Dionysius of Halicarnassus, Antiquitates Romanae, book 1, chapter 43

(디오니시오스, Antiquitates Romanae, book 1, chapter 43)

λέγουσι δέ τινεσ αὐτὸν καὶ παῖδασ ἐν τοῖσ χωρίοισ τούτοισ, ἃ νῦν Ῥωμαῖοι κατοικοῦσιν, ἐκ δύο γυναικῶν γενομένουσ καταλιπεῖν· Πάλλαντα μὲν ἐκ τῆσ Εὐάνδρου θυγατρόσ, ᾗ Λαῦναν ὄνομά φασιν εἶναι, Λατῖνον δὲ ἔκ τινοσ ὑπερβορίδοσ κόρησ, ἣν πατρὸσ εἰσ ὁμηρείαν δόντοσ ἐπήγετο καὶ αὐτὴν μέχρι μέν τινοσ ἁγνὴν γάμων ἐφύλαττεν, ἐπεὶ δὲ εἰσ Ἰταλίαν ἔπλει ἐρασθεὶσ ἐγκύμονα ποιεῖ, καὶ ὅτε δὴ ἀπαίρειν εἰσ Ἄργοσ ἔμελλε τῷ βασιλεῖ τῶν Ἀβοριγίνων Φαύνῳ γυναῖκα ποιήσασθαι δίδωσι·

δι’ ἣν αἰτίαν τοὺσ πολλοὺσ τὸν Λατῖνον τούτου υἱὸν νομίζειν, οὐχ Ἡρακλέουσ. Πάλλαντα μὲν οὖν πρὶν ἡβῆσαι λέγουσιν ἀποθανεῖν, Λατῖνον δὲ ἀνδρωθέντα τὴν Ἀβοριγίνων ἀρχὴν παραλαβεῖν.

τούτου δὲ ἄπαιδοσ ἀρρένων παίδων τελευτήσαντοσ ἐν τῇ πρὸσ τοὺσ ὁμόρουσ Ῥοτόλουσ μάχῃ περιστῆναι τὴν ἀρχὴν εἰσ Αἰνείαν τὸν Ἀγχίσου κηδεστὴν αὐτοῦ γενόμενον. ἀλλὰ ταῦτα μὲν ἐν ἑτέροισ χρόνοισ ἐγένετο.

일치하는 문장이 없습니다.

SEARCH

MENU NAVIGATION