ ἐδικαίουν αὐτοῖσ προσφέρεσθαι καὶ συνῄεσαν ἐκ τῶν ἔγγιστα χωρίων διὰ τάχουσ ὡσ ἐξαναστήσοντεσ αὐτούσ.

οἱ δὲ Πελασγοί τυγχάνουσι γὰρ ἐν τούτῳ τῷ χρόνῳ κατὰ δαίμονα περὶ Κοτυλίαν πόλιν Ἀβοριγίνων αὐλισάμενοι πλησίον τῆσ ἱερᾶσ λίμνησ’ ὡσ δὲ τήν τε νησῖδα τὴν ἐν αὐτῇ περιδινουμένην κατέμαθον καὶ παρὰ τῶν αἰχμαλώτων, οὓσ ἐκ τῶν ἀγρῶν ἔλαβον, ἤκουσαν τὸ τῶν ἐπιχωρίων ὄνομα τέλοσ ἔχειν σφίσι τὸ θεοπρόπιον ὑπέλαβον. ὁ γὰρ ἐν Δωδώνῃ γενόμενοσ αὐτοῖσ χρησμόσ, ὅν φησι Λεύκιοσ Μάλλιοσ ἀνὴρ οὐκ ἄσημοσ αὐτὸσ ἰδεῖν ἐπί τινοσ τῶν ἐν τῷ τεμένει τοῦ Διὸσ κειμένων τριπόδων γράμμασιν ἀρχαίοισ ἐγκεχαραγμένον, ὡδὶ εἶχε·

στείχετε μαιόμενοι Σικελῶν Σατόρνιον αἰᾶν ἠδ’ Ἀβοριγινέων Κοτύλην, οὗ νᾶσοσ ὀχεῖται·

οἷσ ἀναμιχθέντεσ δεκάτην ἐκπέμψατε Φοίβῳ καὶ κεφαλὰσ Κρονίδῃ καὶ τῷ πατρὶ πέμπετε φῶτα.